Jeremia 3:1 - Angami Naga CL (Re-edited) Bible (BSI)

¹ Mhanuü mia puoe puo kimia khawa, sidi süpfüe puo kinu tuota, sidi mia kekreimiae puo kimia chüta, siliro puoe süpfü ki la votuo me? Kijü süu perhu sewata mo üme? Noe n neimia kekra ze di thethelie; sidi rürei a ki la vortuo me? Jihovae siya.

Jeremia 3:1 Iomraidhean Croise

Chieliko 106:38

Uko nuonuo thenuko mu thepfuko pie Kanan nu terhuorhiko ki ruosuo chü, sidi jo kemo zie pekru, tsiu thezie bu kijüu perhuwa.

Isaya 24:5

Kijüu puo gei lhou kebako khronu puo perhu pfüzhüte; ukoe thezhoko vacie, rhükelie zhoko varhuo, di telhekechachie diekho-u varhuowa.

Jeremia 2:20

Kekreilamonyü thiedzünu noe n vocieu bietshewa, mu n phako biethewa ru, noe sie, “A n lie chülie lho!” site. Noe kijüthou kerükrie kheko gei mu seibo kepejo kheko khro nu pelapfü di thethe lie.

Jeremia 2:23

Noe kikemhie di, “Ae rhuta mo, a Baalko medzita mo” ikecü pulie vi ga? Razha nu n zhorüli mehoshü phi; no kedipuo chüwa shikecü siliecie, noe bajülie kemo ut nuonuo puo cha nu rüge phi mu phi ketuo mhiei;

Jeremia 2:7

A nieko ze mhakenyi kijü puo nu, nie bu süu si cütuoü mu süu keviu cütuo üdi nieko ze vorshü. Derei nie sünu lelie tse, niekoe a kijü bie perhuwa, mu a kayieu pie kerütse chüwa.

Jeremia 22:20

Tuo Lebanon nu kho di shieshülie, tsiu Bashan nu shiekhouishülie; Abarim nunu shieshülie, kekreilamonyü n kekhriemia pete pekawate.

Jeremia 3:22

“Rürei la vortacie, nie kepele kejü nuonuoko, sitse a nie kepele kejüu chü kemeneshütuo.” “Hie n ki vorzhie; noe hie Kepenuopfü Jihova zokecü la.

Jeremia 3:9

Kekreilamonyü puoe thethekelie pie mhaü mo, sidi puo kijüu perhuwa, mu ketsie tsiu seiko ze pieü chü.

Jeremia 31:22

He-i dietho kemo nuopfü, no kichiepuo rühou tuotieya ga? Kekreilamonyü kijüu gei mha kesa puo chüshüte: thenumiapfü puoe thepfumia puo yalietuo.

Jeremia 4:1

Mhanuü no rürei la vorlie ro, he-i Israel, Jihovae puya, mhanuü no rürei a ki vorlie ro, mhanuü a kengu kinu kerütsekecüko khawa di rüdi mo thalie ro,

Jeremia 4:14

He-i Jerusalem, n melou nunu mha kesuo khrü kemesawalie sitse n kelalietuo. Mha kesuo dorhüko kedithechiepuo n nou batieya ga?

Thekrü 1:2

Puoe theva gei kra phi baya, puo mhidzü puo dzo kerhiekerho pfü di; puo kekhrieko donu miapuorei puo nou thupeluoketuo ba mo; puo zemia pete rei puo gei kelhie, ukoe puo ngumvümia chüte.

Ezekiel 16:26

Siro no rügerüzhüyakezha n siezanuomia, Ijipt n ze di thethe lie, n rügerüzhü chü pekrapie a nou chü kemeyie.

Ezekiel 16:30

N melou kedithede thachü shi, Niepuu Jihovae siya, noe hako pete chü, thethenupfü kethepfu mhathoko;

Ezekiel 16:35

Süla, he-i thethenupfü, Jihova die rünyüliecie:

Ezekiel 33:11

Uko ki pushülie, A rhei ketuo tuoi, Niepuu Jihovae puya, a kerüzhümia siaketa a neiya mo, derei kerüzhümia bu u zhoko nunu rüdilie di rheikelie a neiya; rüdiliecie, nie kesuo kechü chako nunu rüreiliecie; kiüdi nie siatatieyamu, he-i Israel kiu?

Hosea 1:2

Jihovae Hosea geinu die pukeshü therie nu, Jihova Hosea ki, “Vo di n la thethepfü puo liepie n kimia chülie mu thethe nuonuo nyiliecie, kekreilamonyü Jihova khawa di kijüu thetheliethor bate.”

Hosea 2:2

N zuo ze di pushülie, pushülie, kekreilamonyü puo a kimia mo, tsiu a puo nupfu mo, sidi puo bu puo mhinguki nu thetheliekecü, tsiu puo nunie donunu pieü kechü khawalie;

Mika 2:10

Sielie di tuotalie; kekreilamonyü haue rüleichü mo, chü perhuwakecüue kemeriekecü kepeka se pekawate.

Zekaria 1:3

Süla uko ki pushülie, krodiko Jihovae puya: Rürei a ki vorlie, krodiko Jihovae puya, sitse a rei rürei nieko kitsa vortuo, krodiko Jihovae siya.

Mathi 5:31

“ ‘Siro themia kehoupuorei puo kimia khawatuo liro, puo khakewa leshü thupie puo kimia tsüwa morosuo’, ikecü rei pu die.

Pulakeshüzho 22:21

ukoe puo ze puo puo kikha ki vortuo, sidi nadiu nu thepfumiakoe ketsie pie puo vakhriwatuo; puoe puo ki nunu thethepfü chü di kenya mhatho pie Israel nu shükecü la. Hamhie di nie donunu mha kesuou chü kemesawatuo.

Capiko 19:2

Derei süpfüe puo gei dietho mota, sidi ta la vo Juda kijü Bethlehem nu puo puo kinu khrü dia bata.