Joel 3:16 - Angami Naga CL (Re-edited) Bible (BSI)

¹⁶ Jihova Zion geinu shiekhouizhie, tsiu Jerusalem nunu puo pfhe phrashüzhie, siro teiko mu kijüu rünie khrukhru bate. Derei Jihovae puo themiako keyau, Israel la dahou kemeteiu.

Joel 3:16 Iomraidhean Croise

Chieliko 18:2

Jihova sü a tsiekrieu, a dahou, mu a shüphrakelieu: A Kepenuopfü, a tsiekrieu a puo gei rüzhükelieu, a zhüu, mu a kelakelie kiau, a kuda.

Chieliko 29:11

Jihova bu kekuo khapie puo themiako tsücie; Jihova bu vitho theja pie puo themiako tsücie.

Chieliko 61:3

Noe a keyaucü la, ngumvümia mhodzünu a dahou kekuou zo.

Mhasidie 18:10

Jihova zae dahou kemetei puo zo, kemiathomia ta sünu vo di u yalieya.

Isaya 33:16

sükoe kerükrieko gei batuo; u keyae tsiekrie dahoutuo; ucava pie tsütuo, u dzükrie la nouca jü.

Isaya 33:21

Derei sünu Jihova puo kekuo kezha nunu u la batuo, kerüko kemeya mu rücüko kezhü thechü puo chütuo, sünu routhusei sekecü rou volie kenjü, morei rou kezha puorei volie lho.

Isaya 42:13

Jihovae chüpahimia puo tuoi pazhü, terhümiavi puo tuoi puo noupfhü piesieshüzhie; puoe melieshüzhie, shie petoshüzhie, puo ngumvüko mhodzünu puo kekuo pekieshüzhie.

Isaya 51:16

A a dieko pie n tie nu shüwate, mu n pie a dzie khrüu nu kevieliete, teiko kelhashü, mu kijü mvüdzeko dzeshü, sidi Zion ki, “No sü a themia zo” ishü.

Jeremia 16:19

He-i Jihova, a kekuo mu a dahouu, kemezhiekecü ki a keyau, kijü valako nunu seyieko n ki vor di sie; Hie puonuokoe mhapuorei welie mo derei kemeda, puoma kejü vie sügeinu mha kemevi kejü rübei welie.

Jeremia 17:17

A chü kemidewa hiecie; noe kepeka nhie a keyau zo;

Ezekiel 38:19

Kekreilamonyü a rokecü mu nouyie keleu nunu a pesishü: Sünhie Israel kijü shü kenie seshütuo;

Hosea 11:10

Ukoe Jihova siemedzi votuo, losha tuoi mehoshüyakecüu; puo mehokeshü ki, puo nuonuoko niakratsa nu perüsü vortuo.

Amos 1:2

Sitse puo sie: Jihova Zion geinu shiekhoui bate, tsiu Jerusalem nunu puo pfhe phrashü bate; kuopfhemia thutuo nhako rüwita, mu Karmel mezüu sote.

Amos 3:8

Loshau mehoshüte; supuonie michie mo tuo ga? Niepuu Jihova pushüte; supuonie siedzedie pu mo di balie ta?

Nahum 1:7

Jihovae vi, kemezhiekecü teisozha nhie u keya kemeteiu zo; puoe puo geinu rüzhükelieko keyau chülieya,

Hagai 2:6

Kekreilamonyü krodiko Jihovae puya: Puotei huoyo sie, a va puo teiko mu kijü tsiu dzükezha siro kijü kesoko shü kenie lashütuo.

Hagai 2:7

Mu a seyie pete shükenieshütuo, sitse seyie peteko kinyi vortuo, sidi a ki hau zapuzayie kechü pie tshulietuo, krodiko Jihovae siya.

Zekaria 10:12

A, Jihova geinu uko chü pekuoshütuo, mu ukoe puo za nunu chatuotuo, Jihovae siya.

Zekaria 10:6

A Juda kiu chü kemeteishütuo, mu a Josef kiu kelashütuo, A uko ze la vorshütuo, kekreilamonyü a uko ngumezhiecü la, tsiu uko bu ae uko meliewa kemo mhie lalietuo; kekreilamonyü a Jihova uko Kepenuopfü mu a uko pfhekhoshütuo.

Zekaria 9:12

Nie dahou gei votalie, he-i kemerü keba kediemiako; thie a n gei puo de kenie khashüketuo pushüya.

Ibriko 12:26

Süki puo pfheu kijü shükenieshü zo; derei tsie we puoe, “A va puo kijüu zomonyü tei rei sa shükenieshütuo” idi phrashüte.

Pesikeshü 11:13

Süki kiükishü kemerieta, mu nadiu ker-zapuo pekawa, kiükikeshü sünu mia nyie thenie biekhriwa, mu lhiekelieko michie phi di teigei ketuo Ukepenuopfü tsheürhuta.

Pesikeshü 11:19

Sitse teigei Ukepenuopfü rüsuokiu khrüshü, siro dietseidiekhobouu puo rüsuokiu nu ba di ngu, sitse teimela vavai, mhapfhe mu teikese pfhe, kiükishü, tsiu prü krü kemerie chü vorta.

Pesikeshü 16:18

Sitse teimela phriephriei, mhapfhe kekra, teise krakrai mu kiükishü kemerie chüta, sidi themia lhou kevor nu mhakipuorei, kiükishü kemeriekecü sükemhie si chie kemo sierta.

Samuel Kerieu 15:29

Israel zayieu tijü morei rüdirüli lho, puo themia tuoi puo nou rüdirüliketuomia mokecü la.”