Jeremia 7:3 - Angami Naga CL (Re-edited) Bible (BSI)

³ Krodiko Jihova, Israel Kepenuopfüe puya: Nie zhoko mu nie thoko nunu rüdiliecie, sitse a nie bu thechü hanu lhou balietuo.

Jeremia 7:3 Iomraidhean Croise

Kediko Kenieu 17:13

Sirei Jihovae siedzekesiko mu siedzekenguko geinu Israel tsiu Juda petha di sie, “Nieko mha kesuo nunu rüreilie di a diekhakeshüko mu ae chünukecüko a khapie nie puonuoko ki keshü zhoko tuoi, tsiu a kituo siedzekesimia geinu khakeshü tuoi chüüzeliecie,” ishü.

Ezra 10:11

Tsie süla nie kejo phrapie Jihova nie puonuoko Kepenuopfü ki shüwacie, sidi puo medo-u chüliecie; di kijüu nu themia donunu mu seyie kekreimiapfü liepie nie kimia kechüko donunu nie chü kreilie.”

Mhasidie 28:13

Puo kephoumako whese ketuomia vi kehielie lho, derei phrawa mu süko khawaketamia ngukemezhie ngulietuo.

Isaya 55:7

kerüzhüu bu puo zho vawalie, mu miathokemo-u bu puo nouleko vawalie; uko bu Jihova ki vorlie, puo bu uko ngumezhielieketuo la, puo bu Ukepenuopfü ki la vorlie, puoe vapie tsü phishüketuo la.

Jeremia 17:25

silie ro kharu hako nunu kedimia David kediba nu baketuomia lelietuo, kierbagei mu kier gei tuotuo, uko mu uko kezhako, Juda themiako mu Jerusalem nu kelhouko; sidi nadi hau kechachie balietuo.

Jeremia 18:11

Süla tsie, Juda themiako mu Jerusalem nu kelhouko ki pushüliecie: Jihovae puya: Harie, ae mha kesuo puo rhipie nieko ngumvütuoü bate, tsiu mhapuo rhüpie nieko petsoutuoü bate, tsie nie pete mhatho kesuo nunu rüreilie, sidi nie zhoko mu nie mhathoko bu viliecie.

Jeremia 18:8

derei mhanuü seyie, a puo dze pukeshü, süu kesuo kechü nunu rüdilie liro, a uko gei mha kesuo chüshütuo üdi le kebau nunu a nou rüditatuo.

Jeremia 26:13

Süla tsie nieko zho rüli mu nieko mhatho kedilie, sidi nie Kepenuopfü Jihova die chüüzelie, sitse Jihova nie petsou di pukeshü kepekau nunu puo nou kedilietuo.

Jeremia 35:15

Ae a kituo siedzekesiko ketseshü, tsiemelie uko ketseshü di sie, “Themia kehoupuorei puo kesuo chau nunu rüreilie, nieko mhathoko chü kemezhülie, sidi terhuo kekrei lie chütuoü süko medzita hie, sitse niekoe a kijü pie nieko mu nie puonuoko ketsü nu lhoulietuo,” sishü. Derei nieko nie nyie kedeishü mo sidi a die zelie mo.

Jeremia 35:16

Rekab nuou Jonadab seyiemiako uko bu chünukeshü chülie, derei themia hako a die zelie mo.

Jeremia 4:1

Mhanuü no rürei la vorlie ro, he-i Israel, Jihovae puya, mhanuü no rürei a ki vorlie ro, mhanuü a kengu kinu kerütsekecüko khawa di rüdi mo thalie ro,

Jeremia 6:16

Jihovae puya: Nieko chadzako nu tha di, mehoshücie, sidi thiedzü chako ketsocie, cha kevi kezhüra; sidi sünu tuo volie, sitse nie ruopfü la kerülei ngulietuo. Derei ukoe sie, “Hie sünu tuo lho,” sita.

Jakob 4:8

Nieko Ukepenuopfü penuo volie, sitse puo rei nie penuo vorlietuo. Nie dzie chü kemesalie, nie kephoumako, mu nie nou chü kemesalie, nie nou kenieko.