Jeremia 4:1 - Angami Naga CL (Re-edited) Bible (BSI)

¹ Mhanuü no rürei la vorlie ro, he-i Israel, Jihovae puya, mhanuü no rürei a ki vorlie ro, mhanuü a kengu kinu kerütsekecüko khawa di rüdi mo thalie ro,

Jeremia 4:1 Iomraidhean Croise

Keriekitho 35:2

Süla Jakob sie puo kinuko mu puo ze ketuo kheko üse, “Nieko donu seyie kekreimia rhuoko kha phrewalie, nie chü kemesalie mu nie pfheneiko kedilie;

Kediko Kenieu 23:13

Siro Jerusalem mhodzü keba thechü kerükrieko, bie pesuokewa kijüthouu zatsatie kebako, Solomon kediu Sidonmia kerütsekecüu Ashtoret la, mu Moabmia kerütsekecüu Khemosh la, mu Ammonmia kerütsekecüu Milkom la, chükeshüko kediue pekawa.

Kediko Kenieu 23:24

Sizomoü terhuo zeyakezhako, themoumiako, terhuorhiko, mu terafim, siro Juda mu Jerusalem nu mha kerütsekecü ngukelie khe, Josiae chü kelhouwa, süusü Hilkiae Jihova kiu nu ngukelie thezho leshüu dieko chüüzelietuo ükecü la zo.

Seyiedze Kenieu 15:8

Siro Asae die hako Oded nuou Azaria siedzedie pukeshü sikelie ki thepfulie, sidi puo Juda mu Benjamin nu kijükhru rüna Efraim nunu liekelie rünako nunu terhuo mirhi kerütsekecüko bie phrewa, siro puo Jihova kiu kifükhro ki keba Jihova ruosuobau ketso pevie lalie.

Seyiedze Kenieu 33:8

a Mosa geinu chü hienu di diekhakeshü pete, thezhoko pete, chünukecüko mu ahzako zeuze menuokelie sie, a nie puonuoko la kedakeshü kijüu nunu Israel phi bie keyie la salie lhota zo,” isi.

Seyiedze Kenieu 34:33

Siro Josia Israelmia kijü pete nu kerütsekecü pete chü phrewa, di Israel nu ketuo pete bu Jihova uko Kepenuopfü rüsuolie. Puo kelhou chie uko Jihova uko puonuoko Kepenuopfü kinu rüreita mo zo balie.

Isaya 31:6

He-i Israelmiako, nieko puo petsouthor tuoketau ki rürei la vorliecie.

Jeremia 15:19

Süla Jihovae puya: No rürei la vorlie üro, a n ze lalietuo, sidi n bu a mhodzünu thalietuo. Noe diethuodieruo mo di mha puoma kereu hachielie üro, noe a tie mhie mhachülietuo. Uko bu rürei n kitsa valietuo, no rürei uko kitsa vota lho.

Jeremia 15:4

A uko chüpie kijü nu kedi pete bu merietatuo kekreilamonyü Hezekia nuou Manasseh Juda kediue Jerusalem nu chüshüwaketa la.

Jeremia 18:11

Süla tsie, Juda themiako mu Jerusalem nu kelhouko ki pushüliecie: Jihovae puya: Harie, ae mha kesuo puo rhipie nieko ngumvütuoü bate, tsiu mhapuo rhüpie nieko petsoutuoü bate, tsie nie pete mhatho kesuo nunu rüreilie, sidi nie zhoko mu nie mhathoko bu viliecie.

Jeremia 24:9

Sidi ae uko chüpie kemeriekecümia, mu kijü nu kedi pete la mha kesuo puo, thenga chü, miadzemiase chü, u pese, mu a uko whuokeshü thechü kheko nu mia bu u rüsekecü chütuo.

Jeremia 25:5

uko sie, “Nieko kehoupuorei tsie nie zho kesuo nunu mu nie mhatho kesuo nunu, rürei vorliecie, siro Jihovae pie nieko mu nie puonuoko kechachie la tsükeshü kijü nu balietuo.

Jeremia 3:1

Mhanuü mia puoe puo kimia khawa, sidi süpfüe puo kinu tuota, sidi mia kekreimiae puo kimia chüta, siliro puoe süpfü ki la votuo me? Kijü süu perhu sewata mo üme? Noe n neimia kekra ze di thethelie; sidi rürei a ki la vortuo me? Jihovae siya.

Jeremia 3:12

Vo di die hako pie pesotsa shieshülie, di sie: Kepele kejü Israel, rürei la vorliecie, Jihovae siya. A nei kemo nunu n meho lho, ae mia ngumezhieyacü la, Jihovae puya; A kechachie a nei mo ba lho.

Jeremia 3:14

Rürei la vorliecie, he-i, kepele kejü nuonuoko, Jihova puya, ae n niepuu zocü la; a nadi puo nu mia puo mu kikru puo nu mia kenie, idi ae nie ze Zion nu vortuo.

Jeremia 3:22

“Rürei la vortacie, nie kepele kejü nuonuoko, sitse a nie kepele kejüu chü kemeneshütuo.” “Hie n ki vorzhie; noe hie Kepenuopfü Jihova zokecü la.

Jeremia 35:15

Ae a kituo siedzekesiko ketseshü, tsiemelie uko ketseshü di sie, “Themia kehoupuorei puo kesuo chau nunu rüreilie, nieko mhathoko chü kemezhülie, sidi terhuo kekrei lie chütuoü süko medzita hie, sitse niekoe a kijü pie nieko mu nie puonuoko ketsü nu lhoulietuo,” sishü. Derei nieko nie nyie kedeishü mo sidi a die zelie mo.

Jeremia 36:3

Juda kinuko a uko gei kepeka khashütuoü keba rünyülie, di uko pete rei u zho kesuo nunu rüdilie, sidi a bu uko kesuo mu uko kephouma vashüketuo chülie rei silie lhomu.

Jeremia 4:4

Nie zhükere bu Jihova kitsalie, nie melou kezeu chüwalie, nie Juda themiako mu Jerusalem nu kelhouko, moliro a nouyie mi kemhie tu par thekecü ki miapuorei süu tshülie lhotatuo, nie mhatho kesuoko la.

Jeremia 7:3

Krodiko Jihova, Israel Kepenuopfüe puya: Nie zhoko mu nie thoko nunu rüdiliecie, sitse a nie bu thechü hanu lhou balietuo.

Jeremia 7:5

Kekreilamonyü niekoe nie zhoko mu nie mhathoko chü kemezhü lalie mu nie mia puoe mia puo ze mezhü lalie liro,

Jeremia 7:7

a nieko bu thechü hau, a pie nie puonuoko bu telhekechachie lhoutuo üdi khakeshü kijüu nu balietuo.

Ezekiel 11:18

Sidi uko sünu vorkelie ki, ukoe sünunu mha kesuoko pete tsiu mha kerütsekecüko pete chüwatuo.

Ezekiel 18:13

pedzüperie mia ki mha pie mu puoprapuoshü lie, siliro puo rheilie vi me? Puo rheilie lho zo. Puo mha kerütsekecü hako chüwate; puo sia petuo zotuo; puo zie thuo puo tsü gei pfütuo.

Ezekiel 43:9

Tsie uko bu uko rügerüzhüko, mu uko kediko kesiamoko chü kedipie a kinu peciewacie, sitse a uko donu kechachie lhou batatuo.

Hosea 14:1

He-i Israel, Jihova n Kepenuopfü ki rürei vortacie, kekreilamonyü n kejokemou la no tetsute.

Hosea 2:2

N zuo ze di pushülie, pushülie, kekreilamonyü puo a kimia mo, tsiu a puo nupfu mo, sidi puo bu puo mhinguki nu thetheliekecü, tsiu puo nunie donunu pieü kechü khawalie;

Hosea 7:16

Uko rüreise puo kepra kejü nu vo; uko theü kesuo puo mhiete; uko kezhako zhiecha geinu tetsutuo, kekreilamonyü uko tie kere la. Ijipt kijü nunu die doneiü pu ba rei si zotuo.

Joel 2:12

Sishierei tsie Jihovae puya, nie nou pete se rürei a ki vorliecie, mevo, kra, mu thekrü chü di,

Zekaria 1:4

Nieko puonuoko kemhieta hie, siedzekesiko uko ki pukecü, “Krodiko Jihovae puya, nieko kekrükecü chako nu mu nie mhatho kesuoko nunu rüreiliecie.” Derei uko a pfhe morei a die rünyü mvüte, Jihovae siya.

Pulakeshüzho 27:15

“Jihova mhodzüki terhuorhi chükecüu, mha kepie chü rei, lhopie chü rei, thedzie pie rhikecü kehoupuorei pekhre sekebau bu rüsepfücie,” ishütuo. Mu themia petekoe sie, “Amen!” situo.

Pulakeshüzho 4:30

No kemezhiekecü nu keba ki, mu mha hako n gei phirkelie nhie, noe Jihova n Kepenuopfü ki la vortuo, di puo die zelietuo.

Joshua 24:14

“Süla tsie Jihova preilie mu nie nou nie thochü di puo lie chülie; nie puonuokoe Kerü khie kekreitsa mu Ijipt nu terhuo lie chü kevorko khawalie, sidi Jihova lie chülie.

Capiko 10:16

Sidi ukoe uko donu solhi rhuoko khawa di Jihova lie chüta; mu puoe Israelko kemezhiekecüko ngu di puo nousuota.

Samuel Kerieu 7:3

Sitse Samuel-e Israelmia pete ki pu di, “Mhanuü niekoe nieko melou pete se rürei Jihova kitsa vozhü üro nieko donu terhuo kekrei mu Astartko khawalie. Sidi nie melou kereipie Jihova kitsashülie, sidi puo lie rübei chülie, silie ro puoe Filistinmia dzie nunu nieko kelashü zotuo.”