Jeremia 8:3 - Angami Naga CL (Re-edited) Bible (BSI)

³ Sidi seyie kesuo hau nunu lhiepie kebakoe a uko whuokeshü thechü pete nu kerhei ki rei kesia mengukuotatuo, krodiko Jihovae siya.

Jeremia 8:3 Iomraidhean Croise

Kediko Kerieu 19:4

Derei puo thuo zo we khunhie chatuo tuose rayha nu vota, sidi vo phipfebo puo khro balie; sidi puoe puo bu siatanu cha di sie, “Ci zorei vite, he-i Jihova, tsie a kerheiro chüsetayi, kekreilamonyü ae a puonuoko ki vikuo molie.”

Jeremia 23:3

Süsie a whuoshükecü rünako nunu a a kuo lhiekelieko pfhü kengulietuo, sidi a süko ze la vor uko kro nu shülietuo, sitse ukoe u si vülie tsiu kruolietuo.

Jeremia 23:8

derei sie “Jihova rhei ketuo tuoi Israel kiu pesotsa nu tsie ae whuoshükewa kijü pete nu cha tha ze ketuou,” isikecü putuo. Süsie uko u thuo u kijü nu lhou tuotatuo.

Jeremia 29:14

nieko bu a ngulietuo, tsiu nieko whuopie seyie neiünei nu mu thechü neiünei nu shükewara nu ae nie ze vor kengulietuo, Jihovae siya, tsiu ae nieko teze voketa thechüu nunu nie ze la vorshütuo.

Jeremia 29:28

Kekreilamonyü puoe ketsepie Babilon nu keba hie ki pukeshü, “Süu ba chatatuo; kiko chülie di sünu lhou batalie, tsiu tezie chülie di sünu lhou parkelieko cülie,” si.

Jeremia 40:12

Judamia pete whuopie cüretuoketako thechü pete nunu vorta, sidi Juda kijü nu Mizpa nu Gedalia ki vor, sidi khubezu tsiu teile ki nhasiko kekra pfhü kengulie.

Jeremia 44:2

Krodiko Jihova, Israel Kepenuopfüe puya: Nie thuo ae kepeka se Jerusalem nu mu Juda rünako pete nu kevor ngushüte, süko mehoshücie; thie süko methuo zhüte, süko nu miapuorei lhou keba jü,

Jeremia 44:6

Süla a noupfhünouyie rushüwa sidi Juda rünako tsiu Jerusalem chaüko thewa, sidi süko rate tsiu methuo zhüte, süko thie rei sizhü zo.

Jeremia 6:9

Krodiko Jihovae puya: Israel lhiekelieko khube tuoi bie kemesa mpouwatuo; khubesi papie mekho nu shülieyakezhako tuoi, n dzie kerei lapie puo coko gei shücie.

Daniel 9:7

“Kemiatho sü n kitsa tuo, he-i, Niepuu, derei thengau, thie ketso hie Judamia gei, Jerusalem nu kelhouko gei, mu Israel pete, kepenuo tsiu kepecie nu ketuoko, kijü nu no uko whuokewa peteko gei thenga tuote, kekreilamonyü uko kejo chü di n petsoukewa la.

Levimiako 26:33

Tsiu a nieko kezapie seyieko donu shüwatuo, mu a zhiechau zupie nie petsoutuo, di nie kijüu thedzükezei chütatuo, mu nie nadiko kaüruotatuo.

Amos 3:1

He-i Israelko, Jihovae Ijipt nunu nie kikru ze parkeshü peteu petsou di pukeshü die hau rünyüshücie:

Jona 4:3

Süla tsie, he-i Jihova a geinu a kerheiro setayi, kekreilamonyü a we rhei kebau ki siaketa we vikuote.”

Mika 2:3

Süla Jihovae puya: Tsie, a kikru hau petsou di mha kesuo rhüzhie, sünunu niekoe nie vo kereilie kenjütatuo; tsiu kerüzha di tuolie motatuo; kekreilamonyü süu teisozha kesuo puotatuo.

Pulakeshüzho 30:1

Siro ae n mhodzünu keshü mha hako pete, theja rei mu rüse rei, n gei vorwa, mu Jihova n Kepenuopfü n whuopie shükewa seyieko donunu noe süko rükralie,

Pulakeshüzho 30:4

Nie mia huo vo teiboteiyo nu tuota rei Jihova n Kepenuopfüe sümia rei pfhü kengulietuo, mu sünunu puoe n ze la vortatuo,

Pesikeshü 6:16

sidi kijüthouko mu tsiekrieko kie di, “Metsur hie vupfüliecie sidi kediba gei kebau mhingu nunu mu Tekuonuou noupfhü nunu hie kevieshücie;

Pesikeshü 9:6

Süteiki themiakoe kesia pfhütuo, derei süu ngulie lho; uko kesia mengutuo, derei kesia ta uko therhietatuo.