Joel 2:12 - Angami Naga CL (Re-edited) Bible (BSI)

¹² Sishierei tsie Jihovae puya, nie nou pete se rürei a ki vorliecie, mevo, kra, mu thekrü chü di,

Joel 2:12 Iomraidhean Croise

Samuel Kenieu 24:10

Derei kenuotsa David-e puo melou suota, puoe themiako phrükewa la. Sitse David-e sie Jihova ki, “A mhatho chüwaketau la phouma pezhathorwate. Derei tsie, he-i Jihova, a n ki chaya, n kituou kephouma chüsetayi; kekreilamonyü a nyathorkecü mhatho chüwate,” sishü.

Seyiedze Kenieu 30:6

Süla dieliemia bu Israel mu Juda pete nu kediu tsiu puo kezhako kinu leshü selie di kediu diekhakeshü mhie di pu vokecü, “He-i Israelmiako, rürei lase Jihova, Abraham, Isak mu Jakob Kepenuopfü ki vorliecie, puo bu Asiria kediko dzie nunu lhiekelie nieko ki la vorlieketuo la.

Seyiedze Kenieu 6:27

no teigei nu uko pfhe rünyülie di n kituo n themia Israel kejo vashü mu no morokesuo cha keviu pie uko pethashü, di tei bu kijü n themiako bu wekelie nu rü tsurshücie.

Esther 4:16

“Vo Susa nu Judamia ngukelie pete kie kengulie di a la mevocie, mu zha se, teizei rei teiso rei mhacümhakrie hie; a rei tsiu a kituopfüko rei sükemhie di mevotuo; sidi a kediu mhodzünu letuo, süu thezho mo; mu mhanuü a kata ro kata zemu.”

Toukepra 33:5

Jihovae Mosa ki, “Israelko ki pushücie, ‘Niekoe pietsümvükecü themia kro puo zo; mhanuü a doyopuo zorei nieko ze tuo ro, a nieko bie pejüwatuo, süla tsie nie geinu nie rütsonyieko rhuowalie, sidi a bu nieko gei kedipuo chüshütuo shi pepilieketuo la.’ ”

Isaya 22:12

Sünhie Niepuu krodiko Kepenuopfüe mia bu kra mu thekrü chünu, u tsüthie mu gakhropfhe dzie nu shü;

Isaya 58:4

Harie, nieko mevokecü sü kegeikemeü mu zhosuo duthe pie kevüketuo la zo. Nieko thie kemhie di mevo keba ha nie pfhe kerükrie gei si kholie lho.

Jeremia 3:22

“Rürei la vortacie, nie kepele kejü nuonuoko, sitse a nie kepele kejüu chü kemeneshütuo.” “Hie n ki vorzhie; noe hie Kepenuopfü Jihova zokecü la.

Jeremia 36:7

Ukoe Jihova mhodzü uko mezhiemelo rei silie lhomu, sidi themia pete rei puo zho kesuo nunu rüreilie rei silie lhomu, kekreilamonyü Jihova noupfhüu tsiu nouyie themia hako gei shütuoükeshüu re seta zo,” sishü.

Jeremia 4:1

Mhanuü no rürei la vorlie ro, he-i Israel, Jihovae puya, mhanuü no rürei a ki vorlie ro, mhanuü a kengu kinu kerütsekecüko khawa di rüdi mo thalie ro,

Jeremia 4:2

tsiu mhanuü noe, “Jihova rhei ketuo tuoi!” ketho nu, kethoca, mu kemezhü nunu rüselie liro, puoe japie seyieko tsütuo, tsiu ukoe puo geinu u mhokuo chütuo.

Ezekiel 33:11

Uko ki pushülie, A rhei ketuo tuoi, Niepuu Jihovae puya, a kerüzhümia siaketa a neiya mo, derei kerüzhümia bu u zhoko nunu rüdilie di rheikelie a neiya; rüdiliecie, nie kesuo kechü chako nunu rüreiliecie; kiüdi nie siatatieyamu, he-i Israel kiu?

Daniel 9:3

Süsie a rürei Niepuu Ukepenuopfü kitsa vashü, mevo mu gakhropfhe tsiu mige se a kenhepfü di a kecha kelashünu chavü.

Hosea 12:6

Derei n la zo we, rürei n Kepenuopfü ki volie, kekhrie mu kethocau thezetsalie, sidi n Kepenuopfü pfhe merü sei baliecie.

Hosea 12:7

Lhitho-u dzie nu kekrükecü roshükhou ba, puoe mia pesekecü puo neiya.

Hosea 14:1

He-i Israel, Jihova n Kepenuopfü ki rürei vortacie, kekreilamonyü n kejokemou la no tetsute.

Hosea 6:1

“Vorlie, úko rürei la Jihova ki vo khe; kekreilamonyü puoe cierhashüya mu u chü keshürhoshütuo; puoe vükhrüshü, tsiu puoe u pha lashütuo.

Joel 1:13

Nie zievoko, gakhropfhe dzielie di thekrü chüliecie; nie ruosuobau gei liethomiako, kraliecie. Vorlie, teizeizha pete gakhropfhe nu zhülie, nie a Kepenuopfü liethoko! Lhacülhale mu kekrie ruosuo nie Kepenuopfü kinu khashü ba mote,

Zekaria 7:3

tsiu krodiko Jihova ki nu bayakezha zievoko tsiu siedzekesiko ketsotuo üdi sie, “A teicie kekra chü kevor tuoi a bu khrü pengouu khrü thekrü chü mu a kela kemesa krei se ba morosuotuo me?”

Zekaria 7:5

Nieko teicie hiethenie khrü pengouu mu thenieu nu mevo tsiu thekrü chükecü ki, a la mevo me?

Malaki 1:9

Mu tsie Ukepenuopfü neiu pfhüliecie, sitse puo u ngumezhielietuo. Kekrükecü sü nieko zo. Puo nie kehoupuorei ngu puo neilietuo me? krodiko Jihovae siya.

Mhakechüko 26:20

derei a therieu Damaska nu mu Jerusalem nu süsieu Judia kijü pete nu, tsiu Judakemoko ki rei sa idi uko bu thenou rürei la Ukepenuopfü ki vorlie morokesuo mu thenoukedilieta ükecü u kelhou nunu pie pekieshü morokesuo dze pu pethashüte.

Capiko 2:4

Jihova dielieue mha süko Israelko ki pushü tse, themiako kra shiekhouita.

Capiko 20:26

Sitse Israelmiako pete Bethel nu kholie di Jihova mhodzünu kra mu mevo ba thevatie tso; siro kethe ruosuo mu vitho ruosuo khapie Jihova tsü.

Samuel Kerieu 7:3

Sitse Samuel-e Israelmia pete ki pu di, “Mhanuü niekoe nieko melou pete se rürei Jihova kitsa vozhü üro nieko donu terhuo kekrei mu Astartko khawalie. Sidi nie melou kereipie Jihova kitsashülie, sidi puo lie rübei chülie, silie ro puoe Filistinmia dzie nunu nieko kelashü zotuo.”

Samuel Kerieu 7:6

Sidi uko vor Mizpa nu kengulie tse, dzüülie di rupie Jihova mhodzünu shü, mu sünhie mevo mu uko kejo phra di sie, “Hie Jihova mhodzünu phoumawate,” ilie. Siro Samuel-e Mizpa nu Israelko capi chü.