Joel 2:26 - Angami Naga CL (Re-edited) Bible (BSI)

²⁶ Nie mha kekra cüükrie di nie kelhuo chülietuo, sidi Jihova nie Kepenuopfü nieko gei mha u ngo chükeshüko tshelietuo. Siro a themiako bu mhakipuorei thenga chü salie lho.

Joel 2:26 Iomraidhean Croise

Keriekitho 33:11

A n ki chaya, a mha se n ki kevorko lieliecie, kekreilamonyü Ukepenuopfü a ngumezhie phishüte, mu a a kemengu pete nyite.” Sidi pu beitacü puo rei lielie.

Nehemia 9:25

Sidi ukoe nadi kemeteiko tsiu kijü kekro-u lielie, mu kinu mha kevi pete keba, dzükhou thiepie keba, khubelie, siro oliv lie, mu nhasibo kekra welie, sidi ukoe cüükrie di u ketshukelhuo chülie, di luolie, mu n ketseikeviu nunu u neilie.

Chieliko 103:5

mha keviko pie nie menguko chü tseishü di tsüü tuoi nie khriesarüü chü kesa lakeshüu.

Chieliko 116:7

N kerülei nu la votacie, harie a ruopfü; Jihovae n gei tseiüvi phishüwaketa la.

Chieliko 13:6

Jihovae a gei tseiüvithorkeshü la, a kelipie puo ki shütuo.

Chieliko 22:26

Ketsopfhümia mhacü di u kelhuo chülietuo; Jihova kepfhüko puo tshetuo; nie melou bu kechachie rheituocie.

Chieliko 37:19

Uko puotei vi kemo ki mengatalie lho, mu pekriekecü ki rei uko u tshupfü batuo.

Chieliko 67:5

Themiako bu n tsheliecie, He-i Kepenuopfü; themia pete bu n tsheliecie.

Chieliko 72:18

Jihova, Israelko Kepenuopfü tsheliecie, puo rübei ungomhatho chüyakezhau.

Mhasidie 13:25

Kemiathomia puo vavü ngulieya, derei kerüzhümia va methuo tuoya.

Solomon Üzo 5:1

A a tezie nu vorte, a üpfü, a kimia; a mür pie kethengu sa pfhükenguliete, a a mepfhidzü pie mepfhidzüdau sa cüliete; a a thunudzü pie a khubedzü sa krieliete. Cüliecie, a kezeko, krieliecie, mu kekhrie krie mezeliecie.

Isaya 25:1

He-i Jihova, no sü a Kepenuopfü; a n pu kerükrietuo, a n za tshetuo; noe ungomhathoko chükeshü la, thiedzütho nu rhüse tuote, süko dietho mu ketho zo.

Isaya 29:22

Süla Abraham rhakeshü Jihovae Jakob kinumia dze pukecü; Jakob thenga chü salie lho, puo zie bu cacütalie lhote.

Isaya 45:17

Derei Israel we Jihova thuo kechachie kelakelieu se puo kelalie; nie bu telhetephou ketso rei thenga chü, mu nie ziekejü chülie lho.

Isaya 49:23

Kedimia bu n thekekelie puonuoko chütuo, mu kedipfüko bu n thekekeshü zuopfüko chütuo, uko zie zerepfü di nuketsu n kelutuo, mu n phizhü gei nyophe meyotuo. Sitse no ae Jihova zo ücü silietuo; a khremerüyakecüko bu thenga chülie lho.

Isaya 54:4

Michie hie, n bu mengatalie lhocü la; n chamezieta hie, n bu thengachütalie lhocü la; noe n khriesarüü ki ngau rükra motatie eru, mu sami teiki n thethau no rükra salie lho.

Isaya 55:2

Kiüdi nie niekhrüda kemo puo la nie raka keza, mu u kelhuo chülie kelho puo la mhachü kemezhieya ga? A die rünyü menuolie, mu mha keviu cülie, tsiu kecüca keviko nie neilie.

Levimiako 25:19

Kijüue puo si vüshütuo, tsiu nie kelhuo ngulietuo, mu khrukhre di lhoutuo.

Levimiako 26:26

A nie niekhrüda bo-u bietshewa ro, thenumia ker-e mibou puo nunu nie niekhrüda rietuo, sidi nie niekhrüda mesi mejü lapie nie tsütuo; mu nie cü rei nie kelhuo chülie lho.

Levimiako 26:5

tsiu nie lienyükelieu khubesi kerie kezie balietuo, mu khubesi riekelieu tsia vakecü kezie balietuo; siro nie niekhrüda cü nie kelhuo chütuo, mu nie kijü nu khrukhre di lhoutuo.

Mika 6:14

No mhacütuo, derei pevülie lho, nie donu kemerü ba sei zotuo; noe kha kreipie batuo, derei pekrupie n vie chülie lho, no mhakengu se kebako, a süko khapie zhiecha tsüwatuo.

Zefania 3:11

Sünhie n pie thenga nu shülie lho, no a perhiekecü mhatho pete chüwa zorei, kekreilamonyü a sünhie n donunu kemiako di u neiketuoko chüwatatuo, sidi noe a kemesa kijüthou geinu kerüzhakecü chü sa motatuo.

Zekaria 9:15

Krodiko Jihova uko yalietuo, ukoe ketsie deiyakezhako peka mu kedewatuo; ukoe zu tuoi süko zie krietuo, siro mhabou mhiei tshulietuo, tsiu ruosuoba puokeko mhie thezie üse petsewatuo.

Zekaria 9:17

Kekreilamonyü puo kevi mu puo zivi kide zha shi! Telhae khriesamia chüpie vilieya, tsiu khubezu kesae rüüko chüpie vilieya.

Rommiako 10:11

Kethodie-e pukecü, “Kehoupuorei puo pelekelieu bu thenga chütalie lho zo,” si.

Rommiako 5:5

mu kemerü hau u nou chü pesuowa lho; kekreilamonyü pie u tsükewa Kemesa Ruopfü nunu Ukepenuopfü kekhrie rupie u nou shüwaketa la.

Rommiako 9:33

Süu dze, “Harie, a mia phi kemesü tsie puo, mu mia perhekhrüwayakezha tsie puo pie Zion gei zhü ho, sirei themia kehoupuorei puo pelekelieu thenga chütalie lho,” idi thupie zhü.

Pulakeshüzho 11:15

Puoe n kiri la rei n kijü nu nha pelhoushütuo, mu noe cü di pevütuo.

Pulakeshüzho 12:12

Tsiu Jihova nie Kepenuopfü mhodzünu nie neituo, nie rei mu nie nuonuo thepfu rei thenu rei, mu nie theke thepfu rei thenu rei mu Leviko nie nadi nu kebako, ukoe nie ze di uko ya morei uko kayie jükecü la.

Pulakeshüzho 12:18

Derei Jihova n Kepenuopfüe thechü kedashüketuou nu, no rei n nuo thepfu rei thenu rei, n kituo thepfu rei thenu rei, mu n ra keba Levimia rei Jihova n Kepenuopfü mhodzü nunu, süko cütuo, sidi no mhakehoupuo kechü nu rei Jihova n Kepenuopfü mhodzünu n neituo.

Pulakeshüzho 12:7

Sidi sünu niekoe Jihova nie Kepenuopfü mhodzü nunu mhacütuo, sidi nie-e nie dzie pie khakeshü peteko gei Jihova jashü n ketsüko nu n neituo, nie rei mu nie kikruko rei.

Pulakeshüzho 8:10

Mu noe cü di pevülie ro Jihova n Kepenuopfü thezietuo, puoe kijü keviu pie n ketsü la.

Timothi Kerieu 6:17

Tsie teiu nu mhakenyiko bu u nou rükrie mu u kemerüu pie khrukhre kemo kinyiu gei shü monyü, u bu se u neilieketuo la mephruomevuoi di mha pete pie u tsükezha Ukepenuopfü gei shülienu pucie.

Johan Kerieu 2:28

Mu tsie a nuonuoko, puo gei ba zolie, silie ro puo mia mhingu chü kevor nhie we kethepfu nyilietuo mu puo kevor nhie puo mhodzü mengatalie lho.