Jeremia 4:5 - Angami Naga CL (Re-edited) Bible (BSI)

⁵ “Juda nu pesishülie, tsiu Jerusalem nu pu keyieshüliecie: ‘Kijü nu ketsü khoushülie; shieshülie di sie, “Vo kengulie, úko dahou houpie keba nadiko nu vo khe!” sishülie.

Jeremia 4:5 Iomraidhean Croise

Isaya 28:19

Puo kevor metsei, puoe nie telietuo; puoe teisoduü vortuo, khinhie rei theva rei; mu diecau lelieketuo mha kemerie zotuo.

Jeremia 11:2

Dietseidiekhokelie hau dieko rünyüshücie, sidi se Judako mu Jerusalem nu lhou kebako ki pushülie.

Jeremia 35:11

Derei Babilon kediu Nebukadnezar kijüu petsou sier tse, hie sie, ‘Vorlie, di Chaldiamia chüpahi keprei la tsiu Siriamia chüpahi keprei la, úko Jerusalem nu vota khe,’ sishü. Sidi hiekoe Jerusalem nu lhouta.”

Jeremia 5:20

Mha hau pie Jakob kinuko ki pushülie, tsiu süu pie Juda nu pesishülie:

Jeremia 6:1

He-i Benjamin nuonuoko, kelalieketuo la Jerusalem nunu tatalie! Sidi Tekoa nunu ketsüu khoushülie, mu Bet-hakerem nu zasiu piesieshülie; kekreilamonyü mha kesuo mu kepeka kemeriekecü pesotsa nu partatie.

Jeremia 8:14

Kiüdi úko kemekrie bata ga? Vo kenguliecie, úko kuda houpie keba nadiko nu le khe, sidi kata khe; kekreilamonyü Ukepenuopfü Jihovae u bu katatuo üdi u khapie bawate, sidi therei dzü pie u bu krietuoü khashü, kekreilamonyü we Jihova gei jowatacü la.

Jeremia 9:12

Supuonie mhasi di hau ca silie vi ba ga? Jihova tie puo ki pukeshü themiau supuo ba di süko pesishülie vi ba ga? Kiüdi kijüu pekawa mu chü kemethuo pie rayha tuoi, miapuorei bu süu pfüthe vo mota ga?

Ezekiel 7:14

Uko ketsüu khoushüte mu mha pete dojüliete; derei miapuorei terhü nu vo mo, kekreilamonyü a nouyieu uko krodi gei baketa la.

Hosea 8:1

Ketsü pie n tie nu shülie! Jihova kiu gei chürhaü kemhie puo ba, kekreilamonyü uko a dietseidiekho-u bierhuowate, sidi a zho-u varhuowa.

Joel 2:1

Zion nu ketsüu khoushülie; a kijüthou kemesau gei kemichie vorkezhü pfhe khoushülie! Kijü nu lhouketuo pete bu pekhrukhru batalie, kekreilamonyü Jihova teisozhau vorzhie, süu penuo bate;

Amos 3:6

Nadi nu ketsü khoushü ro, themiako michie bata motuo me? Jihova thuo chüshü mo di kepeka nadiu nu vorlietuo me?

Amos 3:8

Loshau mehoshüte; supuonie michie mo tuo ga? Niepuu Jihova pushüte; supuonie siedzedie pu mo di balie ta?

Nuolhoutsüphrü 10:2

No rakachü rükreipie ketsü kenie chülie; mechükehou kieketuo la mu razhüchüko nu rüyieketuo la no sünie setuo.

Nuolhoutsüphrü 10:3

Siro uko ketsünie khoushü ro, mechükehou pete vor rüsuopfhekiu kicie nu kengulietuo.

Joshua 10:20

Joshua mu Israelkoe uko dukhri thewa kemochie, siro mia huoyo rübei ta nadi dahou kenyiko nu lelie di lhiekelie zo,