Johan 1:29 - Angami Naga CL (Re-edited) Bible (BSI)

²⁹ Süsienhie Johan Jisu puo ki vorkezhü ngulie di sie, “Harie, kijüu kephouma chü setakezha Ukepenuopfü Kuonuou sü!

Johan 1:29 Iomraidhean Croise

Toukepra 28:38

Süu pie Aron teikhie gei shütuo, mu Israelmiakoe kemesa ruosuo khakeshü ki kekrükecü huo chüwa zorei kejo pete Aron thuo pfütuo, süu puoe puo teikhie gei ba seituo, ruosuo khakeshü pete Jihova mhodzünu lielieketuo la.

Isaya 53:10

Sizorei puo pechü di vümvüketuoe Jihova medota. No puo kerheiro pie kephouma la khakeshü ki, puoe puo nuosenuoyie ngutuo, sidi puo teisozha chü pechashütuo; puo geinu Jihova medo-u kruolietuo.

Isaya 53:11

Kemezhiekeshü geinu puo kezieu ngutuo; puo kesikele geinu puo kenei ngulietuo. Kemiatho-u, a kituou, kemiathomia kekra chüshütuo, mu puoe uko kejokemouko pfülietuo.

Isaya 53:7

Puo pesüpemvü, mu puo pechüpenyü, sirei puo tiega rei mo; tekuonuo ze kedukhri nu kevo tuoi, mu tekuoe puo mie kebeko mhodzü meümo ketha tuoi, puo tiega rei mo zo.

Hosea 14:2

Dieko selie di no rürei Jihova ki vorlie; sidi puo ki, “Kejokemou pete chüsetayi; mha keviu lielie, siro hie hie tie siu pie ruosuo chüshütuo.

Levimiako 10:17

“Kidi nnie kephouma la ruosuo khakeshüu kemesa thechüu nunu cülie mo ga? Süue mha kemesatho puo mu nie bu mechükehouu kejo pieu chüwaketuo la kha nie tsüshü, Jihova mhodzünu uko la ruotho chüketuo la.

Zekaria 13:1

Sünhie David kiu gei kephouma mu mesa kemoko khrü kemesaketuo la dzüluo puo partuo.

Nuolhoutsüphrü 18:1

Jihovae Aron ki: Kemesachüu nu kekrükelieko; no mu n nuonuoko mu n puotsanuomia nyie chütuo, siro zievo kechü nyieko zowe no mu n nuonuoko tsü gei zotuo.

Nuolhoutsüphrü 18:23

Derei Leviko bu we rüsuopfhekiu nu mhathoko chütuo, mu uko bu uko kekrükewako toupfütuo; süue nie nuosenuoyie pete donu kechachie zho puo chütuo; mu Israelmiako donu uko rüvie chü selie lho.

Nuolhoutsüphrü 21:9

Süla Mosae mese pie tinyhü puo chülie, di süu pie co puo gei piezhalie: mu tinyhü bu u medukewa kehoupuorei mese tinyhüu mehokelie khe rheilie.

Nuolhoutsüphrü 7:27

kethe ruosuo la thudonuo puo, tekuochü puo, cie puoketa tekuonuochü puo;

Nuolhoutsüphrü 7:39

kethe ruosuo la thudonuo puo, tekuochü puo, cie puoketa tekuonuochü puo;

Mathi 1:21

Puo thepfunuomia puo penuolietuo, mu no puo za thopie Jisu chüliecie, kekreilamonyü puoe puo themiako kephouma nunu uko kelalie zotuocü la,” sita.

Mathi 20:28

Themia Nuou rei mia bu puo theketuo üdi monyü mia theketuoü tsiu themia kekra rhalieketuo la puo phou khashütuoü kevor zo.”

Johan 1:35

Süsienhie Johan puoe pethakelie kenie ze tha ru,

Johan 1:36

Jisu reketuo meho di, “Lere-i, luu Ukepenuopfü Kuonuou zo.”

Johan 1:43

Süsienhie Jisu Galil nu voketuo rhülie. Sitse puo Filip ngulie di sie puo ki, “A siemedziliecie,” sishü.

Johan 2:1

Zha se nhie Galil Kana rünau nu nuyie puo chü, mu Jisu-nuo zuo sünu ba.

Johan 3:16

“Siro Ukepenuopfü kijüu khriethor zo di puo Nuo pfuliu khashü zo, kekreilamonyü themia kehoupuorei puo pelekelieu kaüjüta mo di kechachie kerhei ngulieketuo la.

Johan 4:42

Sitse uko sie thenupfü ki, “N kepu la zomonyü hie rei tsie we pelete, kekreilamonyü hie thuo rünyüliete mu hie themia hau kijü kelakelieu ketho zo ükecü siliete.”

Johan 6:51

A teigei nu keker niekhrüdau zo. Kehoupuorei niekhrüda hau cü ro kechachie rhei tuotatuo, mu kijüu bu kerhei ngulieketuo la khakeshü niekhrüdau sü a chü zo.”

Mhakechüko 13:39

siro nie kehoupuorei Jisu pelekelie lanu Mosa zho-u nunu phreishülie kenjükecü kephouma pete phreishüwate.

Mhakechüko 8:32

Siro puo Kethodie phrüketuou ro hau: “Tekuo dukhrituoü ze kevo tuoi puo ze vo; siro tekuonuo puomie kebeu mhodzü kemekrie bakezha tuoi, sütuoi puoe puo tie tiegashü chie mo.

Korintmiako Kerieu 15:3

Kekreilamonyü a ngukelie mha kezhatho-u pie nie tsüwate, süu kethodieko nu thupie kezhü tuoi Khrista bu u kephoumako la siawate,

Korintmiako Kenieu 5:21

U lanu kephouma si motokecüu chüpie kephouma chüwa, sidi u bu puo geinu Ukepenuopfü kemiatho-u nu u ya nyilie.

Galatiako 1:4

puoe Ukepenuopfü u Puou medo mhiei tsie kerüzhü tei hau nunu u shüphralietuoü u kephoumako la puo thuo puo phou khashü,

Galatiako 3:13

U la rüse puo chü di Khristae thezho-u rüse nunu u rhaliete, süu thupie kezhü, “Kehoupuorei sei geinu goukewa khe rüsepfüketamia zo,” isi,

Timothi Kerieu 2:6

mia pete rhalieketuo la puo thuo puo phou khashü, puotei tou ki hau zhapu chüshü.

Tita 2:14

Puoe u kesuo kheko nunu u rhalie mu u khrü kemesapie puo thuo puo themia kro puo chülietuoü u bu mha kevi pete nu u rhiechülietuo üdi puo kelhou khashü.

Ibriko 1:3

Puo geinu Ukepenuopfü zayie khrüu rükesoshüya mu puoe Ukepenuopfü rhi touu zo, mu mha pete rei puo die kekuou thuo se ba. Puoe kephouma chü kemesawa, di vo peso gei Kezhatho-u zatsa bate,

Ibriko 2:17

Süla puo mha pete nu puo siezedzürieko kemhielie di kedietho mu ngukemezhie se Kepenuopfü lietho kechüu nu uko zievokezhatho-u chü di themia kephouma neiüko ruothoruori chüwate.

Ibriko 9:28

Khrista rei themia kekra kephouma pfülietuo üdi vapuochü puo phou khashüwate, mu puo vorketuo va kenieu we kephouma dze la monyü puo merü kelho di pfhe kebako kelalieketuo la vorcü zotuo.

Pitor Kerieu 1:19

derei puotoukecü morei ciewa kemo tekuonuo mhiekecü puoma keretho Khrista zieu zo.

Pitor Kerieu 2:24

Puo thuo krus geinu u kephoumako puo mo geinu toupfüliete, sidi u bu kephouma kitsa u pesiawa mu kemiatho la lhou tuolieketuo la; puo kevüpfüko la nieko chü kemeneliete.

Pitor Kerieu 3:18

Khrista rei u ze Ukepenuopfü ki volieketuo la, kemiatho-u bu miathokemoko sou chü, vapuochü di kephoumako la sia. Chüüphou tsa we puo pesiawata zo, derei ruopfütsa we chü perhei laliete,

Johan Kerieu 2:2

mu puoe u kephoumako la u ruo chükewau zo, tsiu u kephoumako la rübei monyü kijü pete kephouma la rei zo.

Johan Kerieu 3:5

Puoe kephouma chü setatuoücü la mia mhingu chü vorcü nie si ba, mu puo gei kephouma puorei jü.

Johan Kerieu 4:10

Kekhrie süu hau, we Ukepenuopfü khrielieta monyü puo thuo u khriekelie geinu u kephoumako ruotho la puo Nuou ketseshü.

Pesikeshü 1:5

mu kijü nu kediko mhokezhau, kesiako donunu rheisiekelie kerietho-u, kedietho zhapuu Jisu Khrista kinu nie gei vorcie. U khriekezhau mu puo zie pie u kephoumako nunu u rhakeshüu,

Pesikeshü 12:11

Derei Tekuonuo zieu mu uko zhapu dieu se puo penyüliete, uko kesiatie nu rei u phou khrieta kemo la.

Pesikeshü 13:8

mu kijüu chükelie mhodzü u za thupie dukhrikewa Tekuonuou kerhei leshüdau nu zhüketako zo kemosie, kijü nu lhouketuo pete süu rüsuotatuo.

Pesikeshü 14:1

Süsie a mehoshü ru Tekuonuou Zion Kijüthou gei tha! Mia lakh puo di nyie hiediaedia u teikhie geinu puo za mu puo Puou za thupfülieketako puo ze tha.

Pesikeshü 14:10

sümia bu Ukepenuopfü noupfhü kere zuu krietuo, süu mha pie kereiwa mo di rupie puo nouyie hieu nu ba, tsiu teigeidielie kemesako mhodzünu siro Tekuonuou mhodzünu mi mu mitsie se süko pechütuo.

Pesikeshü 14:4

Hako phousemiakecü la thenumia ze di u perhu mo; ukoe Tekuonuou kevo kheko nu puo siemedzi vo. Hakoe themia pete donu rhalie di pie Ukepenuopfü mu Tekuonuou tsüketuo puo si kerieko zo,

Pesikeshü 15:3

Tsiu ukoe Ukepenuopfü kituou Mosa tsaliu, mu Tekuonuo tsaliu chü tha! “Kuokejokejüu, Niepuu Ukepenuopfü, n mhathoko zha mu u ngo zalie! N chako sü mezhü mu ketho phre, seyieko Kediu!

Pesikeshü 17:14

Ukoe Tekuonuou ze terhü chütuo, sirei Tekuonuoue uko penyüwatuo, puo niepuko mho Niepuu mu kediko mho Kediucü la, siro kielieketako, mu kedakelieko tsiu kediethoko puo ze tuo.”

Pesikeshü 19:7

U nei mu u noumvülie khe, di zayie pie puo tsü khe, Tekuonuou nuyie tei sü tsote, mu puo yasapfü sü puo dojülieketa la;

Pesikeshü 19:9

Sitse teigeidielieu sie a ki, “Hau thuliecie: Tekuonuou nuyie heu nu vonu di kiekelieko thejakepfütho.” Siro puoe a ki, “Hako Ukepenuopfü die ketho zo.”

Pesikeshü 21:14

Siro nadiu dahou puo mvüdze kerekenie mu süko gei Tekuonuou apostel kerekenieko za ba.

Pesikeshü 21:27

Derei mha mesa kemo puorei sünu lelie lho, morei kerütsekecü tho kechüko tsiu tijükecümia rei sünu lelie lho, derei Tekuonuou kerheiprü leshüdau nu u za thupie zhüketako rübei zotuo.

Pesikeshü 21:9

Siro teigeidielie thenieko mhakhou thenie nu thepe thela thenieko pie tshupfü di pie kethako mia puo a ki phir di sie, “Vorlie, a yasapfü, Tekuonuou kimiapfü thashü n kietuo,” si.

Pesikeshü 5:6

Süsie a kedibau siro khunuo kerhei diako donu mu phichüko donu Tekuonuo dukhrikewa tuoikecü puo ketha ngu, puo kia thenie mu puo mhi thenie, sükosü ketsepie kijü pete nu keshü Ukepenuopfü ruopfü thenieko.

Pesikeshü 5:8

Puoe leshütshüu piekelie ki, khunuo kerhei diako mu phichümia mepfüediako Tekuonuou mhodzü zerepfü zhüta, uko dzie nu harp mu suna khou kethengu thepie tshucü se phre, sükoe kemesako kecha chükeshüko.

Pesikeshü 6:1

Süsie a ngukecü Tekuonuoue zasi thenieko puo phreishü, sitse khunuo rhei ketuo diako puoe puo pfhe teikese tuoi, “Vorlie” icü kepu si.

Pesikeshü 6:16

sidi kijüthouko mu tsiekrieko kie di, “Metsur hie vupfüliecie sidi kediba gei kebau mhingu nunu mu Tekuonuou noupfhü nunu hie kevieshücie;

Pesikeshü 7:14

Sitse a puo ki, “Kepethau, hau sikecü sü no zo.” Sitse puo a ki, “Hako mia bu u pechüpenyü phikewa nunu vorwe; uko u pfheneiko Tekuonuou zie nu menyi pekraliete.

Pesikeshü 7:17

kekreilamonyü kedibau metsuo nu keba Tekuonuou bu uko kepfheu chütatuo, mu puo uko cha tha ze kerhei dzüluoko nu votuo, Ukepenuopfü thuo uko mhi nunu uko mhidzü sü phrewatuo.”