Joel 2:3 - Angami Naga CL (Re-edited) Bible (BSI)

³ Uko mhodzünu mi-e mha pekatuo, tsiu uko sietsa miü tu ba. Uko mhodzünu kijüue Iden zieu kemhietuo, derei uko sietsa rayha kemethuo zhütuo, mhapuorei uko kinu tatalie lho.

Joel 2:3 Iomraidhean Croise

Keriekitho 13:10

Sitse Lot-e kijüu mehoshü ru Jordan razhau pete, Jihova zieu, mu Ijipt kijü süu Zoar kevatsa mhiei dzü vi sekecü ngulie. Hau Jihova Sodom mu Gomora pekakewa mhodzü.

Keriekitho 2:8

Ukepenuopfü Jihovae niathu kevatsa Iden nunu tezie puo chüshü, sidi puoe chükelie themiau pie sünu shü.

Chieliko 50:3

Úko Kepenuopfü vorya, puo kemekrie baya mo, mi puoe puo mhodzü mha the baya, puo khieümhouko rükrierükhrie tuoya.

Chieliko 97:3

Tsiu mi puo puo mhodzü tuoya, di puo khie puo mhou puo ngumvüko thewaya.

Toukepra 10:15

Sükoe kijü pete zepfülie, sidi kijüu zeibouita, mu sükoe kijü nu nhako pete tsiu seiboko gei nhasi pete prü va peshakeshüko cülie, Ijipt kijü pete nu nha kepejo yopuorei tuo mota, seibo morei lie nu nhabo rei.

Toukepra 10:5

Mu ukoe kijüu zie zepfülietuo, sidi miapuorei bu kijü bacü ngu motatuo. Tsiu ukoe prü bu va kepeshako cülietatuo, mu ukoe nie lie nu keba seiboko pete cülietuo.

Isaya 14:17

Kijüu biepie kijükesia chükewau mu süu nadiko biekhrükewau, puo dieko bu u kinu vo mvüketau hau me?” ituo.

Isaya 15:6

Nimrim nu dzüko thedzükezei chüte; nhako rüwite, nha the kesalie mote, nha kepejo tuo mote.

Isaya 33:4

Zope-e vo kepelepfü bayakecü tuoi; mha vakelieko kengulieya, kuprie keprou tuoi, ukoe prou puo gei vaya.

Isaya 51:3

Jihovae Zion thupeluoketuo la; puoe puo kijü vakewa pete thupeluoshütuo, mu puo rayha chüpie Iden tuoishütuo, puo kijükesia chüpie Jihova zieu tuoishütuo; puo geinu kenei mu thedzükezie ngulietuo, kethezie khakeshü mu tsali pfheü ngulietuo.

Isaya 9:18

Kelhiecümiae mi mhiei tuya, huphienuo mu zohuko the pejüwaya; süue ketsa kesouko thewaya, sidi mikhu co tuoi rüve khota.

Isaya 9:19

Krodiko Jihova noupfhüue kijüu thewa, mu themiakoe miu la seidei mhieta, miapuorei kekreiu peshashü mo.

Jeremia 5:17

Uko n lha mu n kecüca cü phrelietuo; ukoe n nuonuo thepfumia mu thenunuoko cü phrelietuo; ukoe n kuokro tsiu n kicükiriko cülietuo; ukoe n khube tsiu n chiede cülietuo; nie dahou nadiko nie-e pele bayakezhako ukoe zhiecha pie pekawatuo.

Ezekiel 36:35

Sitse uko sie, “Kijü khakewa puo chüzhüketa hau Iden tezieu mhie laliete; tsiu razhüketa mu ruozhüketau siro pekakewa rünako themia lhouliete mu dahou kemetei chü laliete.”

Amos 7:4

Niepuu Jihovae thapie a kiekeshüu sü hau; Niepuu Jihovae mi bu rütsur ketuo chashü, sitse süu mha kesou kezhako thewa mu kijüu cülie.

Habakuk 1:6

Kekreilamonyü a Chaldiamia piesieshütuo, seyie puo zho suo mu meyiemehükecü puo, mia lhou keba kijü u vie kemoko lielietuoü tuo kijü puochapuochie pete pfüthe votuo.

Zekaria 7:14

mu a khriewhi geinu uko keza kecürepie si kemo seyie pete nu shüwa. Hakemhie di uko khakewa kijüu razhüte, sidi miapuorei tuo kho mu ke mota, tsiu u kenei kijüu ruozhüte.