Jeremia 9:3 - Angami Naga CL (Re-edited) Bible (BSI)

³ Ukoe theü tuoi u meü kekhrelieya; ukoe kijüu nu kethotsa mo di, kesuo kechütsa meteilie; kekreilamonyü ukoe kesuo kechü sie chü tuoya, sidi uko a siya mo, Jihovae siya.

Jeremia 9:3 Iomraidhean Croise

Keriekitho 39:16

Sidi puo niepuu vor kemochie, süpfüe puo pfheu khapie zhü tso,

Mhasidie 12:5

Kemiathomia kelekoe puotouya, derei kerüzhümia kepethae mha se penyawaya.

Isaya 1:3

Thudo we puo keperiu siya, mu gada zorei puo niepuu mhacabouu siya, derei Israel we si tuo mote, a themiako we mhacamhala si mote.

Isaya 3:5

Mia bu uko pesetuo, mu mia puoe kekreimia puo bu puo pesetuo; mu u zanuou bu u pesetuo; khriesamia phichümia gei kemharhütuo, mu miado-u therhumiau gei kotuo.

Isaya 6:5

Sitse ae sie: “A sü hieshiehieruo! A sü jüte, a sü themia u tie mesa kemo puo, mu themia u tie mesa kemo kro puo donu bayacü la; sirei a mhi-e Kediu, krodiko Jihova nguwate!” si.

Isaya 9:18

Kelhiecümiae mi mhiei tuya, huphienuo mu zohuko the pejüwaya; süue ketsa kesouko thewaya, sidi mikhu co tuoi rüve khota.

Jeremia 12:6

Kekreilamonyü n siezedzürieko mu n kinuko zorei, ukoe n gei kelhie; ukoe krodi chü n siewhuo; uko n ki die kevi pu zorei, uko pele hiecie.

Jeremia 22:16

Puoe kejümia siro ketsopfhümiako nyiekecü; mu süu vi zo. Hau nunu a silieketuo la mo üme? Jihovae siya.

Jeremia 31:34

Siro uko huoniehuo petha morei mia puo mia puo ki, “Jihova silie” isilie lho, kekreilamonyü uko pete-e a sitatuo, kecütho-u nunu vo kezhatho-u ketso, Jihovae siya; kekreilamonyü ae uko kesuo kechü kejo vashütuo, tsiu uko kephouma rükra salie lho.

Jeremia 4:22

“Kekreilamonyü a themiako nyate, ukoe a si mo; ukoe kenya nuonuo, ukoe mhacamhala silieya mo. Ukoe kesuo kechütsa we chü si, derei mha kevi kechü do we si mo.”

Jeremia 5:4

Süla ae sie, “Hako mhakejümia zo, ukoe u kele jü; kekreilamonyü ukoe Jihova chau, uko Kepenuopfü zho-u silie mote.

Jeremia 5:5

A bu kenyiko ki vo di uko ki mha pucie; ukoe Jihova chau, uko Kepenuopfü zho-u silieta tou zo,” sishü. Derei uko pete rei vocieu bietshewate, ukoe keroko biethewate.

Jeremia 6:28

Uko pete rei mia perhie kemerie chü tuoyakezhamia phre, sieüchü di tuoya, ukoe mese tsiu thegi zo, uko mha kesuo kechümia phre.

Jeremia 7:26

sirei ukoe a pfhe rünyü mo, morei uko nyieto kereishü mo, derei uko vo meteithor. Ukoe uko puonuoko ki rei suokuokecü chüta.

Jeremia 9:5

Uko pete rei u zanuomia sekedoya, sidi miapuorei ketho-u puya mo; uko meü pie kemeda putuoü pethapfüliete; ukoe kephouma chü tsiu thenoukedituoücü u cha meziethor.

Jeremia 9:8

Uko meüe theü ciekeshü tuoi; u me nunu kemeda pu par. Uko pete rei u zanuou ki we khrietho die pu, derei thenoutsa we kebie pethoupie mawatuoü rhü tuoya.

Ezekiel 8:13

Puo a ki pu sakecü, “No uko haki rei mha kerütsekecü kechü ngu satuo.”

Daniel 11:27

Siro kedi hanie, unie nou mha kesuo wepfü, mizhü gei ba di ketijü kepu batuo. Derei süu kuolie lho, kekreilamonyü puo thela teiu chiepie bawaketa la.

Levimiako 19:11

Nie mha rügu lho, morei cürü, morei huoniehuo selie lho.

Mark 8:38

Kehoupuorei pieüpiera mu kephouma hako mhodzünu a dze mu a dieko pu mengaya ro, Themia Nuou rei kemesa dieliemiako ze puo Puou zapuzayie nunu kevor ki puo dze pu mengatatuo.”

Johan 17:3

Siro uko bu ketho Kepenuopfüe puo rübei zokecü mu noe puo ketsekeshü Jisu Khrista sikelie süusü kechachie kerhei zo.

Mhakechüko 24:9

Sitse Judako keze puo chü puo pejo di mha hako pete ketho zo üta.

Rommiako 1:16

A dieliekeviu la we mengaya mo; süusü pelekelieko pete kelalieketuo la Ukepenuopfü kekuou zo, Judako ki shü rie mu Grikmia la rei zo.

Rommiako 1:28

Siro ukoe Ukepenuopfü pie uko nou shü nyü moketa tuoi, Ukepenuopfü rei uko khawa di u bu chü zhü kemoko chü tsiu thenou rüporüvükecü nu shüwate.

Rommiako 3:13

“Uko mezha sü mekhru kecie mhie; uko meü se mia kese die pu.” “Uko menie khro priele mhitsie tuo.”

Korintmiako Kerieu 15:34

Mhale kemezhülie di phouma sa hie; kekreilamonyü nieko huomia Ukepenuopfü dze si mo ba zo. A nieko bu mengalieketuo la die hau kepu zo.

Filipiko 1:28

siro mhapuo nu rei nie kepetsoumia bu nie kedewa hie. Süko la we hauha uko pekawaketuo zasi zo, derei nie la we kelakelie zasi puo. Mu hauha Ukepenuopfü mhatho zo.

Timothi Kenieu 3:13

Derei kerüzhümiako tsiu mia seyakezhako u thuo u seya, mu kekreimia rei seya, süko suo miemietatuo.

Juda 1:3

Kekhrieko, a nieko ki vierhe chüketa kelakelie dzeu le a teitsochü di thupie nieko ki shütuoü kesie ki, a bu mhapuo thupie nieko ki shü di nie hüpie thiedzü vapuochü khapie kemesako ki shükewa kepeleu la nie hie chü tuonucü pu morokesuo lete.

Pesikeshü 12:11

Derei Tekuonuo zieu mu uko zhapu dieu se puo penyüliete, uko kesiatie nu rei u phou khrieta kemo la.

Capiko 14:17

Sirei puoe thehe zha thenieko puo mhodzünu kraba zota. Sidi zha thenie nhie, puo ki dieviu ca pushünu di cha yalie moketa la puo ki pushü.

Capiko 2:10

Mu thephou süu sia theketa sie, Jihova si kemo morei puoe Israel la mhachükeshü si kemo phou kesa puo sierta.

Samuel Kerieu 2:12

Siro Eli nuonie ziezhü mothorta; unie gei Jihova rhukecü puorei jüta,