Joel 2:1 - Angami Naga CL (Re-edited) Bible (BSI)

¹ Zion nu ketsüu khoushülie; a kijüthou kemesau gei kemichie vorkezhü pfhe khoushülie! Kijü nu lhouketuo pete bu pekhrukhru batalie, kekreilamonyü Jihova teisozhau vorzhie, süu penuo bate;

Joel 2:1 Iomraidhean Croise

Seyiedze Kerieu 15:28

Israel pete shiekhoui, chükia mu ketsü siro mesekhouko mu übouko se di Jihova dietseidiekhobouu se vorlie.

Chieliko 119:120

A chü n prei di peya; mu a n capiko rei preiya.

Chieliko 87:1

Puoe phe tshekeshü rünau kemesa kijüthouu gei ba;

Toukepra 10:14

Tsiu u kupriekoe Ijipt kijü pete mho vor di Ijipt rüna pete nu bata, kuprieko krakrapie thiedzü mu thiesie rei süde ngulie kelho parta.

Isaya 13:6

Kraliecie, Jihova teisozhau penuoketa la; Kuokejokejüu kinu kepeka kevor tuoi süu vor zotuo!

Isaya 13:9

Harie, Jihova teisozhau vorzhie, zhosuo, noupfhü mu nouyie kemerie se di kijüu pekaperuowatuoü siro sünunu kephoumako pekawaketuo la.

Isaya 2:12

Kemiako mu zhaketuo peteko, u pie pekho mu rükrie ketuo peteko petsouketuo la, krodiko Jihova teisozha puo ba;

Isaya 66:2

Mha hako pete a dzie thuo chüshü, mu süla mha hako pete a vie, Jihovae siya. Derei a haikecü themiau mehotuo, puo nou rünuo mu puo ruopfü nouzhie nyi di a die si di pekecüu.

Isaya 66:5

Jihova dieu rünyüliecie, nie puo die gei peyakezhako: N themia thuo n ngumecü mu a za la n khawakecüko hakemhie pu di, “Jihova pie zapuzayie chüshü, sitse hie nie kenei ngutuo” siya; derei thenga chüketuo we uko zotuo.

Jeremia 16:10

Siro no die hako pete pie themia hako ki pukeshü ki, mu uko n ki, “Kiüdi Jihova mha kesuo kemeriekecü hako pete pu hie petsoute shi? Hie kephouma kedipuota ga? Hie hie Kepenuopfü Jihova gei jokewa kephoumau kiu ga?” situo.

Jeremia 16:7

Miapuorei thekrü kechümia la kecüca keselie lho, kesiamia la uko nou thupeluolie lho; morei mia u puonuo morei uko zuonuo la thenou chü peluokecü hiepie u bu krienu khashülie lho.

Jeremia 4:5

“Juda nu pesishülie, tsiu Jerusalem nu pu keyieshüliecie: ‘Kijü nu ketsü khoushülie; shieshülie di sie, “Vo kengulie, úko dahou houpie keba nadiko nu vo khe!” sishülie.

Jeremia 5:22

Nieko a prei mo me? Jihovae siya; Nieko a mhodzünu peta mo üme? A huocanyo pie dzükezha nu therie chüshü, kechachie nie süu pfüphalie kenjü; dzü thuo rüpfhü sie zorei, ukoe süu pfüphalie lho, uko pfhe kemerie chü zorei, ukoe süu tsepalie lho.

Ezekiel 12:23

Süla uko ki pushülie, “Niepuu Jihovae puya: A mhasidie hau bu ba sa motatuo, tsiu uko bu Israel nu süu pie mhasidie üdi se salie lho.” Derei uko ki, teisozhako penuo bate, mu ziemho pete chü tseilietatuo.

Ezekiel 21:12

Kralie tsiu mepfülie, he-i themiau; kekreilamonyü a themia petsoutuo, süu Israel kedinuoko pete petsoutuoü, uko kelhoupie zhiechau ki shüwate, a themiako ze di. Hou! N do kepfhülie!

Ezekiel 30:3

Teisozhau penuo baketa la; Jihova teisozhau penuo bate; süu kimhou shübouikecü teiso puo, seyieko la kepeka teisozha puo.

Ezekiel 33:3

mu rükhouue zhiecha kijü gei vorkezhü ngu di ketsüu khoushü sidi themiako perhoshü üro;

Ezekiel 33:6

Derei rükhouue ketsü khoushü mota, sidi themiako perhoshü mota, mu zhiechau vor di uko donu mia puo pesiawa ro, uko kephouma nunu uko chüsete, derei uko zieu zo we a rükhouu dzie nunu lietuo.

Ezekiel 7:10

Harie, teisozhau! Harie, süu vorzhie! N kepekau tuote. Ketheu pou rülha bate, kemiakokecüu we bate.

Ezekiel 7:12

Puoteiu vorte, teisozhau penuo vorzhie; mha kekhrümia bu u nei hie, morei mha kezemia bu rei thekrü chü hie, noupfhü uko krodi peteu gei batacü la.

Daniel 6:26

A thezho puo chüshüya, süusü a kedirüvie nu kelhou themia pete Daniel Kepenuopfü mhodzünu michie mu pe zoliecie: Puo rhei tuoyakezha Kepenuopfücü la, kechachie baya. Puo kedi mhakipuorei katalie lho, tsiu puo mha kekhakecü puo thela jü.

Daniel 9:16

He-i Jihova, n kemiatho ki ze mhachüshücie, n nei kemo mu n noupfhüu bu n kemesa nadi Jerusalem, n kemesa kijüthou geinu rüreitacie; kekreilamonyü hie kephoumako siro hie puonuoko kesuo kechüko la, Jerusalem tsiu n themiako bu hie zanuomiako mhodzünu thenga chüte.

Daniel 9:20

Siro a mha pu, mu kecha chü, tsiu a kephouma mu Israelko kephouma phra, siro a Kepenuopfü kemesa kijüthouu sou nu a nounyüko pie Jihova a Kepenuopfü ki shü ketha ki,

Hosea 5:8

Gibia nu tekuo kiau khoushülie, Rama nu ketsüu khoushülie. Bet-aven nu kemichie vorkezhü pfheu shieshülie; Benjamin n sietsa mehoshülie!

Hosea 8:1

Ketsü pie n tie nu shülie! Jihova kiu gei chürhaü kemhie puo ba, kekreilamonyü uko a dietseidiekho-u bierhuowate, sidi a zho-u varhuowa.

Joel 1:15

Hou teisozha sünhie we ce, chülietie! Kekreilamonyü Jihova teisozhau penuo bate, tsiu Kekuotho-u kinu kepekau vorzhie.

Joel 2:11

Jihova puo rüpfhünuoko mhodzünu puo pfhe phrashütuo; puo krodi kide zha shi! Puo diekhakeshü zeyakezhako phrü hulie lho zo. Ketho zo, Jihova teisozhau zha; merie se zo, supuonie süu nu thalie ta?

Joel 2:15

Zion nu ketsüu khoushülie; mevo kemesalie; kemesü kehou puo kieshülie;

Joel 2:31

Niakiu zeitatuo, mu khrü thezie mevitatuo, Jihova teisozha kemeriekecüu kevor mhodzü.

Joel 3:14

Themia krodi, themia krodi, pepiketuo razhau nu bate! Kekreilamonyü pepikecü razhau nu Jihova teisozhau penuo baketa la.

Joel 3:17

Sidi niekoe a, Jihova nie Kepenuopfü, Zion gei kebau, a kemesa kijüthou gei lhou baya ücü. Siro Jerusalem mesatatuo, tsiu chazoumia puorei süu pfüthe vo salie lho.

Amos 3:6

Nadi nu ketsü khoushü ro, themiako michie bata motuo me? Jihova thuo chüshü mo di kepeka nadiu nu vorlietuo me?

Amos 5:18

Jihova teisozhau mengu kebamia we ce, chülietie! Kiüdi nieko Jihova teisozhau menguya ga? Süu zeiboui zo, kezie tuo mo;

Amos 8:2

Puo sie, “Amos, no kedipuo ngu ga?” Sitse a sie, “Teile ki nhasi rha puo.” Sitse Jihova a ki, “A themia Israel thelau vorte; a mhakipuorei uko pfüthe vo salie lhote.

Obadia 1:15

Kekreilamonyü seyie pete petsoutuo ükecü Jihova teisozhau penuo bate. No chükeshü tuoikecü chüpie n gei lashütuo; n mhathoko n tsü gei la vortuo.

Zefania 1:14

Jihova teisozha kezhau penuo bate, penuo mu rükri se vorzhie; Jihova teisozha pfheu pfhü, terhümiaviko sünunu melie kemerie chütuo.

Zefania 1:16

Dahou nadiko petsoukecü mu kuda rükriekecüko petsoukecü la ketsü khou, tsiu meciemewhikeshü teisozha puo.

Zefania 1:7

Niepuu Ukepenuopfü mhodzünu kemekrietaliecie! Kekreilamonyü Jihova teisozhau penuo bate; Jihovae ruosuo puo keseliete, puoe puo phreimiako chü kemesaliete.

Zefania 3:11

Sünhie n pie thenga nu shülie lho, no a perhiekecü mhatho pete chüwa zorei, kekreilamonyü a sünhie n donunu kemiako di u neiketuoko chüwatatuo, sidi noe a kemesa kijüthou geinu kerüzhakecü chü sa motatuo.

Zekaria 14:1

Harie, Jihova teisozhau vorzhie, sünhie nie kinu pekakelieko nieko donunu kezawatuo.

Zekaria 8:3

Jihovae puya: A Zion gei la vortuo, sidi Jerusalem metsuo nu lhoutatuo; Jerusalem üse kedietho nadi üdi kietuo, mu krodiko Jihova kijüthouu üse kemesa kijüthou ütuo.

Malaki 4:1

Harie, miphu tuoi tuketuo teisozhau vorzhie, süki kerüzhakecüko mu mha kesuo chüyakezha peteko rügu tuoitatuo; sünhie uko thewatuo, krodiko Jihovae siya, sidi süko puomie morei puoco puorei peshashülie lho.

Nuolhoutsüphrü 10:2

No rakachü rükreipie ketsü kenie chülie; mechükehou kieketuo la mu razhüchüko nu rüyieketuo la no sünie setuo.

Nuolhoutsüphrü 10:3

Siro uko ketsünie khoushü ro, mechükehou pete vor rüsuopfhekiu kicie nu kengulietuo.

Korintmiako Kerieu 14:8

Siro ketsü kekhouu ketsü khou kemecieshü moliro, supuonie terhükegeiketuo la dojülietuo ga?

Filipiko 2:12

Süla a khrieko, nieko a dieze chü sei kevor tuoi, a kengu ki rübei monyü tsie we a ngu kemo ki pekuo di nie kelakelie nu michie mu pe zo di lhoushülie;

Thesaloniako Kerieu 5:2

Kekreilamonyü kerügumia theva zenu voryakezha tuoi Niepuu kevor teiso rei sümhieketuo nie rei si pevi se bate.

Jakob 5:8

Süla nie rei shügeshühiepfü balie. Nie nou jükrepfü ba zolie, Niepuu kevor tei penuoketa la.

Pitor Kerieu 4:7

Mha pete puo thelataketuo penuote; süla nie melou tseiphrei mu nie mhale menuo di cha balie.

Pesikeshü 6:17

kekreilamonyü sünie noupfhü kere teisozhau vorte, mu supuonie süu hielie vi ta?” ita.