Jeremia 3:3 - Angami Naga CL (Re-edited) Bible (BSI)

³ Süla tei-e rüshü mote, tsiu bayie teirüu rei rüshü mote; sishierei n teikhie-e thethenumia teikhie tuoi, noe mengalie mo.

Jeremia 3:3 Iomraidhean Croise

Keriekitho 19:34

Süsienhie phichüpfüe puo siezepfü ki sie, “Harie, a nzhü a puo zezhüwate; avu tsiezhü rei puo bu khubezu krie lalie khe; sidi no le puo ze zhülie, siliro avu puou tsia setuolietuo.”

Nehemia 9:17

Ukoe miadie ze mvü, mu noe uko donu chükeshü ungothoko dze le mo; derei u nou chü perelie, di miadie kechü nu la votatuoü krüta puo kedalie; derei noe mia kejo vashütuo ükecü Kepenuopfü, mia khrie tsiu ngumezhieya, n nou meyie tho mu ketseikevi bu tshupfü, di uko khawa mo.

Mhasidie 21:29

Kerüzhümia thepfukecü zie pekieya, derei kemezhümia we puo chako le menuoya.

Isaya 5:6

A puo pekapemhewatuo; puocoko be motatuo, morei kejü pie chü sa motatuo, sidi huphienuo mu zohuko lhou sietuo; A kimhouko ki diekhashü di uko bu teirüpie puo va motatuo.

Jeremia 14:1

Teikuotaketuo la Jihova die Jeremia ki vorkecü:

Jeremia 14:22

Seyieko rhuo huo teirü se vorlie vi me? Morei teikoe teirü khashülie vi me? He-i Jihova hie Kepenuopfü, no süu mo üme? Hie hie kemerü pie n gei tuo, kekreilamonyü no mha hako pete chüshüya.

Jeremia 14:3

Puo pehükoe u kituoko ketsepie dzü pfhü; ukoe lipfhü se vo, sirei ukoe dzü puorei ngulie mo, süla u lipfhü methuo di la vorta. Ukoe menga mu theziekejü chü di u tsü dzepfü tuota.

Jeremia 14:4

Kekreilamonyü kijüu rükote. Kijüu gei teirüshü moketa la lieciemiako u ziekejü chü bate, uko tsü dzepfü tuote.

Jeremia 36:2

No leshütshü puo chülie sidi sünu ae Israel siro Juda mu seyie pete kepetsou dieko pete thulie, a n ki kepu nhie nu, Josia teiki nu vor thie ketso.

Jeremia 5:24

Uko nou nu, “Úko Kepenuopfü Jihova preilie khe, puoe puotei nu teirü khashü, therü teirü mu bayie teirü khashüya, tsiu úko la lieyie tei zhadoudo rei khashü,” idi leya mo.

Jeremia 5:25

Nieko kesuokoe mha hako kelawate, tsiu nieko kephoumae nieko lanu mha keviko khase bate.

Jeremia 5:3

He-i Jihova, n mhi-e ketho-u pfhüya mo üme? Noe uko vüshü, derei uko kemezhiekecü rei silie mo; noe uko pekawa, derei ukoe pethapfülie mvüte. Ukoe uko zie chü perepie tsiekhrü ki rei khrükuowate; sidi ukoe la vor mvüte.

Jeremia 6:15

Uko thengatho chü, ukoe kerütsekecüko chü; sirei ukoe mengalie mo, mu uko zie merie reilie mo. Süla ukoe tetsuketako ze di tetsutatuo; a uko pechükeshü ki, uko kelhouwatuo, Jihovae siya.

Jeremia 8:12

Ukoe kemenga thoko chü, ukoe kerütsekecü chü; sizoürei ukoe mengalie moto zo, uko zie merielieketuo rei si mo. Süla ukoe tetsuketako ze tetsutuo; a siazha pie uko ketsü teiki, uko kelhouwa zotuo, Jihovae siya.

Jeremia 9:12

Supuonie mhasi di hau ca silie vi ba ga? Jihova tie puo ki pukeshü themiau supuo ba di süko pesishülie vi ba ga? Kiüdi kijüu pekawa mu chü kemethuo pie rayha tuoi, miapuorei bu süu pfüthe vo mota ga?

Ezekiel 3:7

Derei Israel kiue n pfhe rünyülie lho, ukoe a pfhe rünyü mvücü la; kekreilamonyü Israel kiu pete mengaya mo mu thenou re zocü la.

Levimiako 26:19

Sidi a nie kemiakokecü kekuou bietshewatuo, siro nie teiko chüpie thegi tuoi mu nie kijü chüpie mese tuoiwatuo.

Amos 4:7

Siro a lieyie tei vorketuo thekhrü se baluokecü nu nieko kinu teirüu khawa; a nadi puo nu teiperüshü, tsiu nadi kekrei puo nu teiperüshü mo; lie puo nu teirüshü, tsiu teirüshü moketa lieu rüwita.

Amos 4:8

Süla rüna keniekese-e dzü krietuo üdi rühou rüna kekrei puo nu vo; derei u kelhuo ngulie mo; sirei nieko rürei a ki vorlie mo, Jihovae siya.

Zefania 2:1

Vo kenguliecie, kenguliecie, he-i, menga kemo seyieu.

Zefania 3:5

Jihova puo kemiatho nunu; mhapuorei chü kekrüya mo. Teisoduü puoe capi chüshüya, khuduü rei chü motaya mo; derei thetou kemoko we thenga siya mo.

Hagai 1:11

Siro a teikuo kiepie kijüu gei mu kijükhruko gei, lhacülhale gei, khubezu kesa gei, tier gei, kijü nu lhou parlieyakecü khe gei, themiako gei mu khunuoko gei, tsiu uko mhathoko gei shü.

Pulakeshüzho 28:23

N tsü mhogei mese pie tei chütuo, mu n khro kijüu thegi pie chütuo.

Ibriko 12:25

Nieko rüchü kethau meliewa molieketuo la nie kireiliecie; kekreilamonyü süko thuo rei kijü nu uko tarhokeshüu die ze mvüketa la rüdalie lhota ro, úko we teigei nu u rüchü kethau die rünyü mota ro talie lhokuota zotuo.