Jeremia 26:5 - Angami Naga CL (Re-edited) Bible (BSI)

⁵ tsiu a te mo zo di a kituo siedzekesiko dieko rünyülienu ketseshü, derei niekoe rünyülie moliro

Jeremia 26:5 Iomraidhean Croise

Jeremia 11:7

Kekreilamonyü a hiechü di nie puonuoko Ijipt kijü nunu uko ze kepar nhie nu vor thie ha ketso rei mvürümvü chü uko ki pu di, A pfhe zelie, sishü zo.

Jeremia 7:25

Nieko puonuoko Ijipt kijü nunu parkelie teiso yawinu vor thie ketso, a a kituo siedzekesimiako pete ketsepie uko ki shü zo, puo sie puopuo idi;

Jeremia 7:13

Siro tsie, nie mhatho hako pete chükecü la, Jihovae siya, a nie ki pu tha zo, derei nie rünyü mote, mu a nie kekie ki, nieko a pfhekho mote,

Ezra 9:11

Süko noe n kituo siedzekesiko geinu khashü di pucü, ‘Nieko vo di welieketuo kijüu sünu themiako la mesa mote, uko kerütsekecü chükecüko lanu, uko mesa kemoko tietsatiepuo nu vo kekreitsatie ketshu chü di kijüu bu mesa mote.

Kediko Kenieu 9:7

Mu noe n niepuu Ahab kinumia pekawatuo, sidi a bu a kituo siedzekesiko zie, tsiu Jihova kituo pete zie Jezebel geinu khepu lielieketuo la.

Pesikeshü 11:18

Seyieko mehiemehüpfü ba, derei n noupfhü vorte, kesiako nyie kecüketuo teiu, n kituoko, siedzekesiko mu n za preiyakezha, kecükezha pete, zhakhra chüpie tsüketuo, mu kijüu pekayakezhako pekaketuo teiu vorte.”

Pesikeshü 10:7

derei teigeidielie thenieu puo tsüu khoukeshü zhanhie Ukepenuopfü puo kituo siedzekesiko pesishüwaketa tuoi puo pekhrepie ketuou chü tseishütuo,” sita.

Zekaria 1:6

Derei a dieko mu a zhoko, a kituo siedzekesiko ki pukeshüko, süko nieko puonuokoe sanyü mota mo üme? Siro uko thenou kedilie di sie, “Krodiko Jihovae chütuo üdi rhükelie mhiei u zhoko mu u mhathoko medzi di u gei mhachüshü.”

Amos 3:7

Niepuu Jihova puo pekhreko pie, puo kituo siedzekesiko pesishü mo di, mhapuorei chüshü mo zo.

Ezekiel 38:17

Niepuu Jihovae puya: A thiedzü a kituo Israel siedzekesiko ki pu di, a n ze vor uko petsouketuo dze pedzüperie teicie kekra siedzekesiko bu pu kevor-u no themia süute me?

Kediko Kenieu 24:2

Tsiu Jihovae Chaldiamia rüpfhünuo, Arammia rüpfhünuo, Moabmia rüpfhünuo mu Ammonmia rüpfhünuo ketsepie puo perhie, siro süko ketsepie Juda perhie, puo pekawatuo üdi, süusü Jihova die, puo kituo siedzekesiko geinu pukeshü tuoi di chüshü.

Kediko Kenieu 17:23

Jihovae puo mhingu nu Israel chü kediwata kemochie, puoe puo kituoko siedzekesi peteko geinu pukeshüu chüshü. Süla Israel-e puo thuo puo kijü nunu teze Asiria nu voketa thie ketso rei si tuo zo.

Kediko Kenieu 17:13

Sirei Jihovae siedzekesiko mu siedzekenguko geinu Israel tsiu Juda petha di sie, “Nieko mha kesuo nunu rüreilie di a diekhakeshüko mu ae chünukecüko a khapie nie puonuoko ki keshü zhoko tuoi, tsiu a kituo siedzekesimia geinu khakeshü tuoi chüüzeliecie,” ishü.

Jeremia 29:19

kekreilamonyü ukoe a pfhe rünyü mvüte, Jihovae siya, ae te mo zo di a kituo siedzekesiko ketseshü, derei ukoe rünyü mvüte, Jihovae siya.

Jeremia 32:33

Ukoe uko chie kereipie a tsü, sidi uko zie kereishü mo; ae tsiekenuo uko petha vor zo, sirei ukoe rünyü mvü mu chü kemezhükeshü lielie mo.

Jeremia 35:15

Ae a kituo siedzekesiko ketseshü, tsiemelie uko ketseshü di sie, “Themia kehoupuorei puo kesuo chau nunu rüreilie, nieko mhathoko chü kemezhülie, sidi terhuo kekrei lie chütuoü süko medzita hie, sitse niekoe a kijü pie nieko mu nie puonuoko ketsü nu lhoulietuo,” sishü. Derei nieko nie nyie kedeishü mo sidi a die zelie mo.

Jeremia 35:17

Süla, Jihova krodiko Kepenuopfü, Israel Kepenuopfüe puya. Ae Juda mu Jerusalem nu lhou kebako pete petsou di kepeka pukeshü pete se uko gei vortuoüzhie, kekreilamonyü a uko ki pu zo sirei uko zelie mote, ae uko kie zo sirei uko a pfhekho mo.

Jeremia 44:4

Sizorei ae pete mo zo di a kituo siedzekesi pete ketseshü di sie, “A nie ki chaya a ngumecükecü mha kerütsekecü hako chü hiecie!” isi.