Jeremia 4:2 - Angami Naga CL (Re-edited) Bible (BSI)

² tsiu mhanuü noe, “Jihova rhei ketuo tuoi!” ketho nu, kethoca, mu kemezhü nunu rüselie liro, puoe japie seyieko tsütuo, tsiu ukoe puo geinu u mhokuo chütuo.

Jeremia 4:2 Iomraidhean Croise

Keriekitho 22:18

tsiu n nuosenuoyie geinu kijü seyieko theja ngulietuo, kekreilamonyü no a die zeliete.”

Kediko Kerieu 3:6

Sitse Solomon sie, “No n kituou David a puou, puoe n mhodzünu miatho tsiu mezhü, mu puo nou mezhü di n ze ketuo tuoi, noe puo ngumezhiethorkecü thashüte; siro noe puo la ketseikevi hau chüshü, süusü thie tuoi, noe puo nuo thepfumia pie puo tsü di puo bu puo kediba gei batuo üshü.

Chieliko 72:17

Puo za bu kechachie tuocie; niaki keba chie tuocie. Seyie pete bu puo geinu theja ngucie, mu uko bu puo üse thejakepfüu üdi pucie.

Chieliko 99:4

Kediue zha, puoe kethoca puo nei, puoe thetou pesieshü. Puoe Jakob gei kedietho mu kemiatho chüshü.

Isaya 45:23

A thuo rüseshüte, a tie nunu kemiatho nu die puo prate, die süu la vorlie lho. “Khoudza pete a ki khoutou tsutuo, meü pete rüsetuo.”

Isaya 45:25

Israel nuosenuoyie pete Jihova geinu kuolie di zayie chütuo.

Isaya 65:16

Sidi kehoupuorei kijü nu theja cha ro kemiatho Kepenuopfü thuo japie tsütuo, mu kehoupuorei kijü nu rüsekecüu kemiatho Kepenuopfü thuo rüse pie tsütuo; kekreilamonyü thiedzü mezhieko rükra mote mu a mhi kinu kevieliete.

Jeremia 10:10

Derei Jihovae Ukepenuopfü ketho-u; puo rhei tuoyakezha Kepenuopfü tsiu kechachie ketuo kediu. Puo noupfhü nunu kijüu rünietaya, tsiu seyieko puo nouyieu pfülie lho.

Jeremia 12:15

Siro a uko ciethekewa sie, a uko ngumezhie lashütuo, sidi a uko mia puopuokecü ze la u vieu nu mu u kijü nu la voshütuo.

Jeremia 12:16

Süsie, ukoe a themia zhoko thethochü di dojülie, a za nunu rüse di, “Jihova rhei ketuo tuoi” idi ukoe a mia pethapie Baal gei rüsekecü mhielie liro, uko bu a themiako donu lhoulietuo.

Jeremia 16:19

He-i Jihova, a kekuo mu a dahouu, kemezhiekecü ki a keyau, kijü valako nunu seyieko n ki vor di sie; Hie puonuokoe mhapuorei welie mo derei kemeda, puoma kejü vie sügeinu mha kemevi kejü rübei welie.

Jeremia 3:17

Süteiki ukoe Jerusalem üse Jihova kediba üdi kietuo, mu seyie pete sünu vo kengutuo, Jihova za se Jerusalem nu votuo, mu ukoe u nou re di u kelekemedo kesuo nu tuo salie lho.

Jeremia 33:9

Sidi nadi hau we a la u kenei theza puo chülietuo, tsiu kijü nu seyie pete a uko gei mha kevi chükeshü dze silietuo, sitse ukoe a uko gei mha kevi pete mu kruokelie chükeshü pete la michie mu petatuo.

Jeremia 5:2

Uko thuo sie, “Jihova rhei ketuo tuoi,” isikecü pu rei, uko tijü di rüse.

Jeremia 7:5

Kekreilamonyü niekoe nie zhoko mu nie mhathoko chü kemezhü lalie mu nie mia puoe mia puo ze mezhü lalie liro,

Jeremia 9:24

derei kemholiekezhau bu hau nu kemholieliecie, süusü puo a dze si mu a sikecü nunu lie, ae Jihova, ae kijüu gei rüdirüliya kemo kekhrie se mia khrieya, kethoca, tsiu kemezhüu chüya, a hako nu a neiyacü la, Jihovae siya.

Hosea 2:19

Siro a n liepie kechachie la a kimia chülietuo, mu kemiatho tsiu kemezhü nunu, rüdirüli kemo kekhrie, mu ngukemezhie nunu a n liepie a kimia chülietuo.

Joel 2:12

Sishierei tsie Jihovae puya, nie nou pete se rürei a ki vorliecie, mevo, kra, mu thekrü chü di,

Zekaria 8:8

tsiu uko ze vor Jerusalem nu lhoushütuo. Kedietho siro kemiatho nunu ukoe a themia chütuo mu a uko Kepenuopfü chülietuo.

Malaki 1:11

Kekreilamonyü niaki thukesier yawinu vo leketa ketso a zae seyieko donu zapuzayie chü ba, sidi thechü pete nu kethengu thepie a za gei shütuo, tsiu ruosuo kemesa chüshütuo, kekreilamonyü a za seyieko donu zha meyie baketa la, krodiko Jihovae siya.

Korintmiako Kerieu 1:31

mu siketuo la, süu thupie zhü, “Kehoupuorei kemholiekezhau bu Niepuu geinu kemholieliecie,” si.

Korintmiako Kenieu 10:17

“Kehoupuorei kemholiekezhau bu Niepuu geinu kemholieliecie!”

Galatiako 3:8

Siro kepele geinu Ukepenuopfüe Judakemomia bu rei mezhülieketuo kethodie-e pedzüperie pushü, sidi pedzüperie dieliekeviu pie Abraham ki pukecü, “Seyie pete n geinu thejapfütuo,” si.

Pulakeshüzho 10:20

Noe Jihova n Kepenuopfü preituo, puo rübei rüsuotuo. Puo rübei kutsapfü tuotuo, mu puo za rübei se rüsetuo.

Pulakeshüzho 4:30

No kemezhiekecü nu keba ki, mu mha hako n gei phirkelie nhie, noe Jihova n Kepenuopfü ki la vortuo, di puo die zelietuo.

Pulakeshüzho 6:13

No Jihova n Kepenuopfü preituo, puo lie chütuo, mu puo za rübei se rüsetuo.

Filipiko 3:3

Kekreilamonyü we zhükeremia ketho zo, Ukepenuopfü Ruopfüu nunu rüsuoyakezhamia tsiu Khrista Jisu la kemholie tuoya, mu chüüphou tsa la kethepfu puorei jü,

Ruth 3:13

No tsiezhü pfhe baliecie, mu khise puo n gei keseyiekecü mhatho-u chüshütuo üro, vi zo; puo bu süu chüshülie. Mhanuü puo n gei keseyiekecü mhatho-u chülie lho üro, Ukepenuopfü rhei ketuo tuoi, a n gei keseyiekecü mhatho-u chüshütuo. Süla tsie teisolie kemochie haki zhü zoliecie.”

Samuel Kerieu 20:3

Derei David rei rüse di, “N puoe no a khrieya ücü si pevi se ba ze; mu puoe lecü, ‘Jonathan bu hau silie lho, moro puo puo nousuota rei si mo’ ilie vi. Derei ketho zo, Jihova rhei ketuo mhie mu no rei rhei ketuo mhie, süu ba zo, kesia hienie donu phicha puo zote.”