Johan 1:18 - Angami Naga CL (Re-edited) Bible (BSI)

¹⁸ Miapuorei mhakipuorei Ukepenuopfü ngu mo. Süu Ukepenuopfü Nuo pfuliu, puo Puo merü gei kebau thuo mia bu puo sikelie chükeshü zo.

Johan 1:18 Iomraidhean Croise

Keriekitho 16:13

Süla puoe Jihova puo rüchükeshüu üse, “No El-roi” idi kieta; kekreilamonyü puo sie, “A Ukepenuopfü ngu ketho me mu a puo ngukewa sie rei rhei balie vi zo me?”

Keriekitho 18:33

Sidi Jihovae Abraham ze kerüchü tseiwa tse tuota, mu Abraham puo chü nu la vorta.

Toukepra 23:21

Puo sanyü di puo pfhe rünyülie, puo petsouta hie, nie vajokewa puoe vashü nie tsülie lhokecü la; a zae puo gei tuotacü la.

Toukepra 24:10

tsiu ukoe Israel Kepenuopfü ngu; mu puo phinie khro safir tsie pie khrakecü mhiei; teigei kemesa mhie zo.

Mhasidie 8:30

süki a puo ze tuo, puo ze mhachüyakezhamia puo tuoi mu teisonhie ae puo keneiu, puo mhodzüki a nei siei vor zo.

Isaya 40:11

Kuopfheu tuoi puoe puo kuoko vachütuo; tekuonuoko kengupie puo bou nu shülietuo, tsiu puo merü geinu uko pietuo, mu puo krüko menuo di ze tuotuo.

Thekrü 2:12

Ukoe sie uko zuonuoko ki, “Niekhrüda mu khubezu kirapuo ba ga?” si. Ukoe nadiu chaüko nunu rüzakeliemia mhie phisia zhü, ukoe u zuonuo merü geinu u kelhou voketa nhie.

Nuolhoutsüphrü 12:8

Puo zowe a mhotsou, mecümecie di puo rüchüya, dievi nunu ya mo; sidi puoe Jihova rhiu nguya. Süla nnie kiüdi a kituou Mosa ngukemvü die pu michieya mo ga?”

Mathi 11:27

A Puo thuo mha pete pie a dzie nu shüwate; mu Puou thuo zo kemosie miapuorei Nuou siya mo, sütuoi Nuou mu Nuou thuo süu thapie kieshüketuoko zo kemosie miapuorei Puou siya mo.

LUK THUKESHÜ DIELIEKEVI 10:22

A Puou thuo mha peteko khapie a dzie nu shüwate, Puou zo kemosie miapuorei Nuou supuo shi siya mo, sütuoi Nuou mu Nuo süu thuo thapie kiekeshüu zo kemosie miapuorei Puou supuo shi siya mo.”

Johan 1:14

Siro Dieu chüüphou mevi vor hie donu lhou, mu hie puo zayieu, ngukemezhie mu ketho bu tshukepfü, puo nuo pfuliu zo ükecü zayieu ngu.

Johan 12:41

Isaya hau pukecü kekreilamonyü puoe puo zayieu ngu di puo dze pushü.

Johan 13:23

Ru puoe pethakelieko mia puo, Jisue puo khrieyakezhau puo merü ki vakhriepfü ba.

Johan 14:9

Jisu sie puo ki, “A puotei hachie nieko ze tuota rei Filip, no a si mo le? Kehoupuorei a nguwaketamia, Puou rei nguwate. Siro no kiüdi ‘Puou pie hie pengushücie,’ iya ga?

Johan 17:26

A uko bu n zau siliete, mu süu mia silie zotuo, sidi no se a khrie vorkecü kekhrieu bu uko nou balie mu a bu uko nou balieketuo la.”

Johan 17:6

“No kijü hau nunu themia khapie a ketsüko ki a n zau pie pesipengushüwate. Süko n vie ze, mu no süko khapie a tsüshü, tsiu ukoe n die ze vor zo.

Johan 3:11

“A n ki pu toushütuo, hie si kebau puya mu hie kenguu dze zhapu chüya; sirei nieko miapuorei hie zhapuu lielieya mo.

Johan 6:46

Ukepenuopfü kinu kevor-u rübei zo kemosie miapuorei Puou ngu mo; puoe Puou nguwate.

Korintmiako Kenieu 4:4

Süu pele mvüketako la we kijü hanu rhuou bu uko nou chü pezeiwaketa la zo, süko bu dieliekeviu nunu kevor kezieu, zayie chü zokecüu Khristae Ukepenuopfü rhiu ükecü ngulie kelho chüwaya.

Pulakeshüzho 4:12

Sitse Jihovae miu donunu nie ki pu. Nie die pfhephrau si, derei mharhi puorei ngu mo, pfhephra puo rübei zo.

Kolosiko 1:15

Puoe umhi pie ngulie kelho Ukepenuopfü rhiu zo, mhachükelieko pete donu nuorietho-u;

Timothi Kerieu 1:17

Siro kechachie Kediu, siatalie kelho-u, umhi pie ngulie kelho-u, Ukepenuopfü puo rübei zokecüu bu kechachie thetshetherhupfü mu zapuzayie chücie. Amen.

Timothi Kerieu 6:16

Puo rübei siaüjütalie kelho-u mu miapuorei penuo volie kelho kezie nu lhou kebau, miapuorei puo ngu mo mu ngu reilie lho; puo bu telhekechachie therhupfü mu kedi chücie. Amen.

Joshua 5:13

Va puo Joshuae Jeriko khieki keba ki puoe tosie ru themia puo zhiecha puo pie di puo mhodzünu ketha ngu. Sitse Joshuae puo ki kho puo ketso di, “No úko puo zo me, mo, hie kepetsoumia ga?”

Johan Kerieu 4:12

Miapuorei Ukepenuopfü ngu chie mo; we huoniehuo khrieya ro, Ukepenuopfü u nou bate, mu puo kekhrieu u geinu tseilieya.

Johan Kerieu 4:20

Miapuonie, “A Ukepenuopfü khrieya” isi di puo siezedzürie ngumecüya ro, sümia kemedamia zo; kekreilamonyü puoe nguyakezha puo siezedzürie khrielie moliro, nguya kemo Ukepenuopfü khrielie kenjü.

Johan Kerieu 4:9

Hamhie di Ukepenuopfü kekhrieu thapie u kieshü: Ukepenuopfü puo Nuo pfuliu ketsepie kijü hanu keshüe u bu puo geinu kerhei ngulieketuo la zo.

Johan Kerieu 5:20

Ukepenuopfü Nuou vor di kesikele pie u tsü di u bu puoe ketho-u ücü silie; mu we Nuou Jisu Khristae ketho zocüu nou bate. Puoe ketho zokecüu Ukepenuopfü mu kechachie kerheiu zo.