Joel 3:12 - Angami Naga CL (Re-edited) Bible (BSI)

¹² Seyieko bu u thuo u hü sesierlie, sidi Jehoshafat razhau nu vorlie; sünu a balie di siezanuomia seyie pete dienya kecütuo.

Joel 3:12 Iomraidhean Croise

Seyiedze Kenieu 20:26

Zha dia nhie uko Beraka razhau nu kengulie, uko sükisünu Jihova tsheshü; sikecü la thie ketso rei thechü süu za üse Beraka razhau ütuote.

Chieliko 7:6

He-i Jihova, n nouyiepfü sielie, a ngumvüko noupfhünouyie perhieketuo la sieliecie: a lanu cosierlie, he-i a Kepenuopfü, noe theca chüshütuoü pepi se bate ru.

Chieliko 96:13

Ukoe Jihova mhodzünu kelituo, puo vorzhücü la, puo kijüu nyie pepiketuo la vorzhie. Puo ketho tsiu kemezhü se di kijüu mu seyieko nyie pepituo.

Chieliko 98:9

Jihova mhodzünu kelilie. Puo kijüu nyie kecüketuo la vorzhie. Puo ketho tsiu kemezhü se di kijüu mu themiako nyie kecütuo.

Isaya 2:4

Puoe seyieko donu capi chütuo, mu themia kekra nyie pepituo; siro ukoe uko zhiechako ketsapie kejü chüwatuo, mu rüngouko ketsapie charuo chüwatuo; seyie puoe zhiecha pie seyie kekrei petsou sa motatuo, morei ukoe terhü do chü salie lho.

Isaya 22:1

Ziemho razhau dze pukeshü die. Nieko pete kedipuo le di kikhru gei sieta mu?

Isaya 3:13

Jihovae puo nyieu putuoü thate, puoe themiako capi chütuoü thate.

Ezekiel 30:3

Teisozhau penuo baketa la; Jihova teisozhau penuo bate; süu kimhou shübouikecü teiso puo, seyieko la kepeka teisozha puo.

Ezekiel 39:11

Sünhie a Israel nu mekhru chüketuo la thechü puo pie Gog tsütuo, süusü dzükezha niathutsa keba Rüvemia Razhau, süue rüvemiako cha khatuo, kekreilamonyü sünunu Gog mu puo kro-u pete khruwatuo; razha süu üse Hamon-gog Razhau ütuo.

Joel 3:14

Themia krodi, themia krodi, pepiketuo razhau nu bate! Kekreilamonyü pepikecü razhau nu Jihova teisozhau penuo baketa la.

Joel 3:2

a seyie pete kie kengulietuo sidi uko ze Jehoshafat razhau nu kerlietuo, sidi sünunu a uko ze dienya kecütuo, a themia mu a kayie Israel la, kekreilamonyü ukoe uko bu seyieko donu cüre tuoketa la. Ukoe a kijü kezawa.

Mika 4:3

Puoe themia kekra ca chütuo, tsiu kepetse nu seyie kekuo donu theca chüshütuo; ukoe u zhiecha ketsapie kejü chüwatuo, tsiu uko rüngou ketsapie charuo chüwatuo; seyie puoe zhiecha yhapie seyie puo petsoulie lho, morei ukoe terhü do si salie lho;

Zekaria 14:4

Sünhie puo phi-e Oliv Kijüthou gei thalietuo, süue niathutsa Jerusalem mhodzünu ba; siro Oliv Kijüthouue razha kezha puo bu puo keza kenie chüpie niathutsa mu niakratsa votatuo; sitse Kijüthouu ketoupuoe pesotsa vatatuo, mu kekreitsa ketoupuoe pekhrotsa vatatuo.

Pesikeshü 19:11

Ae tei kokeshü ngu, sitse kier kekra puo tha! Süu gei ketuou üse Kedietho-u mu Ketho-u üya, mu puo kemezhüu se mia capi chü mu terhü chü tuoya.