Jeremia 4:8 - Angami Naga CL (Re-edited) Bible (BSI)

⁸ Hau lanu gakhropfhe dzieliecie, kralie tsiu mepfükeruoilie: “Jihova noupfhü kemeriekecüu úko kinu lalie mote eru.”

Jeremia 4:8 Iomraidhean Croise

Chieliko 78:49

Puo nouyie kerepie uko gei shü, nouyie, puo nei kemo, tsiu nousuo rei, mha kepeka dieliemia kro puo rei.

Isaya 10:4

Sütuoi kedieko donu gou tuota moketuo la, mu dukhrikewako ze tetsuta moketuo la. Hai shierei puo nouyieu rüdita mo; puo dzie yhapie ba zo.

Isaya 13:6

Kraliecie, Jihova teisozhau penuoketa la; Kuokejokejüu kinu kepeka kevor tuoi süu vor zotuo!

Isaya 22:12

Sünhie Niepuu krodiko Kepenuopfüe mia bu kra mu thekrü chünu, u tsüthie mu gakhropfhe dzie nu shü;

Isaya 32:11

Pe zoliecie, nie thenumia lhou rüü kebako, nie kedzüluo kebamia, kemezhietuo, nie pfhenei rhuowalie, di methuotalie, sidi gakhropfhe pie nie chie chalie.

Isaya 5:25

Süla Jihova nouyie puo themiako gei tu sieta, sidi puo dzie yhase uko perhie mu uko vüshü; kijüthouko rünieta, mu uko kesiamiako chadi nu nyorhu mhie zhüta. Hi zo shierei puo nouyie rüdita mo mu tsie rei puo dzie yhapie ba zo.

Isaya 9:12

Aramko niathutsa siro Filistinko niakratsa, mu uko mekuopie Israel mezulie. Sishierei puo nouyie rüdita mo; tsie rei puo dzie yhapie ba zo.

Isaya 9:17

Süla Niepuue uko khriesako ngumezhie mota, morei merünuoko mu samipfüko ngumezhie mota, uko pete Ukepenuopfü prei mo mu kesuo kechümia phre, mu uko tie pete kemelo die pu phrecü la. Haicüko la puo nouyie rüdita mo, mu puo dzie yhapie ba zo.

Isaya 9:21

Manasseh-e Efraim rhacülie, mu Efraim-e Manasseh rhacülie, sidi unie keze Juda petsou, Hai zorei puo nouyie rüdita mo, mu puo dzie yhapie ba zo.

Jeremia 25:34

Kuopfheko, thekrü chü mepfükeruoilie, mu kralie; sidi mige nu nie kephrelie, kuopfheko mho niepuko, kekreilamonyü nie dukhriketuo teisozha mu nieko bie kezawaketuo vor bate, mu niekoe mhabou kevi puo tetsuketa tuoi zotuo.

Jeremia 30:24

Jihova nouyie kemeriekecüu puo mhatho-u chüwa kemochie mu puo keleu chü tseiwa kemochie se lalie lho. Teisozha thelatsa nieko hau ca silietuo.

Jeremia 48:20

Moab pie thenga nu shüwate, puo bierhuowaketa la; ruorüi di kraliecie! Moab methuo zhüketa, pie Arnon nu pushülie.

Jeremia 6:26

He-i a themia mhakejüko, gakhropfhe seliecie, mu mige nunu nie kephrelie; kralie nuo puo zokecüu la kekra tuoi, thekrü chü kemerieliecie: kekreilamonyü kepekamia mhai u gei vortuo.

Thekrü 1:12

Nieko pfüthe vokecü, nie mhapuorei mo zo me? Mehoshücie sidi leshücie, a nousuo mhiekecü thenou kesuo huo ba me, süu a gei vorte, Jihova puo nei mo pie kemerie chüketa nhie hai di kemezhiekecü pie a gei shüwaketa la.

Ezekiel 21:12

Kralie tsiu mepfülie, he-i themiau; kekreilamonyü a themia petsoutuo, süu Israel kedinuoko pete petsoutuoü, uko kelhoupie zhiechau ki shüwate, a themiako ze di. Hou! N do kepfhülie!

Ezekiel 30:2

Themiau, siedzedie pushüliecie, sidi sie, Niepuu Jihovae puya: Kra ruorüilie, “Yha, teisozhau la chülietie,” ilie.

Joel 1:13

Nie zievoko, gakhropfhe dzielie di thekrü chüliecie; nie ruosuobau gei liethomiako, kraliecie. Vorlie, teizeizha pete gakhropfhe nu zhülie, nie a Kepenuopfü liethoko! Lhacülhale mu kekrie ruosuo nie Kepenuopfü kinu khashü ba mote,

Amos 8:10

A nie thehethehieko pie kekra chüwatuo, tsiu nie tsali peteko pie thekrü chüwatuo; a nie chieca pete nu gakhropfhe pedzieshütuo, tsiu nie tsü pete bu pietatuo; a süu chüpie mia puo puo nuo pfuliu la krakecü tuoi shütuo, tsiu puo thelau bu pfhümezhakecü teisozha puo chüwatuo.

Mika 1:16

No tsüpie chütalie mu n tsütha bewaliecie, no khrieyakecü nhicuko la, tsüü tuoi n tsü bu pie tseitalie, kekreilamonyü ukoe n ki nunu miadie chü votakecü la.

Nuolhoutsüphrü 25:4

Süla Jihovae Mosa ki, “Jihova noupfhü kereu bu Israel gei vor molieketuo la, themiako donu pehüko ze vor di Jihova mhodzü teirünia keba nu uko gouwaliecie.”