Jeremia 2:5 - Angami Naga CL (Re-edited) Bible (BSI)

⁵ Jihovae puya: Nie puonuoko a gei puotou kemo kikecüpuo ngulie di uko a kinu pecieta, sidi mhathokemo medzi, mu u thuo kemethuo chüta ga?

Jeremia 2:5 Iomraidhean Croise

Kediko Kenieu 17:15

Sidi ukoe puo zhoko, puoe u puonuoko ze dietseidiekhokelieu, mu uko ruo di pethakeshü rütseta. Ukoe ketho kemo terhuorhiko medzi di kekrüta; ukoe uko khieümhou keba seyieko, Jihova uko bu süko mhiekecü chü hienukecüko medzi tuota.

Chieliko 115:8

Süko chükeshükoe süko mhie zo, süko peleyakezha kehoupuorei sümhie zo.

Isaya 29:13

Jihovae sie: Themia hako u tie nu a penuo vorya, mu uko tiepie a rhuya, derei uko nou we a kinu pecie phi, mu uko a rüsuokecü sü pemo seketuo themia die kro puo zo.

Isaya 44:9

Terhuomiarhi chüyakecüko kemethuo phre mu uko mha se u nei bayakezhako puo kemevi jü; uko zhapukoe mha ngu morei si reiya mo. Süla uko pie thenga nu shüwatuo.

Isaya 46:12

A die rünyüliecie, nie nou kekhrüko, nie shüphralieketuo nunu pecie tuoketako;

Jeremia 10:8

Ukoe mecie mo mu kenyamia zo; terhuorhiko kepetha sü sei ki rei suocü zie mo!

Jeremia 12:2

No uko pelhoushü, mu uko u mie krelie; uko memielie di uko si vülie; uko tie nu zo we n penuo tuo, sirei uko melou n ze kepetse phi.

Jeremia 14:22

Seyieko rhuo huo teirü se vorlie vi me? Morei teikoe teirü khashülie vi me? He-i Jihova hie Kepenuopfü, no süu mo üme? Hie hie kemerü pie n gei tuo, kekreilamonyü no mha hako pete chüshüya.

Jeremia 2:31

Siro nieko, he-i themia phou, Jihova die rünyüliecie! Ae Israel mhodzüki rayha puo mhiei, zeibouikecü kijü puo kemhieta zo memu? Kiüdi a themiakoe, “Hie hie medo chülie vite, hie n ki vor salie lhote” iya ga?

Jeremia 2:4

He-i Jakob kinuko, mu Israel kinuko pete, Jihova die rünyüliecie.

Jeremia 8:19

Rünyüshücie, kijü ketsekethou nunu a themiako krakecü pfhe: “Jihova Zion nu ba mote me? Puo kediu puo ze ba mote me?” (“Kiüdi ukoe terhuorhiko, siro seyie kekreimia rhuoko se a nou chü kemeyieya ga?”)

Ezekiel 11:15

Themiau, n siezedzürieko, n se n yiemia, tsiu miadie chü ketuo n zeko, Israel kiu pete, uko pete, Jerusalem nu kelhoumiako “Ukoe Jihova kinu pecie phite; kijü hau u bu wetuo üdi pie u tsüwate,” idi pukeshüko zo.

Ezekiel 14:5

Ae Israel kinuko bu uko melou pete pie a kitsa shü lalieketuo la, uko pete rei u rhuo mirhiko geinu a ze kepecie tuote.

Jona 2:8

Kemethuo miarhi rüsuoyakezhako, u thuo u kemiatho-u khawa.

Mathi 15:8

“ ‘Themia hako u tie se a rhuyakezha zo, derei uko nou we vo ratsa tuo;

Mhakechüko 14:15

“Kezeko, nieko kiüdi hau chüya ga? Hie rei nie kemhie themia ze, mu hienie nie bu mha kemethuo hako nunu rüreise rhei tuoyakezha Ukepenuopfü, tei, kijü, dzükezha mu sünu ketuo pete chükeshüu ki volieketuo la dieliekeviu se kevor zo.

Rommiako 1:21

Uko Ukepenuopfü si ba zorei puo üse Ukepenuopfü üdi puo rhu mo, siro kethezie rei pie puo tsü mo, sikecüumonyü u nouleko kemethuo mu u nouko zeibouite.

Pulakeshüzho 32:21

Uko sü terhuo kemo puo pie a nou vakemeyie mu miarhi se a nou vakerüpeshü. Süla a rei themia kemo kro puo pie uko nou vapesuoshütuo, A seyie kenya kro puo pie uko petsoushütuo.

Samuel Kerieu 12:21

Nieko kemethuo rhuoko sie whuota hie süko mha kevi puorei chüshülie lho morei nie kelashülie lho, sükoe kemethuo zocü la.