Joel 2:14 - Angami Naga CL (Re-edited) Bible (BSI)

¹⁴ Puo rüreilie tsiu puo noukedilie di, theja pie puo sietsatie shüwa, lhacülhale ruosuo mu kekrie ruosuo khapie, Jihova n Kepenuopfü tsü rei supuo si ta?

Joel 2:14 Iomraidhean Croise

Samuel Kenieu 12:22

Sitse puo sie, “Unuoyo rhei keba ki we a mevo mu kra, a lecü, ‘Jihova a ngumezhieshü di unuoyo bu rheilie rei silie lhomu’ icü lalie.

Samuel Kenieu 16:12

Jihovae a kemezhiekecü mehoshü, sidi puo thie a rüpfhürüsekecü hau la Jihova mha kevi se a tsü rei silie lhomu,” sita.

Kediko Kenieu 19:4

Jihova n Kepenuopfü, Rabshakeu, Asiria kediu, puo niepuue ketseshü di rhei tuoyakezha Ukepenuopfü pesekecü dieko rünyülie di batatuo, sidi Jihova n Kepenuopfüe sikelie dieko kerhie lashütuo; süla lhiepie kebako la kecha chüshücie,” sita.

Toukepra 32:30

Süsienhie Mosae themiako ki, “Nieko phouma madi phoumawate, derei tsie a Jihova ki khotuo, ae nieko kephouma vakelie ruotho chülie rei si mo.”

Isaya 65:8

Jihovae puya: Khubesi phro mu khubedzü bayakecü tuoi, mu ukoe, “Süu bie pesuowa hie, theja sünu baya,” iya. Süla a a kituoko la mhachütuo, mu uko pete bie pesuowalie lho.

Jeremia 18:8

derei mhanuü seyie, a puo dze pukeshü, süu kesuo kechü nunu rüdilie liro, a uko gei mha kesuo chüshütuo üdi le kebau nunu a nou rüditatuo.

Jeremia 26:13

Süla tsie nieko zho rüli mu nieko mhatho kedilie, sidi nie Kepenuopfü Jihova die chüüzelie, sitse Jihova nie petsou di pukeshü kepekau nunu puo nou kedilietuo.

Jeremia 26:3

Sitse uko rünyülie rei silie lhomu, sidi themia pete rei, puo zho kesuo nunu rüdilie, mu ae uko mhatho kesuo la uko gei kepeka khashütuoü lekecüu nunu a nou rüdita rei silie lhomu.

Joel 1:13

Nie zievoko, gakhropfhe dzielie di thekrü chüliecie; nie ruosuobau gei liethomiako, kraliecie. Vorlie, teizeizha pete gakhropfhe nu zhülie, nie a Kepenuopfü liethoko! Lhacülhale mu kekrie ruosuo nie Kepenuopfü kinu khashü ba mote,

Joel 1:16

Hie mhinguki nu kecüca ba mota mo üme, kenei mu thenou kemvü hie Kepenuopfü kinu ba mota mo üme?

Joel 1:9

Jihova kinu lhacülhale ruosuo mu kekrie ruosuo ba sa mote. Zievoko, Jihova liethoko thekrü chü bate.

Amos 5:15

Mha kesuou ngumecülie mu mha keviu khrielie, tsiu kharu nu kethocau chüshülie; siliro, Jihova, krodiko Kepenuopfü, Josef lhiepie kebako ngumezhieshü rei silie lhomu.

Jona 1:6

Sitse rou nu kezhau puo ki vor di sie, “No kiüdi zetshüizhü zo ga? Sielie di n Kepenuopfü kieliecie! Siliro Ukepenuopfü u dze rükrashü di u bu kata molietuo nhie.”

Jona 3:9

Kepenuopfü rürei vor mu puo noukedilie, tsiu puo noupfhü nunu rüreita; sidi u bu kata molie rei si momu.”

Zefania 2:3

Jihova pfhüliecie, kijüu nie nou kerünuo peteko, puo diekhakeshü chüyakecüko; kemiatho pfhüliecie, rünuo menekecü pfhüliecie; Jihova noupfhü teisozha nhie nie kevielie rei silie lhomu.

Hagai 2:19

Puo tsia huo tsie rei chüu nu ba zoluo me? Khubeu, chiedebo-u, turaü, mu olivbo-u tsie rei puo si vülie mo zo me? Thie yawinu a japie nie tsütuo.

Timothi Kenieu 2:25

thenou kemene se di puo petsouyakezhamia tarholie. Ukepenuopfü puotei kevi puo khapie süko tsü di uko bu rei thenou kedi lalie di ketho-u silieketuo chülie kevi la,

Joshua 14:12

Süla Jihovae pukeshü tuoi, tsie kijüthou rünau a tsüwaliecie; sünhie no rei Anakimmia dahou vi sekecü nadiko nu baya ücü sishüte. Jihova a ze tuolie üro, Jihova pukeshü tuoi, a uko whuo phrewatuo.”

Samuel Kerieu 6:5

Süla nieko nie kijü bie pesuokewa tichü miarhi mu thezu miarhi rhiliecie, sidi zapuzayie pie Israel Kepenuopfü tsüliecie, silie ro puoe nie gei, tsiu nie rhuoko gei mu nie kijü gei puo dzie kethelie rei si lhomu.