Jeremia 2:8 - Angami Naga CL (Re-edited) Bible (BSI)

⁸ Zievokoe, “Jihova kirapuo ba ga?” sikecü pu mote. Siro thezho kesekoe a si mo; kezhako a gei kejokemou chü; siedzekesiko Baal geinu siedzedie pu, sidi puo kemevi kejütsa whuo vota.

Jeremia 2:8 Iomraidhean Croise

Kediko Kerieu 18:22

Sitse Elijae sie themiako ki, “A rübei, Jihova siedzekesimia a rübei zote, derei Baal siedzekesimia we mia krie dia di hiepengou ba.

Kediko Kerieu 18:29

Sidi thehesieta tse, mu ukoe thevatie ruosuo kechü ketso siedzedie pu ba, derei mhapfhe puorei vor mo, morei uko die kelashü mota.

Kediko Kerieu 18:40

Sitse Elijae sie uko ki, “Baal siedzekesiko teliecie, mia puo bu rei tata hie.” Sitse ukoe süko telie, mu Elija uko ze Kishon Rücüu nu tsur di sünunu uko dukhriwa.

JOB LESHÜDAU 35:10

Derei miapuorei sie, ‘Ukepenuopfü a Chükeshüu, theva gei ütsaliko khashüyakezhau kirapuo ba ga?

Isaya 28:7

Hako zorei zu la melu, mu zu kekuo la pevüvütaya; zievo-u mu siedzekesiu zu kekuo la melu, uko zu la kebou bate, uko zu kekuo la pevüvü bate; uko ziemho nu rei kekrü bate, theca khakeshü nu rei uko phi mesüliete.

Isaya 29:10

Jihovae ze pesoukecü ruopfü rupie nieko gei shü; puoe nie mhiko bie kemawa, nie siedzekesiko khawa, mu nie tsüko, siedzekenguko whewatakecü la.

Isaya 30:5

kehoupuorei thenga chüta zotuo, uko la mha kemevi chüshülie kelho kro puo geinu, kemenga mu thenga sie kekhruohi morei kemevi se vorlie kelho kro puokecü la.

Jeremia 10:21

Kekreilamonyü kuopfhekoe mecie mote, mu uko Jihova ketsolie mo; süla uko kruolie mo, tsiu uko kuoko pete cüre tuote.

Jeremia 12:10

Kepfhemia kekra a khubelie pekawate, ukoe a yau kedewate, a ya a keneiu bie perapie khakewa rayha puo chüwate.

Jeremia 16:19

He-i Jihova, a kekuo mu a dahouu, kemezhiekecü ki a keyau, kijü valako nunu seyieko n ki vor di sie; Hie puonuokoe mhapuorei welie mo derei kemeda, puoma kejü vie sügeinu mha kemevi kejü rübei welie.

Jeremia 18:18

Sitse ukoe sie, “Vorlie, uko mharhüpie Jeremia petsou khe, kekreilamonyü kepethadie zievo-u kinu jütalie lho, morei mhakesiu kinu tahitarhokecüu jüta lho, morei siedzekesiu kinu dieu jüta lho. Vorlie, úko theda pie puo dalie khe, sidi puo dieko yopuorei rünyü hie,” sita.

Jeremia 2:11

Seyie puoe puo rhuoko, terhuomia mo shierei bie kediwaya me? Derei a themiako we uko zayieu pie puo kemevi kejü vie puo ze keliliete.

Jeremia 2:6

Ukoe, “Jihova Ijipt kijü nunu u ze parkeshüu, rayha nu, kijükesia mu thekheko nu, kijü keso nu, tsiu kesia khrü nu, miapuorei vo kemo kijü, tsiu miapuorei lhouya kemora u cha tha ze ketuou kirapuo tuota ga?” sikecü rei puya mo,

Jeremia 4:22

“Kekreilamonyü a themiako nyate, ukoe a si mo; ukoe kenya nuonuo, ukoe mhacamhala silieya mo. Ukoe kesuo kechütsa we chü si, derei mha kevi kechü do we si mo.”

Jeremia 5:31

Siedzekesiko ketijü siedzedie pu, mu zievokoe siedzekesiko pukeshü medzi di mha kekha; a themiakoe sikecü u neite, derei nieko puo thela kevor nhie kedipuo chütuo ga?

Jeremia 7:8

Harie, niekoe kemeda die kemevi kejü dieko pele tuote.

Jeremia 9:14

derei uko nou kekhrü la uko puonuoko u pethakeshü mhie u thuo u noudo tsiu Baal siemedzi tuote.

Ezekiel 22:26

Puo zievoko a kepethadieko varhuo mu a vie kemesako perhuwa; uko mha kemesa mu kerhu vieko chü kekreilie mo; morei ukoe mesa siro mesa kemo thashü mo, uko a sabat rhu mo, sidi uko donu a perhuwate.

Ezekiel 34:2

Themiau, Israel kepfheko petsoukecü siedzedie pushücie: Siedzedie pushülie sidi uko kepfheko ki Niepuu Jihovae puya: He-i, nie Israel kepfheko nie thuo nie vachü tuote! Kuopfhemia tekuoko vachükecü mese mo üme?

Hosea 4:6

A themiako kesikele kejü la pekawate; kekreilamonyü no kesikele meliewate, a n bu a la zievo chüketuo meliewatuo. Siro no rei n Kepenuopfü zho-u rükra moketa tuoi, a rei n nuonuoko rükra motatuo.

Habakuk 2:18

Mharhiyakezhau la terhuorhi-e kedipuo mu! mha lhopie rhikelie, kemeda kepetha. Kekreilamonyü süu rhikeshüue puo thuo chükelieu peleya, puo rhikelieue die pulieya kemo miarhi puo zoü rei!

Mathi 16:26

Siro miapuonie kijüu pete peviepie puo vie chülie ürei puo phou pekapejüwa ro kedipuo pralietuo ga? Morei mia puo kedipuo pie puo phousou chülie vituo ga?

LUK THUKESHÜ DIELIEKEVI 11:52

Thezhokepethako, nieko we ce, chülietie! nie mhasi cabiu pielieketa la; nie thuo zorei leya mo, tsiu kekreimia lekezhüko rei khawaya!”

Johan 16:3

Uko mha hako chütuo, ukoe Puou morei a si mocü la zo.

Johan 8:55

nieko thuo puo si mo zo ürei, derei a puo si ba; a puo si mo üta ro, a rei nieko mhiei ketijümia puotatie! Derei a we puo si ba mu a puo die zeya.

Korintmiako Kenieu 4:2

Siro hie keviese ketuo kemenga mhathoko pete khawate; hie kethedo di dosuo chü morei Ukepenuopfü dieu pu kecürüwaya mo; sikecüumonyü hie ketho-u chü meyiemeluo di Ukepenuopfü mhodzü hie thuo hie khapie kehoupuo bu rei u nou puotouu nu tuolieketuo chü tuoya.

Pulakeshüzho 33:10

Ukoe no pethokeshüko pie Jakob pethatuo, mu n zho pie Israel pethatuo, ukoe kethengu pie n mhodzünu shütuo mu n ruosuoba gei mote kethe ruosuo khashütuo.

Samuel Kerieu 12:21

Nieko kemethuo rhuoko sie whuota hie süko mha kevi puorei chüshülie lho morei nie kelashülie lho, sükoe kemethuo zocü la.

Samuel Kerieu 2:12

Siro Eli nuonie ziezhü mothorta; unie gei Jihova rhukecü puorei jüta,