Joel 2:13 - Angami Naga CL (Re-edited) Bible (BSI)

¹³ nie pfhenei mo di nie melou cierhashülie. Jihova nie Kepenuopfü ki rürei volie, puoe mia khrie mu mia ngumezhieya, puo nou meyie tho, tsiu puo kekhrie zha zo, siazha khashüketuo nu rei puo nou keditaya.

Joel 2:13 Iomraidhean Croise

Keriekitho 37:29

Reuben-e kheho-u nu la vor di Josef ba moketa ngulie tse, puo pfheneiko cierhata,

Keriekitho 37:34

Süsie Jakob-e puo pfheneiko cierhawa di gakhropfheko chü selie, tsiu teisozha kekra puo nuo krü bata.

Samuel Kenieu 1:11

Sitse David puo pfhenei chülie di süko cierhata; mu puo ze ketuo themiako rei sükemhie chü phre.

Kediko Kerieu 21:27

Ahab-e die hako silie tse, puoe puo pfhe cierhata, siro gakhropfhe dzielie, sidi mevota, tsiu gakhropfhe dzielie di puo thesuo siei tuota.

Kediko Kenieu 22:11

Siro kediue thezho leshüdau nu dieko sishü tse, puoe puo pfheneiko cierhata.

Kediko Kenieu 22:19

a thechü hau, mu sünu themiako kaüruotaketuo tsiu rüsepfütatuo ükecü dze no sikelie ki, n nousuolie, mu noe Jihova mhodzünu n thuo n chü kerünuolie, sidi n pfhe cierhata, tsiu a mhodzünu kralie, süla a rei n pfhe silietewe, Jihovae siya.

Kediko Kenieu 5:7

Siro Israel kediu leshüu phrüshü tse, puo pfhenei cierha di sie, “A Ukepenuopfü üme, dukhriwa mu perheilie vi üdi, themia hau mpa kechümia puo chü kemeneshünu ketse a ki shüya me? Leshücie, puoe kimhie di a ze kezesuolietuo shicü cha pfhü bate,” sita.

Kediko Kenieu 6:30

Kediu thenu hapfü die silie tse, puo pfhenei cierhata, puoe tsie nadi dahouu gei tuo vokezhü la, themiakoe puo gakhropfhe pie puo whepfü ketuo nguta.

Seyiedze Kenieu 6:27

no teigei nu uko pfhe rünyülie di n kituo n themia Israel kejo vashü mu no morokesuo cha keviu pie uko pethashü, di tei bu kijü n themiako bu wekelie nu rü tsurshücie.

Nehemia 9:17

Ukoe miadie ze mvü, mu noe uko donu chükeshü ungothoko dze le mo; derei u nou chü perelie, di miadie kechü nu la votatuoü krüta puo kedalie; derei noe mia kejo vashütuo ükecü Kepenuopfü, mia khrie tsiu ngumezhieya, n nou meyie tho mu ketseikevi bu tshupfü, di uko khawa mo.

JOB LESHÜDAU 1:20

Sitse Job sie puo pfhenei cierhawa, sidi puo tsü thiewa, mu te kijü tsu di rüsuota.

Chieliko 103:8

Jihovae noushünouzhie nyi mu mia ngumezhie phiya, puo nou meyie tho mu kekhrie nyi phi.

Chieliko 106:45

Puoe uko la puo dietseidiekho-u rükrashü, tsiu puo kekhrie kenyi ki ze puo nou rükreta.

Chieliko 34:18

Jihovae u melou bietshebietshakeshümia penuo baya, sidi thedzüzei ketuoko kelashüya.

Chieliko 51:17

Ukepenuopfü bu lielie kesü ruosuo sü thenou tseütsakecüu, tseütsa mu thenou suokelie, Kepenuopfü no süu meliewalie lho.

Chieliko 86:15

Derei Jihova no we mia ngumezhie tsiu nouzhie nyi, n nou cha, kekhrie mu kemiatho nyi.

Chieliko 86:5

He-i Jihova, no vi mu kejo vashüya, n kiekeshümia pete khrie phishüya.

Isaya 57:15

Rükrie mu zha di telhekechachie bayakecüu, Kemesapie puo za kechüue puya: Ae thechü kerükrie mu kemesa nu baya, tsiu u noumezhie mu u nou rünuokecümia rei sa ze baya, u nou kerünuomia nou chü perhei lashütuoü, mu u nou mezhiekeliemia nou chü perhei lashüketuo la.

Isaya 58:5

A haikecü kemevo kedalie me? Mia puo bu puo chü kerünuoketuo teisozha puo üme? Tekhrie tuoi puo rünge tsutuo me? Mu gakhropfhe mu mige nu zhütuo üdi me? Nieko hau üse mevokecü, Jihova bu teisozhau liekelie puo ütuo me?

Isaya 66:2

Mha hako pete a dzie thuo chüshü, mu süla mha hako pete a vie, Jihovae siya. Derei a haikecü themiau mehotuo, puo nou rünuo mu puo ruopfü nouzhie nyi di a die si di pekecüu.

Jeremia 36:7

Ukoe Jihova mhodzü uko mezhiemelo rei silie lhomu, sidi themia pete rei puo zho kesuo nunu rüreilie rei silie lhomu, kekreilamonyü Jihova noupfhüu tsiu nouyie themia hako gei shütuoükeshüu re seta zo,” sishü.

Jeremia 41:5

Shekem nu, Shilo nu mu Samaria nu mia hiethetha vor, uko tiemie thie, tsiu u pfhe cierhawa, siro u thuo u gei phaphawa, u dzie nu ruosuo mu kethengu se Jihova kinu süko se votuoü tuo.

Jeremia 42:10

Niekoe kijü hau nu ba zolie liro, a nie piesieshütuo, sidi nie shükhrüwa lho, tsiu a nieko pelhoushütuo, nie phewalie lho, kekreilamonyü a nie gei kepeka se vor keshüko la a rünou mo.

Ezekiel 9:4

sidi sie puo ki, “Nadiu pfüthe vocie, Jerusalem pfüthe vocie, sidi sünu mha kerütsekecüko la thenou mezhie tsiu krayakezhamia kehoupuo teikhie gei rei zasi vüshülie.”

Hosea 14:1

He-i Israel, Jihova n Kepenuopfü ki rürei vortacie, kekreilamonyü n kejokemou la no tetsute.

Jona 3:9

Kepenuopfü rürei vor mu puo noukedilie, tsiu puo noupfhü nunu rüreita; sidi u bu kata molie rei si momu.”

Jona 4:2

Puo Jihova ki cha di, “He-i Jihova, A a rüna nu baluokecü nu hau pushü mo me? Haha la a therie nu ta Tarshish nu voketa zo; kekreilamonyü noe mia ngumezhie mu mia khrieyakezha Kepenuopfü puo zo, n nou meyie tho, n zho vithor, tsiu siazha khashütuoü keba nu zorei n nou keditayakecü a si ba.

Mika 7:18

Kepenuopfü supuonie n mhie di kejokemou vashü mu n vie peshapie keba kesuo kechüko ngu kemopfü chü pfüthe votaya mu? Puoe kechachie puo nou meyie baya mo; kekreilamonyü puoe ngukemezhie thakeshü puo neiyakezha la.

Nahum 1:3

Jihovae puo nou meyie tho derei puo kekuo zha se, siro Jihovae kerüzhümia bu mesatalie lho zo. Puo chae khriewhi mu khriedi nu ba, tsiu kimhoukoe puo phi nu nyophe zo.

Nuolhoutsüphrü 14:18

“ ‘Jihovae puo nei mo rhütaya mo, mu puo kekhrie zhathor, mha kesuo kechü tsiu thezho kevarhuo rei vashüya, derei puoe kejo kechüu bu jo mo tsei zotuoya mo, puo puo kesuo kechü zhakhra khapie puo nuonuo phou se phou dia gei rei shüya.’

Rommiako 2:4

Morei no puo kekhrie kezha, puo nou chakecü mu shügeshühiekezha rütseya me? No Ukepenuopfü kekhrieu thuo n cha thapie thenoukedilieya ükecü si mo me?

Efesako 2:4

Derei Ukepenuopfüe ngukemezhie nyi se di puo u khriele khriethorshü zo,

Timothi Kerieu 4:8

Kekreilamonyü umo kezhaphreikecü we keduo yopuo kemevi zie mo, derei Ukepenuopfü khrüpreitsa we mha pete la kemevi ba, sünu tsie mu thiesie la rei kerhei bacü la.