Joel 2:20 - Angami Naga CL (Re-edited) Bible (BSI)

²⁰ A pesotsa rüpfhünuou chü kedipie nie ze kepeciewatuo, sidi puo whuopie kijü keso tsiu razhüketara shüwatuo, puo mhodzütsa bu niathutsa dzükezhatsa votatuo, tsiu puo sietsa bu niakratsa dzükezhatsa votatuo; puoe cie mena di puore kesuoko mena siertatuo. Puoe mha kezha phi chüshü tou zeru.

Joel 2:20 Iomraidhean Croise

Kediko Kenieu 8:13

Sitse Hazael-e sie, “N kituou sü kedipuo ümu, puoe tefü yopuo ze, puoe mha kezha haikecü chülietuo me?” si. Elishae puo die kela di sie, “Jihova thashü a kiecü noe Siria mho kedi chütuo üshü.”

Chieliko 126:3

Jihova hie la mha kezha chüshü; süla hie neiya.

Toukepra 10:19

Sitse Jihovae niakra teikhrie re sekecü puo chü kerükhrieshü di süu bu kuprieko he se vo Kemerie Dzükezha nu shüwa, sidi Ijipt kijü pete nu kuprie yopuorei tuo mota.

Toukepra 8:14

Sidi uko süko pfhü kengupie pfhepie zhüwa mu kijüu menachüta.

Isaya 34:3

Uko dukhrikewako kelhouwatuo, mu uko moko kecie re mena siertuo; kijüthouko gei uko zie thuo krutuo.

Ezekiel 47:18

Siro niathutsa liro Hauran Damaska donu tuo, Jordan mu Gilid donu meze nunu vo Israel kijüu tsotuo, sizo vo niathutsa dzükezhau mu Tamar chaüzha petetuo. Hau bu niathutsatietuo.

Amos 4:10

Ae Ijipt nu rhiu tuoi thepe ketsepie nieko donu shü; a zhiecha pie nie khriesako dukhriwa; a nie kierko tezeta; sidi a nie razhüchü cieürieketa reu bu nie nyhüki nu si voshü; sirei nie rürei a ki vorlie mo, Jihovae siya.

Zekaria 14:8

Sünhie Jerusalem nunu kerhei dzüluou partuo, süko ketoupuoe niathutsa dzükezhatsa votatuo mu ketoupuoe niakratsa dzükezhatsa votatuo; süu teile ki rei teisei ki rei si zotuo.

Malaki 3:11

a nieko la ku kerhiewatuo, sitse sükoe kijüu nu nie mhaleiko pekawalie lho; mu nie khubelie bu puo si rüchü moketa chülie lho, krodiko Jihovae siya.

Pulakeshüzho 11:24

Nie phizhü pie zhokecü kijü pete nie vietatuo; nie rüvie-e rayha nunu Lebanon ketsotuo mu Kerüu, Eufrat rüu nunu Niakratsa Dzükezha tsotuo.