Joel 3:5 - Angami Naga CL (Re-edited) Bible (BSI)

⁵ Kekreilamonyü nieko a rakachü siro a suna chüliete, mu a kinyi ketapfü nie rüsuokiko nu vote.

Joel 3:5 Iomraidhean Croise

Kediko Kenieu 12:18

Juda Kediu Jehoash-e puo puonuoko Jehoshafat, mu Jehoram mu Ahazia, Juda kediko chü kemesapie keba mhanyako, tsiu puo thuo puo vie chü kemesapie keba nyako, siro Jihova ki nu ngukelie suna peteko, mu kediu ki nu ketuoko chülie, sidi ketsepie Aram Kediu Hazael tsüwa. Sitse Hazael Jerusalem nunu tuota.

Kediko Kenieu 16:8

Siro Ahaz-e Jihova kiu nu mu kediu kinyibou nunu rakachü mu suna ngukelieko chülie, sidi süko methuo ketsepie Asiria kediu tsüshü.

Kediko Kenieu 24:13

Sitse puoe Jihova kinu kinyi pete, siro kediu kinu kinyi pete toupfüta, mu puo Israel kediu Solomon-e Jihova rüsuoki nu chükeshü suna tehiemekhou pete dathe phawa, Jihova pukeshü tuoikecü chüwa.

Isaya 11:11

Sünhie Jihovae va kenieu puo dzie yhashütuo, puo themia lhielieketako pfhü kengulieketuo la; Asiria nunu, Ijipt nunu, Pathros nunu, Ethiopia nunu, Elam nunu, Shinar nunu, Hamat nunu mu dzükezha khie kijüko nunu.

Jeremia 23:7

Süla, teisozhako vor touzhie, Jihovae siya, süki, “Jihova rhei ketuo tuoi Ijipt nunu Israel nuonuoko ze parkeshüu,” ikecü pu salie lho,

Jeremia 50:28

Rünyüliecie! Babilon kijü nunu tatuoketako mu kitamiako Zion nu vor di Jihova úko Kepenuopfü khepuu, puo rüsuoki khepuu pesishütuoüzhie.

Jeremia 51:11

Theütsieko chü kemethelie! Theütsie bouko nu pelilie! Jihovae Medes kediko nou chüshüte, puoe Babilon la lekecüu sü puo pekawaketuou zo, süue Jihova khepuu, rüsuokiu khepu zokecü la.

Ezekiel 37:12

Süla siedzedie pushücie, sidi uko ki, Niepuu Jihovae puya: A nieko mekhruko hielashü di nieko mekhru nunu nie ze parshütuo. He-i a themiako; sidi a nieko ze Israel kijü nu la vorshütuo.

Daniel 11:38

Puoe hako sou nu dahou rhuoko rhutuo; puo puonuoko si rei kemo rhuoko rhu, sidi puoe suna siro rakachü se, tsiu ketsie puoma kere mu mhama kerethoko khapie süko tsütuo.

Obadia 1:17

Derei takelieko Zion kijüthou gei batatuo, tsiu süu mesatatuo; sidi Jakob kiue mia uko vie peviekelieko we lalietuo.