Joel 3:9 - Angami Naga CL (Re-edited) Bible (BSI)

⁹ Seyieko donu hau pushülie: Terhüla dojülie, terhümiaviko kehüshülie. Rüpfhünuo pete bu penuo vorlie, uko bu khorlie.

Joel 3:9 Iomraidhean Croise

Chieliko 96:10

“Jihovae kediu” ücü seyieko donu pushülie! Kijüu se kemeteipie bawate, süu mhakipuorei rünielie lho. Puoe kemezhü nu mia nyie pepituo.

Isaya 34:1

He-i seyieko, penuo vorcie rünyüketuo la; harie themiako, rünyüliecie! Kijüu tsiu sünu ketshu chü keba pete; kijüu mu sünunu kevor pete bu rünyüliecie.

Jeremia 31:10

Jihova die rünyüliecie, he-i seyieko, sidi süu pie dzü khie kijü kepetseko nu pesishülie; sidi sie, “Israel biepie cürekewau, puoe kuopfheu tuoi puo khapie balietuo.”

Jeremia 50:2

Seyieko donu pesishü mu pushülie, pfhelhau lhashülie di pesishülie, süu keviewa hie, pushülie: Babilon lieliete, Bel pie thenga nu shüwate, Merodak puo ziejü thenousuo bate. Puo miarhiko pie thenga chüwate, puo miarhiko u ziejü bate.

Jeremia 51:11

Theütsieko chü kemethelie! Theütsie bouko nu pelilie! Jihovae Medes kediko nou chüshüte, puoe Babilon la lekecüu sü puo pekawaketuou zo, süue Jihova khepuu, rüsuokiu khepu zokecü la.

Jeremia 51:27

Kijü nu pfhelha piesieshülie, seyieko donu ketsüu khoushülie; puo ze terhü chüketuo la seyieko kezulie, puo perhieketuo la kedirüvieko kekielie, Ararat, Mini, mu Ashkenaz kie kengulie; puo perhieketuo la kezhamia kedalie, pekrie kuprie tuoi kier ze vorlie.

Jeremia 6:4

“Puo ze terhü chütuoü dojülie; sielie, sidi úko khinhie gei vo puo re khe!” “Úko we ce, chülietie, kekreilamonyü teisozhau votazhie, tsiu teizei khrüu chü pechaliete!”

Ezekiel 38:17

Niepuu Jihovae puya: A thiedzü a kituo Israel siedzekesiko ki pu di, a n ze vor uko petsouketuo dze pedzüperie teicie kekra siedzekesiko bu pu kevor-u no themia süute me?

Ezekiel 38:7

Dojülie mu dojüse balie, no tsiu n houpfü keba themia kro pete, sidi uko la nie khapie baliecie.

Mika 3:5

A themia cha tha kekrüwayakezha siedzekesiko la Jihovae puya, ukoe kecükekrie keba ki “Kezekevi” idi puya, derei mha pie uko me nu shü kemo-u ze terhü chütuoü pesiya.

Hagai 2:7

Mu a seyie pete shükenieshütuo, sitse seyie peteko kinyi vortuo, sidi a ki hau zapuzayie kechü pie tshulietuo, krodiko Jihovae siya.

Zekaria 14:2

Kekreilamonyü a seyie pete kie kengupie Jerusalem ze kegeituo, mu nadiu lielietuo tsiu kiko nu mha ketalietuo mu thenuko shüwatuo; nadiu nu themia ketoupuoe miadie chü votatuo, derei themia lhiekeliekoe nadiu nunu pekawalie lho.

Zekaria 14:3

Sitse Jihovae par di seyie süko ze kegeituo, terhükegeikecü nhie tuoi di.