Jeremia 10:4 - Angami Naga CL (Re-edited) Bible (BSI)

⁴ Mia rakachü tsiu suna pie süu dalie; ukoe gojal mu metevü se di zhie kemalie süu bu mele mokelie chülie.

Jeremia 10:4 Iomraidhean Croise

Chieliko 115:4

Sirei uko rhuo we mharhi zo, rakachü mu suna, themia dzie mhatho zo.

Chieliko 135:15

Seyieko rhuo mharhiko sü suna mu rakachü zo; themia dzieü kechü zo.

Isaya 44:12

Rükreiue seidurüko chüya, puoe süu pie mizhü nu shüya, puoe metevü pie ketouya, puo bou kekuou pie rükreiya; puo va merütaya mu puo kekuo jütaya, puo dzü krie mo di phisiataya.

Isaya 46:6

Likhuo nunu suna kha seshü, mu rakachü pie roshükhou nunu mejükeshüko, uko suna rükreimia puo zhakhrülie, puoe terhuo puo chüshü, sidi ukoe tsu süu rüsuoya.

Isaya 46:7

Uko u bouka geinu süu toupie, ukoe puo pie puotha nu shü, sitse süu sünu thata; süu puo tha nunu melelie lho. Mia puoe puo kieshü rei puoe khoüya mo, morei kemezhiekecü nunu miapuorei kelalieya mo.

Hosea 13:2

Siro ukoe phouma zhü zo tsiu uko thuo u la mharhi rhilie, uko thuo u kele se rakachü pie terhuorhiko rhilie, süko pete rükreimia mhatho phre zo. Uko sie, “Ruosuo chüpie hako ki shücie.” Themiako thudonuo mebo!

Habakuk 2:19

Sei üse, “Colie!” tsiu die pulieya kemo ketsie ki, “N thuo sielie!” iyakezhako we ce, chülietie! Süu mia pethalie vi me? Harie, süue suna mu rakachü pie kenhekecü rübei zo, mu uko gei kerhei thesü tuo moto zo.