Jeremia 12:3 - Angami Naga CL (Re-edited) Bible (BSI)

³ Derei no we, he-i Jihova, a si ba; No a ngu di a dojüshü, a melou n ze tuo zo. Tekuo dukhrituoü ketuo tuoi uko teshü thalietacie, tsiu dukhriwaketuo nhie la uko shükholietacie.

Jeremia 12:3 Iomraidhean Croise

Kediko Kenieu 20:3

“He-i Jihova, a n ki chaya, a kimhie di a nou ketho se n mhodzünu tuo shicü, mu n mhinguki mezhü ükecüu chü shicü tsie rükrashüyi.” Sidi Hezekia kra phita.

Seyiedze Kerieu 29:17

A Kepenuopfü, no thenouu pfhüya, mu kemezhüu n neiyakecü a si ba, a a nou mezhü di mha hako pete khashüzhie, mu a tsie n themiako, hakiha tha di u nei phi mu khrie mo zo di khakeshü ngute.

JOB LESHÜDAU 23:10

Derei a kevo chau si ba, puo a dojükewa sie a suna tuoi partatuo.

Chieliko 11:5

Jihovae kemiathomia dojüya: sirei puo noue kerüzhü mu zhosuomia u neiyakezhako ngumecüya.

Chieliko 139:23

He-i Kepenuopfü, a pfhü di a nou sishücie; a dojüshücie, sidi a noudoko sishücie;

Chieliko 17:3

No a melou dojüshü liro; no theva vor a meho, morei a nou dojü zorei, mha kesuo ngulie lho zo; a tie bu kephouma chü lhoü pepiliete.

Chieliko 26:1

A yapieshücie, he-i Jihova, ae miacümiatho vor zo: A rünie mo zo di Jihova pele vor zo.

Chieliko 7:9

Kerüzhümia rüzhüu bu puo thela chütacie; sirei kemiathomia we piesieshülie, kemiatho Kepenuopfüe, themia nou mu melou mehoyacü la.

Jeremia 15:15

He-i Jihova, noe si; a rükrashücie di a ki vorcie, sidi a peseyakezhamia gei a khepushücie. No shügeshühiekezha nunu a chüseta hiecümu; n lanu mia a kengakecü siliecümu.

Jeremia 17:16

Derei a we n lietho nu kepfheu chü mo di tatatuoü mo zo, morei a kemeriekecü teisozhau menguta mo. Noe a tie nu kepar-u kedipuo shi si ba, süu n mhodzüki ba zo.

Jeremia 17:18

A pechüyakezhamia bu mengalie, derei a bu we mengata hie; uko bu u shüshütalie, derei a bu we a shüshüta hiecie; kepekau se uko gei vorshücie; tsiu kepeka va kenie de pie uko pekawacie!

Jeremia 20:12

He-i krodiko Jihova, noe kemiathomia dojüya, noe themia melou mu puo kele nguya; a bu uko gei n khepu nguyi, kekreilamonyü no a kitsa thate.

Jeremia 48:15

Moab mu puo rünako pekakewau parte, mu puo khriesa kevithoko kedukhri nu tsute, kediue siya, puo zae krodiko Jihova.

Jeremia 50:27

Puo thudoko pete dukhriwalie, süko bu kedukhri nu votalie. He-i uko la, uko teisozhau vorte, uko siazha nguketuo teisozhau!

Jeremia 51:4

Chaldiamia kijü nunu uko dukhri pie zhüwatuo, mu puo chaü nunu rüzapfü zhütatuo.

Johan 21:17

Puo va seu puo ki, “Johan nuou Simon no a khrieya mo?” Pitor Jisu va se puo ki, “No a khrieya mo?” iketa la puo nousuota. Jisu sie puo ki, “A kuoko vachüliecie.

Jakob 5:5

Nie kijü hau nu lhou ketheguo mu nie nei nie nyüko chüwate; sidi nie nou thuo nie chü peluopie dukhriketuo zhau pfhe bate.

Pitor Kenieu 2:12

Themia hako we mhasi kemo khunuo, lhou sier mia bu u telie di dukhriwayakezha mhie; uko mhadze si kemoko rei tha tuoya, khunuo süko pekacü ki uko sa pekawatuo,