Joel 2:2 - Angami Naga CL (Re-edited) Bible (BSI)

² teisozha kezei puo mu thedzükekou teisozha puo, kimhou shübouikecü tsiu zeibouikecü teisozha puo! Teimekiekecü tuoi di kijüthouko zepfülietuo, zha mu kuo phikecü rüpfhünuo vortuo; thiedzü rei uko mhiekecü vor mo, morei hasie rei uko mhiekecü vorlie lho.

Joel 2:2 Iomraidhean Croise

Chieliko 10:6

Uko thuo u nou nu pu di, “We rüsierünielie kenjü: nuosenuoyie thephou pete nu we kemezhietalie lho,” siya.

Chieliko 97:2

Kimhouko mu zeide-icü bu puo houpfü ba; puo kediba mvüdze-e kemiatho mu kedietho zo.

Toukepra 10:14

Tsiu u kupriekoe Ijipt kijü pete mho vor di Ijipt rüna pete nu bata, kuprieko krakrapie thiedzü mu thiesie rei süde ngulie kelho parta.

Toukepra 10:6

Siro ukoe n kiko nu, n kituoko pete kiko nu, mu Ijiptmia pete kiko ketshu chülietuo, nie puotsanuoko, morei nie puonuoko kijü nu lhou vor tse nunu vor thie ketso ngu kemo chüshütuo.’ ” Süsie puo rüreilie di Faro ki nunu tuo prata.

Toukepra 20:21

Mu Mosae Ukepenuopfü bakecü kimhou zeibouikecüu penuo phikecü ki themiakoe ratsa tha.

Isaya 5:30

Sünhie ukoe süu gei meho batuo, dzükezha puo pfhe kechü mhiei. Mu mhanuü mia puoe kijü mehoshü ro, kezei mu kemezhiekecü rübei; mu kimhouko la kezieu va pezeikewa ngutuo.

Isaya 8:22

mu ukoe kijüu mehoshütuo, derei ukoe kemezhiekecü siro kezei, meyhumezhiekecü, thedzükezei rübei ngutuo; mu uko nepie zeibouicüu nu shüwatuo.

Jeremia 13:16

Puo kezeiu se vorta kemonu, tsiu kijüthou gei teizei merü di nieko phi mesükemo nu, nie kezieu merü baluokecü nu, puoe süu pie kezei nu shüwa di süu bu zeibouita kemonu; thetshetherhu pie nie Kepenuopfü Jihova tsüliecie.

Jeremia 13:6

Süsie zha kekra sie Jihovae a ki pu di, “Eufrat nu volie, di a n bu keviewanukeshü chiephau sünunu chüliecie,” si.

Thekrü 1:12

Nieko pfüthe vokecü, nie mhapuorei mo zo me? Mehoshücie sidi leshücie, a nousuo mhiekecü thenou kesuo huo ba me, süu a gei vorte, Jihova puo nei mo pie kemerie chüketa nhie hai di kemezhiekecü pie a gei shüwaketa la.

Ezekiel 32:7

Siro a n pemhewata ro, a teiko yawatuo; sidi uko themvüko bu zeitatuo, a kimhou pie niakiu yawatuo, mu khrüu puo kezie khashü motatuo.

Ezekiel 34:12

Kuopfhemia puoe tekuokroko donu yotuoketa kuoko pfhüyakezha tuoi, sütuoi a rei a kuoko pfhülietuo. Sidi kimhoushü ketuo teiki mu teizeibouikecü teiki uko cüre tuoketa thechü pete nunu uko kelalietuo.

Ezekiel 38:9

Noe khriedi tuoi vortuo; noe kimhou tuoi di kijüu ze pfülietuo, no mu n chüpahi kro-u pete rei, tsiu themia kekra n ze ketuo pete rei sümhietuo.

Daniel 12:1

“Süteiki Mikael, kedinuo kezhau, n themiako keyau siertuo. Siro kemezhiekecü tei puo siertuo, süusü seyie chükelie therie nunu sikecü vor mo zoluocü. Derei sükisü n themiako leshüdau nu u za thupie kebako kelalietuo.

Daniel 9:12

Puoe hie mu hie kezhako petsoukeshü puo dieko chü toushüte, hie kepeka sü zhathor zo, süusü Jerusalem petsou di chükeshü mhie tei khro kekreira chüshü chie mo.

Joel 1:6

Kekreilamonyü seyie puo a kijü re vorte, kuo phi mu phrü hulie kelho chü; uko hue losha hu, tsiu uko ke-e loshapfü ke zo.

Joel 2:25

Ae pruo ketuo ku kro-u, zopeu, kepekau mu keluu bu cülieketako, a rüpfhünuo kekra ketsepie nieko petsoukeshü teicieko sou chü lashütuo.

Joel 2:31

Niakiu zeitatuo, mu khrü thezie mevitatuo, Jihova teisozha kemeriekecüu kevor mhodzü.

Joel 2:5

Kierbagei taketuo pfhe tuoi, uko kijüthou mezüko geinu proutuo, mi-e rüguko thekezha pfhe tuoi, rüpfhünuo kuo phicü terhü la dojü sekethamia mhie zo.

Joel 3:4

He-i Tur mu Sidon, tsiu Filistia kijükouü nu keba pete, nieko a pie kedipuo chütieya mu? Nieko mhaca huo la a zha chüshüzhie me? Nieko a zha chüpie a tsü liro, a rükri nieko mhatho-u pie nieko tsü gei lashütuo.

Amos 4:13

Kekreilamonyü harie, kijüthouko chükeshüu, teikhrie chükeshüu, puo keleko pie themiako pesikeshüu, khise chü pezeikewau, tsiu kijü nu thechü kerükrieko gei tuotuoyakezhau, süu Jihova, krodiko Kepenuopfü sü puo zawe!

Zefania 1:7

Niepuu Ukepenuopfü mhodzünu kemekrietaliecie! Kekreilamonyü Jihova teisozhau penuo bate; Jihovae ruosuo puo keseliete, puoe puo phreimiako chü kemesaliete.

Zekaria 14:6

Sünhie kemeku morei thezei rei krülie lho.

Mathi 24:21

Kekreilamonyü kemezhiekecü süu re phi zotuo, kijü chülie tse nunu vor tsie ketso sükemhie chü mo mu sükemhie chü lalie lho.

Mark 13:19

Kekreilamonyü süki kemezhietuo, Ukepenuopfü kijüu chülie tse nunu vor tsie ketso kemezhiekecü süthede chü kemo mu thiesie mhakipuorei silie kelho chü vor zotuo.

Pulakeshüzho 32:7

Teisozha keviko rükrashücie, phou kekra teicieko leshücie, n puo ketsolie, puo n ki pushütuo; phichüko ketsolie, uko pushütuo.

Ibriko 12:18

Siro nieko bielie kevi, tu kemerie chü zo keba, zeiboui mu thedzükezei chü keba, rükrierükhriepfü keba,

Juda 1:13

Uko ngae dzü rüpfhü tuoi meluo tuoya zo; uko kezei kesoutho nu kechachie khapie bawaketuo rühou ketuo themvüko zo.

Pesikeshü 9:2

sidi puoe thekhe kesoutho-u hieshü tse, sünu miphu kezha puo nunu mikhu kepar tuoi khu par, sidi thekheu nunu kepar mikhu la niaki mu teikhrie zeibouita.