Jeremia 26:3 - Angami Naga CL (Re-edited) Bible (BSI)

³ Sitse uko rünyülie rei silie lhomu, sidi themia pete rei, puo zho kesuo nunu rüdilie, mu ae uko mhatho kesuo la uko gei kepeka khashütuoü lekecüu nunu a nou rüdita rei silie lhomu.

Jeremia 26:3 Iomraidhean Croise

Kediko Kerieu 21:27

Ahab-e die hako silie tse, puoe puo pfhe cierhata, siro gakhropfhe dzielie, sidi mevota, tsiu gakhropfhe dzielie di puo thesuo siei tuota.

Kediko Kerieu 21:29

“Ahab-e kedipuo kemhie di a mhodzünu puo thuo puo bie kerünuolie shikecü no ngu ba nhie? A, puo kelhou ki mha kesuo se vorlie lho, kekreilamonyü puoe puo chü kerünuoliete; derei puo nuou teiki a mha kesuo se puo kikru nu shütuo.”

Jeremia 26:13

Süla tsie nieko zho rüli mu nieko mhatho kedilie, sidi nie Kepenuopfü Jihova die chüüzelie, sitse Jihova nie petsou di pukeshü kepekau nunu puo nou kedilietuo.

Jeremia 26:19

Juda kediu Hezekia mu Juda themia pete-e puo dukhriwaü me? Puo Jihova prei di Jihova neiu chü, sidi Jihova uko pekatuoü pushükewau nunu puo noukedilie moü me? Derei úkoe kepeka kemeriekecü se u thuo u gei vortuoü bate!”

Jeremia 36:3

Juda kinuko a uko gei kepeka khashütuoü keba rünyülie, di uko pete rei u zho kesuo nunu rüdilie, sidi a bu uko kesuo mu uko kephouma vashüketuo chülie rei silie lhomu.

Jeremia 36:7

Ukoe Jihova mhodzü uko mezhiemelo rei silie lhomu, sidi themia pete rei puo zho kesuo nunu rüreilie rei silie lhomu, kekreilamonyü Jihova noupfhüu tsiu nouyie themia hako gei shütuoükeshüu re seta zo,” sishü.

Ezekiel 12:3

kekreilamonyü uko mia petsouyakezha kiu zo. Süla, themiau n thuo n la tataketuo mhanyako keseliecie, sidi khinhie gei uko kengu nunu ta parlie. No uko kengu kinu thechü puo nunu tuo thechü kekrei puo nu votalie. Uko thuo mia petsouyakezha kiu zo ürei uko mhalelie rei si lhomu.

Ezekiel 18:21

Derei mhanuü kerüzhümiae chüyakezha kephoumako nunu rüdilie di a zhoko se balie mu thezho touu tsiu kemezhüu chülie ro, ukoe rheilie petuo zotuo, uko siatalie lho.

Hosea 11:9

A nouyie kereu se lho; a Efraim peka salie lho; kekreilamonyü ae Kepenuopfü, mu themia mo, Nie donu Kemesau, tsiu a noupfhü nunu vor lho.

Joel 2:14

Puo rüreilie tsiu puo noukedilie di, theja pie puo sietsatie shüwa, lhacülhale ruosuo mu kekrie ruosuo khapie, Jihova n Kepenuopfü tsü rei supuo si ta?

Jona 4:2

Puo Jihova ki cha di, “He-i Jihova, A a rüna nu baluokecü nu hau pushü mo me? Haha la a therie nu ta Tarshish nu voketa zo; kekreilamonyü noe mia ngumezhie mu mia khrieyakezha Kepenuopfü puo zo, n nou meyie tho, n zho vithor, tsiu siazha khashütuoü keba nu zorei n nou keditayakecü a si ba.