Jeremia 4:4 - Angami Naga CL (Re-edited) Bible (BSI)

⁴ Nie zhükere bu Jihova kitsalie, nie melou kezeu chüwalie, nie Juda themiako mu Jerusalem nu kelhouko, moliro a nouyie mi kemhie tu par thekecü ki miapuorei süu tshülie lhotatuo, nie mhatho kesuoko la.

Jeremia 4:4 Iomraidhean Croise

Seyiedze Kenieu 34:25

Kekreilamonyü ukoe a khawa di mha thepie terhuo kekreiko tsüte, u thuo u dzie se chükelieko se a nou va kemeyieketuoko chü, süla a noupfhü lapie thechü hau gei shütuo mu süu biepemhewalie lho zo.

Isaya 10:17

Israel keziee mi puo chütatuo, tsiu puo Kemesau miü puo chütatuo; sidi süu tu di khunhie vachü puohuko siro huphienuoko the mu pekawatuo

Isaya 30:33

Thiedzütho nu kethe chü puo chüpie zhüwatakecü la, uwe, kediu la dojüpie bawate; kethe seipfhe süu shü mu meya, mi mu sei kekra sa; Jihova thesü thuo mitsie rü puo tuoi süu petushüya.

Isaya 51:17

Nie colie, nie colie! Siethalie, he-i Jerusalem, Jihova dzie nu puo noupfhü hieu krielieketapfü, no pevüvütayakecü hieu krie kemesalieketau.

Jeremia 15:14

A n chüpie n bu si kemo kijü nunu n ngumvümia lie chütuo, kekreilamonyü a nouyie nunu mi puo tu parte süu kechachie tutuo.

Jeremia 21:12

He-i David kinuko! Jihovae puya: Khise gei kethocau chüshücie, mu mia peseyakezhau dzie nunu, mia bu u kechükede setuoketako kehoupuorei kelashücie, mo üro a nouyie miü tuoi partuo, sidi bie pemhelie motatuo, n kesuoko la.

Jeremia 21:5

Siro a a thuo a bou yha se mu a bou kekuo se di a nouyie nunu, a noupfhüu nu, tsiu a nei mo se di nieko ze kegeituo.

Jeremia 23:19

Harie, Jihova teikhrieu mehoshücie! noupfhünouyieu rükhrie prate, teikhrie kere puo; süue te kemerie chü di kerüzhüko tsü gei tsutuo.

Jeremia 36:7

Ukoe Jihova mhodzü uko mezhiemelo rei silie lhomu, sidi themia pete rei puo zho kesuo nunu rüreilie rei silie lhomu, kekreilamonyü Jihova noupfhüu tsiu nouyie themia hako gei shütuoükeshüu re seta zo,” sishü.

Jeremia 44:22

Jihova nie mhatho kesuo mu mha kerütsekecü kechü la shügeshühie salie kenjüte, süla nie kijü methuo zhüte tsiu rate mu rüsepfü di, miapuorei lhou ba mote, thie sümhie zhü zo.

Jeremia 9:25

Teisozhako vor tou zotuo, Jihovae siya, süu ae u chü geinu rübei zhükereko siazha khashütuo:

Jeremia 9:26

Ijipt, Juda, Edom, Ammonko, Moab, tsiu vo ketsekethou rayha nu ketuoko. Kekreilamonyü seyie hako pete u zhürekemomia, tsiu Israel kinuko pete u melou nu u zhüreliekemomia zo.

Thekrü 4:11

Jihovae puo noupfhü kha tseishü; puoe puo nouyie kereu rushü, sidi Zion nu mi petushü, sidi puo mvüdzeko thewa.

Ezekiel 16:38

A n dienyakecücü ki n pie thenumia pieü kechümia mu thezie pekrukecümia mhie di ketsotuo, mu noupfhü nunu tsiu mia ngu urokecü geinu thezie se n gei vortuo.

Ezekiel 18:31

Nie a petsou di mha kesuo kechü pete chü kediwaliecie, sidi nie thuo thenou kesa tsiu ruopfü kesa lieliecie! Kiüdi nie siatatuo üya mu? He-i Israel kiu.

Ezekiel 20:33

A rhei ketuo tuoi, Niepuu Jihovae puya, a dzie kekuo se mu a bou yhapie di, tsiu noupfhü rushü di, a nieko mho kedi chütuo.

Ezekiel 21:17

A rei a dzienie kepfhüshütuo, a noupfhünouyieu rushütuo; a Jihova thuo pushüte.

Ezekiel 24:13

Sishierei a n kerhu kerütsekecü chü kemesawatuoü kesie ki, no n kerhuko nunu mesalie mote; a nouyie pie n gei shü kemochie, mhakipuorei no n kerhu nunu mesalie lho.

Ezekiel 24:8

A noupfhü pie sieshü, khepu lietuo üdi, ae puo tsiekrie kemethuou gei thezie pekrukeshüu khapiezhüwe, süu whewa molieketuo la.

Ezekiel 44:7

chazoumia ze lekecü, u nou mu u chü gei u zhürekemomia, bu a kemesachü nu batuoü, sidi nieko kecüca, chüshuo mu thezie pie ruosuo kechü ki a kerüsuokiu bie perhuwaya. Nieko mha kerütsekecü kechü pete la a dietseidiekho-u varhuowate.

Ezekiel 6:12

Kepetse nu ketuomia thepetheruo geinu siatatuo; kepenuo nu ketuomia zhiecha geinu sia; tsiu peshakelie mu lhiekeshü kehoupuorei pekrie geinu siatatuo. Hakemhie di ae uko gei a nouyieu chü tseiwatuo.

Ezekiel 8:18

Süla a rei nouyie se mhachütuo; a mhi uko ngu jowalie lho, morei ngumezhielie lho, tsiu uko thuo peto se di a bu si zotuoü shierei, a uko pfhe rünyülie lho,” sita.

Levimiako 26:28

a rei noupfhü nunu nie petsou tuo zotuo, di nie kephoumako la a thuo süde thenie se nie pechütuo.

Levimiako 26:41

di a bu uko petsou di uko ze ngumvümia kijü nu vowa shierei, siro u melou zhürekemo-u chü kerünuolie tsiu uko kejo mu kekrükecüko chü kemezhü lalie ro,

Amos 5:6

Jihova pfhülie di rheiliecie, moro puo Josef kinuko petsou di mi kemhie partuo, sidi süu Bethel thewatuo, miapuorei süu tshülie lho.

Zefania 2:2

Shübe tuoi nie he petakewa mhodzü, Jihova nouyie kemeriekecüu nie gei kevor mhodzü, Jihova noupfhü teisozhau nieko gei kevor mhodzü.

Rommiako 2:25

No thezho-u zeya liro zhükere-e puoma nyi; derei no thezho-u varhuoya ro, n zhükereu zhürekemo puo chüte.

Pulakeshüzho 10:16

Süla nie melou zhürewaliecie, sidi pietsümvüta hiecie.

Pulakeshüzho 30:6

Siro Jihova n Kepenuopfüe n bu n melou pete se mu n kerheiro pete se Jihova n Kepenuopfü khrielie di rheilieketuo la n melou mu n nuosenuoyie melou zhürewatuo.

Pulakeshüzho 32:22

A nouyie nu mi puo thushüte, süu tutsu Sheol kesoutho nu tso, kijüu mu puo gei kelhouko the pejüwa, mu kijüthou mvüdzeko theshü.

Kolosiko 2:11

Puo geinu nieko rei ruopfü kitsa zhükere puo se nie zhürelie, Khrista nunu nie zhürekelie geinu chüüphou kelhouu lhewate,