Jeremia 2:2 - Angami Naga CL (Re-edited) Bible (BSI)

² Vo di Jerusalem nyieto nu pushülie, Jihovae puya: No n rüüki pecükecüu, yasapfü chü di n kekhrie pie a ketsü, noe kimhie di rayha nu tsia va moluokecü kijü nu, a siemedzilie shicü rükra ba.

Jeremia 2:2 Iomraidhean Croise

Chieliko 129:1

“Uko va kekra a khriesa nunu a re sierte,” Israel bu tsie pulie.

Toukepra 14:31

Israel-e Jihova Ijiptmiako petsou di mhatho kezha chükeshü ngushü, tsiu themiakoe Jihova preilie, siro Jihova mu puo kituou Mosa pelelie.

Toukepra 16:8

Sitse Mosa la sie, “Jihovae thevatie nieko bu cüketuo la, themuo mu khise ro niekhrüda pie nie tsüshü ba, kekreilamonyü Jihovae nieko panya di puo petsou keba site. Hienie sü kedipuo mu? Nieko panya keba ha hienie petsou ba mo derei Jihova petsou ba zo.”

Mhasidie 1:20

Mhasi-e cha nu shiekhoui zo di, ziekeko nunu shiekhoui tuo zo.

Solomon Üzo 3:11

Tuo praliecie. He-i Jerusalem nuopfüko, mehoshücie, kediu Solomon, puo tsüla, puo zuoe puo thenu kelie nhie chükeshüu, puo nou puo neikecü nhie chükeshüu mehoshücie.

Solomon Üzo 3:6

Rayha nunu mikhu co tuoi, mür mu kethengu se puore chü, lhithomia dzie nu ketuo kethengu pete se puore chü kethengu se di, parkezhüu kedipuo ga?

Isaya 58:1

Shiekhouilie, ketheta hie! Ketsü puo tuoi n pfhe piesielie! A themiako ki uko kejo pushülie, Jakob kinumia ki u kephoumako pushülie.

Jeremia 11:6

Sitse Jihovae a ki: Die hako pete pie Juda nadiko, mu Jerusalem chaüko nu pushülie. Dietseidiekhokelie hau dieko rünyülie di süko chüliecie.

Jeremia 19:2

sidi Hinom nuou razha nu Litho Kharuu kele ki kebau nu volie, sidi a n ki pushüketuo dieko pesishülie.

Jeremia 2:1

Jihova die a ki vor di pukecü:

Jeremia 2:6

Ukoe, “Jihova Ijipt kijü nunu u ze parkeshüu, rayha nu, kijükesia mu thekheko nu, kijü keso nu, tsiu kesia khrü nu, miapuorei vo kemo kijü, tsiu miapuorei lhouya kemora u cha tha ze ketuou kirapuo tuota ga?” sikecü rei puya mo,

Jeremia 3:4

No tsie kinu a ki, “A puo, noe a khriesa khrietho-u chü vor zo,

Jeremia 7:2

Jihova kiu care nu thalie, sidi die hau pie shieshülie, sidi sie, Nie Juda peteko, care hako nunu Jihova rüsuotuo üdi leyakezha khe, nie Jihova die rünyüliecie.

Ezekiel 16:22

Siro no kerütsekecü pete nu tsiu n rügerüzhü n medzü teiki, no methuo tsiu n whelie kemo ki, mu n zie nunu no rüzha kezhü rükra mote.

Ezekiel 16:60

sishierei a n khriesarüü ki n ze dietseidiekhokelieu rükrashütuo, mu a n ze kechachie dietseidiekholietuo.

Ezekiel 16:8

Süsie a n pfüthe la vo di n mehoshü ru noe mia ngu n neikecü teiu nu bata, süla a pfhe khoupie n wheshü, di n kemethuo wheshü: A rüse n ki shü, sidi n ze dietseidiekholie, Niepuu Jihovae siya, sidi n pie a vie chüliete.

Ezekiel 23:19

Sishierei hapfüe puo rüü teiko Ijipt kijü nu rügerüzhü tuokecü rükralie, di rügerüzhü miemieta,

Ezekiel 23:3

unie Ijipt nu thethelieya; unie u rüü teiki thethe lie tuota; unie nu mu unie merü mia bu biewa.

Ezekiel 23:8

Hapfüe Ijipt nunu chüyakezha puo rügerüzhüko khawa mo zo; kekreilamonyü puo rüü teiki nu thepfukoe puo ze zhü, tsiu ukoe puo phouse merü bie mu uko chüüphou menguko pie hapfü gei shü.

Hosea 11:1

Israel nhicu baluocü nu, a puo khrie vor, tsiu Ijipt nunu a nuou kielie.

Hosea 2:15

Sidi a sünunu khubelieko pie puo tsütuo, sidi Akhor Razhau chüpie kemerü kenyi kicie puo chüshütuo. Siro thiedzü puo rüü teiki mhie, tsu puoe Ijipt kijü nunu kepar teiki tuoi, sünunu mha putuo.

Hosea 2:17

Kekreilamonyü ae Baal za chüwatuo, sidi süko za pu sa motatuo.

Hosea 2:7

Süpfüe puo neimia sie whuotuo, derei uko tsolie lho; tsiu puoe süko pfhütuo, derei uko ngulie lho. Sitse süpfü sie, “A tuo la se a nupfu kerieu ki votuo, kekreilamonyü süue tsieki rei vikuo zo.”

Hosea 8:1

Ketsü pie n tie nu shülie! Jihova kiu gei chürhaü kemhie puo ba, kekreilamonyü uko a dietseidiekho-u bierhuowate, sidi a zho-u varhuowa.

Hosea 9:10

Rayha nu khubesi tuoi, a Israel ngulie. Chiedebo gei puosi kerieu tuoi, puotei kerie nu, a n puonuoko ngu. Derei ukoe Baal-peor nu vor, sidi uko thuo u khapie thenga vieko chü, sidi kerütsekecü uko neimiako tuoite.

Jona 1:2

“Ninevi rüna kezhau nu mhai voliecie, sidi süu petsoukecü shieshülie, kekreilamonyü uko kerüzhü a mhodzünu khor bate.”

Mathi 11:15

U nyie kenyimia bu rünyüliecie!

LUK THUKESHÜ DIELIEKEVI 12:13

Süsie mia krodiu donu mia puoe sie puo ki, “Kepethau, no a siezeu bu hienie thekau a ze kezalienushücie.”

Pulakeshüzho 2:7

Jihova n Kepenuopfüe n dzie mhatho pete nu japie n tsü; puoe no rayha kezha hau pfüthe kevo ki, cie hiediako nu Jihova n Kepenuopfüe n ze tuo; no mhapuorei tsopfhüta mo.”

Pulakeshüzho 33:3

U we, themia pete donu rei puo khriekepfüu, kemesako pete pie n dzie nu shü; süla ukoe n siemedzi, n kinu chatha ngulie.

Pulakeshüzho 8:2

Mu puoe n chü kerünuoshütuoü mu n dojü tsiu n nou kedipuo ba shikecü sishüketuo la Jihova n Kepenuopfü rayha nu cie hiedia n ze tuokecü no rükra se tuoliecie.

Jakob 4:4

Harie, pieümiako! Kijü hau ze khrietho kechüe Ukepenuopfü ngumvü zo ükecü nieko si mo me? Süla kehoupuorei kijü hau ze khrietho chü ro puo Ukepenuopfü ngumvümia zo.

Pesikeshü 2:4

Derei no n kekhrie therieu khawaketa hau la a n petsouya.