Johan 1:13 - Angami Naga CL (Re-edited) Bible (BSI)

¹³ sükoe chüüzie nunu, morei chüüphou medo nunu, morei themia medo nunu monyü Ukepenuopfü nunu penuokelie zo.

Johan 1:13 Iomraidhean Croise

Keriekitho 25:22

Puo nuonie puo vanu tuoluocünu kegei tuota; süla puoe sie, “Haituoü ro, kiüdi a bu rheituo shi?” ituoya. Süla puoe Jihova ki ketsotuoü vo.

Keriekitho 25:28

Isak-e Esau khrieya, kekreilamonyü puoe süu chügei puo neiyakezha la, derei Rebekae Jakob khriekuoya.

Keriekitho 27:33

Sitse Isak pekhrukhru di sie, “Di siro no vor kemonu khunuo chügei üdi chase vor a bu cülie mu a bu japie puo tsüwaketau supuo ga? Uwe, puo thejapfülieta zotuo!”

Keriekitho 27:4

Sidi a neiyakezha, gacha chülie di se vor a bu cü di a siaketa mhodzü a bu japie n tsüshüketuo la.”

Chieliko 110:3

No n rüpfhünuoko ze kemesa kijüthouko gei kevo nhie n themiako u nei di u khashütuo. Khise gei thezei tuoi n khriesako n ki vortuo.

Mathi 3:9

Siro ‘Hie rei Abraham nuo zo’ ikecü putuoü le hiecie; kekreilamonyü a nieko ki pushütuo, Ukepenuopfü ketsie hako geinu Abraham nuonuo pelhoushülie vi zo.

Johan 3:3

Jisu sie puo ki, “A n ki pu toushütuo, penuo kesa la kemosie miapuorei Ukepenuopfü kedi ngukelie jü.”

Korintmiako Kerieu 3:6

A leishü, Apolo dzü pie vashü, derei Ukepenuopfü thuo memiekelie chüshü.

Filipiko 2:13

kekreilamonyü Ukepenuopfüe nie geinu mhachü tuo zo, sidi puo nei puo medo kemhiei chülieketuo la nie bu chü nyülie mu chülieketuo rei chüshüya.

Tita 3:5

puo thuo u kelalie, u thuo u kemiatho nunu chükelie mhathoko la monyü, puo thuo u ngumezhiekeshü la zo, süusü penuo kesakelie dzü nu tsiu Kemesa Ruopfüu geinu chü kesakelie zo.

Jakob 1:18

Puo thuo puo medo nunu ketho dieu se u chü u rhi parlie, sidi u bu puoe pelhoukeshü pete si kerieu chülie.

Pitor Kerieu 1:23

Niekoe penuo kesaliete; süu kaüjütalie kevi nunu monyü kaüjütalie kelho tsiau nunu zo, süu rhei mu ba seiyakezha Ukepenuopfü dieu geinu zo.

Pitor Kerieu 1:3

U Niepuu Jisu Khrista Puou mu Ukepenuopfü bu thejakepfüu chücie! Puo u ngumezhiethorcü la kesia nunu Jisu Khrista rhei lasiekelie geinu u penuo kesapie kerhei siedze kemerü nu shülie,

Pitor Kerieu 2:2

Sidi nuoranuomia mhie di ruopfü nudzü kemesau mengu siei zolie, süu geinu memie sie di kelakelie tsolieketuo la,

Johan Kerieu 3:9

Ukepenuopfü nunu penuolieketamia kephouma chü motaya, kekreilamonyü Ukepenuopfü tsiau puo gei batacü la. Ukoe kephouma chü salie kenjü, ukoe Ukepenuopfü geinu penuolieketa la.

Johan Kerieu 4:7

A khrieko, úko huoniehuo khrielie khe, kekreilamonyü kekhrie-e Ukepenuopfü kinu vor zo; siro mia khrieyakezha khe Ukepenuopfü geinu u penuolieta zo mu Ukepenuopfü siya.

Johan Kerieu 5:1

Kehoupuorei Jisue Khrista ükecü peleyakezhau Ukepenuopfü nunu penuolieta zo mu kehoupuorei puo krü khrieyakezhau puo nuo rei khrieya.

Johan Kerieu 5:18

Ukepenuopfü nunu penuolieketako we kephouma chü zo bataya mo; derei Ukepenuopfü nunu penuolieketako rüguose bataya, sidi kesuou bu uko biewaya mo.

Johan Kerieu 5:4

Kehoupuorei Ukepenuopfü geinu penuo parketau kijüu ki kuolieya. Mu kijüu ki kuokelie süusüe u kepeleu zo.