Joel 2:27 - Angami Naga CL (Re-edited) Bible (BSI)

²⁷ Nieko a Israelko donu keba, tsiu a Jihova nie Kepenuopfü mu kekrei puorei tuo mo ücü silietuo. Siro a themiako bu thenga chü salie lho.

Joel 2:27 Iomraidhean Croise

Chieliko 46:5

Kepenuopfüe nadiu nu baya, süu bu rünielie lho. Kepenuopfüe puo khruo pezishü zotuo.

Chieliko 68:18

No kijü kerükrie gei sie, kedie kechü tezete; mu themiakoe mha pie n ketsüko pielie; n perhiepetsoukecümia kinu zorei; Jihova Ukepenuopfü bu sünu bakecü la.

Mhasidie 1:23

A n kerhie di pethakeshü lecie, a kele rupie nie ki shüya, a dieko pie nie pesishütuo.

Isaya 12:6

Shielie mu nie nei di kelilie, he-i Zion nu kelhouko, Israel Kemesau nie donu zha phi zocü la.

Isaya 44:3

Ae keterhü kijüu gei dzü rushütuo, mu kijü keso-u gei rücüko khatsütuo; a a ruopfü rupie n nuosenuoyie gei shütuo, mu a theja khapie n yieu gei shütuo.

Isaya 44:8

Mha prei hie, morei michieta hie; a thiedzünu nie ki pu mu pesishüwata mo üme? Nieko a zhapuko zo! A kemo terhuo kekrei ba me? Tsiekrie kekrei puorei jü, a puo rei si mo.

Isaya 45:18

Jihovae puya, teiko chükeshüu (puoe Kepenuopfü), kijüu rhishü mu chükeshüu (puoe süu chüpie kenhoukenyhashü mo, puoe themia bu balie kevi chüshü!) Ae Jihova, mu kekrei jü zo.

Isaya 45:5

Ae Jihova zo, mu kekrei ba mo, a sie terhuo kekrei jü. No a si morei, a n rünyie keseshü.

Isaya 45:6

Mia bu niaki kethutsa nu, tsiu niakratsa nu, a sie kekrei ba mo ücü silieketuo la; Ae Jihova zo, mu kekrei ba mo.

Isaya 46:9

Kerieko vieko rükrashücie; ae Kepenuopfü zo mu kekreimia puorei jücü la; ae Kepenuopfü, mu miapuorei a kemhie jü,

Isaya 49:23

Kedimia bu n thekekelie puonuoko chütuo, mu kedipfüko bu n thekekeshü zuopfüko chütuo, uko zie zerepfü di nuketsu n kelutuo, mu n phizhü gei nyophe meyotuo. Sitse no ae Jihova zo ücü silietuo; a khremerüyakecüko bu thenga chülie lho.

Isaya 53:6

U pete tekuo tuoi yotuote, u pete cha u tse va phrete, mu u kesuoko pete Jihovae pie puo gei shüshüte.

Ezekiel 37:6

A unyhiero chüpie nie gei shütuo, mu u chü bu nie gei vorlietuo, sidi nie zhü bu nie whelietuo, mu thesü pie nie nou shütuo, sitse nie rheilietuo, tsiu nieko ae Jihova ücü silietuo.”

Ezekiel 39:22

Sidi Israel kinumia sünhie yawinu mu süsietsa rei ukoe a Jihova uko Kepenuopfü ücü silietuo.

Ezekiel 39:28

Sitse ukoe a Jihova uko Kepenuopfü ücü silietuo, a uko bu miadie chü seyieko donu vo, mu süsie uko pfhü kengupie uko kijü nu lashükelie la. A uko miapuorei khapie bawa lho;

Ezekiel 39:29

mu a mhakipuorei uko kinu a zie kevie salie lho, a a ruopfü rupie Israel kiu gei khakeshü ki, Niepuu Jihovae siya.

Joel 2:26

Nie mha kekra cüükrie di nie kelhuo chülietuo, sidi Jihova nie Kepenuopfü nieko gei mha u ngo chükeshüko tshelietuo. Siro a themiako bu mhakipuorei thenga chü salie lho.

Joel 3:17

Sidi niekoe a, Jihova nie Kepenuopfü, Zion gei kebau, a kemesa kijüthou gei lhou baya ücü. Siro Jerusalem mesatatuo, tsiu chazoumia puorei süu pfüthe vo salie lho.

Joel 3:21

A uko zie khepu lietuo, mu a uko kejokemouko chü kemesalie lho, Jihova Zion gei bakecü la.

Zefania 3:11

Sünhie n pie thenga nu shülie lho, no a perhiekecü mhatho pete chüwa zorei, kekreilamonyü a sünhie n donunu kemiako di u neiketuoko chüwatatuo, sidi noe a kemesa kijüthou geinu kerüzhakecü chü sa motatuo.

Zefania 3:17

Jihova, n Kepenuopfü n donu ba, terhümiavi kuokelie khashüyakecüu; puoe n gei puo nei mu puo noumvülietuo, puo kekhrie nunu n chü kesalietuo; puoe keli peto di n pu kerükrieshütuo.

Zekaria 2:9

Süla tsie, a a dzie yhapie uko petsoutuo, mu ukoe u kituomia la kepeka chütatuo. Sitse niekoe krodiko Jihova a ketseshü ücü silietuo.

Nuolhoutsüphrü 11:29

Derei Mosae puo ki, “A la no n roya me? Jihova bu puo ruopfü pie Jihova themia peteko gei shüshü di uko bu siedzekesimia chü phrekelie we a kedithede a neituo shi?”

Nuolhoutsüphrü 23:21

Puoe Jakob gei suoketa puorei ngulie mo; morei Israel gei kemezhieketuo puorei ngulie mo. Jihova uko Kepenuopfüe uko ze tuo, uko donu kielieketa kedimia puo tuoi di.

Korintmiako Kenieu 6:16

Sizomonyü Ukepenuopfü rüsuokiue terhuorhiko ze kedipuo kepupie zhü ga? Kekreilamonyü we rhei tuoyakezha Ukepenuopfü rüsuokiu zo; süla Ukepenuopfü thuo pukecü, “A uko donu lhou di uko ze tuotuo, mu a uko Kepenuopfü chütuo, siro ukoe a themia chütuo.

Pulakeshüzho 23:14

Jihova n Kepenuopfü n shüphralieketuo la mu n ngumvümia pie n dzie nu shüketuo la, n razhüchüu nu whituoya zo; süla n razhüchüu bu mesatuo, puo bu n donu mha kethevie ngu di n kinu rüreita molieketuo la.

Pitor Kerieu 2:6

Süu dze kethodie nu thupie ketuo: “Harie, a Zion gei ketsie puo khapie zhü, kedakelie mu puoma kere puoke nu tsieu; kehoupuorei puo pelekelieu thenga chütalie lho.”

Pesikeshü 21:3

Sitse ae kedibau geinu mhapfhe meyiemeluokecü puo sie, “Harie, Ukepenuopfü pruu themia donu bate. Puo uko Kepenuopfü chü di uko ze lhoutuo; uko puo themia chütuo, mu Ukepenuopfü thuo uko ze batuo;