Joel 3:17 - Angami Naga CL (Re-edited) Bible (BSI)

¹⁷ Sidi niekoe a, Jihova nie Kepenuopfü, Zion gei kebau, a kemesa kijüthou gei lhou baya ücü. Siro Jerusalem mesatatuo, tsiu chazoumia puorei süu pfüthe vo salie lho.

Joel 3:17 Iomraidhean Croise

JOB LESHÜDAU 15:19

Kijü khapie süko ki rübei shü; tsiu uko donu rüsorünamia puorei tuo vo mo.

Chieliko 76:2

Puo kemesachüu Salem nu ba, tsiu puo kebachü Zion nu ba.

Chieliko 9:11

Ketshe tsali chüpie Zion nu bayakezha Jihova ki shüliecie; seyieko ki puo mhathoko pu pesishülie.

Toukepra 16:12

“A Israelko panya keba sishüte; uko ki pushülie, ‘Teizei merü keler ki nie themuo cü pevütuo mu khise gei nie niekhrüda nie kelhuo ngulietuo; sitse nie-e a Jihova nie Kepenuopfü ücü silietuo.’ ”

Isaya 11:9

Ukoe a kemesa kijüthouu gei mha bie pesuo morei bie pekalie lho; dzüe dzükezhau tshupfü keba tuoi, Jihova mhasi thuo kijü ketshu chütaketuo la.

Isaya 12:6

Shielie mu nie nei di kelilie, he-i Zion nu kelhouko, Israel Kemesau nie donu zha phi zocü la.

Isaya 35:8

Sünu chaü puo batuo, mu süu pie Kemesa Chau üdi kietuo; mesa kemoko sügei rüve volie lho, derei sügei Ukepenuopfü themiako la zotuo; rüvemia puorei, kenyamia zorei sünu tuo kekrütalie lho.

Isaya 4:3

kehoupuorei Zion nu mu Jerusalem nu lhiepiekebako üse mesa üdi kietuo, kehoupuorei puo phou la Jerusalem nu puo za thulieketau.

Isaya 46:13

A shüphrakelieu se penuo vor, süu pecie tuo mo, mu a kelakelie telhe lhote; a kelakelie pie Zion nu shütuo, a zapuzayieu Israel la.

Isaya 52:1

Colie, colie, n kekuou selie, he-i Zion! N pfhenei keziviko selie; he-i Jerusalem, kemesa nadiu; zhürekemoko mu mesa kemoko n ki vor salie lhotacü la.

Isaya 56:7

A hako ze di a kemesa kijüthou gei votuo, sidi a kechaki nu uko bu uko neituo; uko kethe ruosuoko mu uko ruothoko a ruosuobau geinu lielietuo; kekreilamonyü themia pete la, a kiu pie kechaki üdi kietuo.

Jeremia 31:23

Krodiko Jihova, Israel Kepenuopfüe puya: Ukoe Juda kijü nu mu puo nadiko nu, a uko miadie chü ketuo nunu ze la vorkelie ki die hako se latuo: “Jihova bu japie n tsücie, he-i, kemezhümia lhou keba thechü nu, He-i kemesa kijükhruko!”

Jeremia 31:40

Tsiu kijü razha pete nu kesiamoko tsiu migeko, mu lieko pete vo Kidron rü ketso, sünunu vo niathutsa Kier Kharu ketso Jihova la mesatatuo. Süue kechachie phewalie lho morei kelhouwalie lho.

Ezekiel 20:40

Kekreilamonyü Niepuu Jihovae puya, a kemesa kijüthou gei, Israel kijüthou mezü gei, sünu Israel kiu pete, uko pete, kijüu nunu a lie chütuo; sünu a uko lielietuo, tsiu sünunu nie mha khakeshüko mu mha methuo khakeshü kevithoko nie kemesa vieko sa di a lietuo.

Ezekiel 37:6

A unyhiero chüpie nie gei shütuo, mu u chü bu nie gei vorlietuo, sidi nie zhü bu nie whelietuo, mu thesü pie nie nou shütuo, sitse nie rheilietuo, tsiu nieko ae Jihova ücü silietuo.”

Ezekiel 43:12

Haue rüsuoki zho-u; kijüthou mezü houpfü kebako pete bu kemesatho chüu chütuo. Hauha rüsuoki zho-ute.

Ezekiel 44:9

Niepuu Jihovae puya: Chazoumia, u nou mu u chü gei u zhürekemomia, tsiu Israel donu keba chazoumia puorei bu a kemesachü nu lelie lho.

Ezekiel 48:35

Nadi whi kevo puochapuozha kemejü thu nyie kerethetha; tsiu sünhie yawinu nadi süu za üse, Jihova sünu ba, ituo.

Daniel 11:45

Sidi puoe kedi pfhekiko se vo dzükezha mu kemesa kijüthou donunu pethoushütuo. Sirei puo puo thelau tsotatuo, mu miapuorei puo khruohishülie lho.

Daniel 9:16

He-i Jihova, n kemiatho ki ze mhachüshücie, n nei kemo mu n noupfhüu bu n kemesa nadi Jerusalem, n kemesa kijüthou geinu rüreitacie; kekreilamonyü hie kephoumako siro hie puonuoko kesuo kechüko la, Jerusalem tsiu n themiako bu hie zanuomiako mhodzünu thenga chüte.

Joel 2:27

Nieko a Israelko donu keba, tsiu a Jihova nie Kepenuopfü mu kekrei puorei tuo mo ücü silietuo. Siro a themiako bu thenga chü salie lho.

Joel 3:21

A uko zie khepu lietuo, mu a uko kejokemouko chü kemesalie lho, Jihova Zion gei bakecü la.

Mika 4:7

Siro a phiyhomia lhiepie kebako; mu kelhouwaketako pie seyie kemetei puo chülietuo; sidi tsie yawinu telhekechachie Jihovae Zion kijüthou geinu uko mho kedi chütuo.

Nahum 1:15

Mehoshücie! Kijüthouko gei dieliekevi se kevor-u; kezekevi pushüyakezhau phi! He-i Juda, n thenyiko nyiliecie, no phrakeshüko chüshülie, kekreilamonyü kerüzhümia n penyü salie lhote; uko peka tseiwate.

Zekaria 8:3

Jihovae puya: A Zion gei la vortuo, sidi Jerusalem metsuo nu lhoutatuo; Jerusalem üse kedietho nadi üdi kietuo, mu krodiko Jihova kijüthouu üse kemesa kijüthou ütuo.

Pesikeshü 21:27

Derei mha mesa kemo puorei sünu lelie lho, morei kerütsekecü tho kechüko tsiu tijükecümia rei sünu lelie lho, derei Tekuonuou kerheiprü leshüdau nu u za thupie zhüketako rübei zotuo.