Jeremia 5:2 - Angami Naga CL (Re-edited) Bible (BSI)

² Uko thuo sie, “Jihova rhei ketuo tuoi,” isikecü pu rei, uko tijü di rüse.

Jeremia 5:2 Iomraidhean Croise

Isaya 48:1

Hau rünyüshücie, he-i Jakob kinuko, Israel za se u kieyakecüko, Juda va nunu keparko; ketho mu kemezhü nu mo di Jihova za se rüse, tsiu Israel Kepenuopfü kieyakecüko.

Jeremia 4:2

tsiu mhanuü noe, “Jihova rhei ketuo tuoi!” ketho nu, kethoca, mu kemezhü nunu rüselie liro, puoe japie seyieko tsütuo, tsiu ukoe puo geinu u mhokuo chütuo.

Jeremia 44:26

Süla Ijipt kijü nu lhouketuo Judamia pete, Jihova pfhe rünyüliecie: Harie, a a za kezhau se rüseshüya, Jihovae siya, süu Ijipt kijü pete nu Judamia kehoupuorei u tie nunu, ‘Niepuu, Ukepenuopfü rhei ketuo tuoi’ sikecü pu salie lho.

Jeremia 7:9

Nie mha rügu, mia dukhri, mu pieü chü, tsiu tijü di rüse, mu kethengu thepie Baal tsü, mu nieko si kemo rhuo kekreiko siemedzi,

Jeremia 9:2

He-i kijükesia nu rüvemia la pru puo ba ücü we, a themia khawa di süko kinu tuotatuomu ru! Kekreilamonyü uko pete rei pieü kechümia, kelhiekecü kro-u zo.

Hosea 10:4

Ukoe diethuo dieko puya; uko kemethuo rüse se dietseidiekhoko chü; süla tekhou doupie kezhü nu kenyakecü thereinha mhiei pou sierya.

Hosea 4:15

He-i Israel, no thethe lie zorei, Juda bu we jota hiecie. Gilgal nu le hie, morei Bet-aven nu kho hie, tsiu rüse di, “Jihova rhei ketuo tuoi,” isi hie.

Levimiako 19:12

Mu nie bu cürü di a za pie rüselie lho, mu sidi nie Kepenuopfü za perhulie lho: Ae Jihova zo.

Zefania 1:5

kikhru geinu nuketsu teiko krodi rüsuokecüko; nuketsu di rüsepie Jihova ki shü, siro Milkom rei se rüsekecüko;

Malaki 3:5

Sitse a dienya kecüketuo la nie penuo vortuo; a themoumia petsoukecü, pieü kechümia petsoukecü, tijü di rüsekecümia petsoukecü, zhakhrü ze mhachü di mia zhakra peseyakecümia, samimiapfü mu merünuomia, chazoumia mezhü pejücümia, mu a preiya kemomia petsoutuoü mhai vor zhapu khashütuo, krodiko Jihovae siya.

Timothi Kerieu 1:10

pierüü kechümia, thepfumia thuo thepfumia ze kekhriekezekecümia, miatemia, kemedamia, tijü di rüsekezhamia, sizomonyü kekrei kehoupuorei kepethadie keviu ze ketherükecüko la khakeshü zo,

Timothi Kenieu 3:5

süko chazoutsa Ukepenuopfü khrükeprei meviva, derei kekuo ketho-u melieya. Sükemhieko therhietalie.

Tita 1:16

Kepu nu zowe uko Ukepenuopfü si üya, derei uko mhathoko nu we puo si mo. Ukoe kerütsekecümia, mia die zeya kemomia, mu mhatho kevi puorei chülie sü mo.