Jeremia 10:2 - Angami Naga CL (Re-edited) Bible (BSI)

² Jihovae puya: Seyieko zho silietuoü hie, morei teigei zasiko la michieta hie; kekreilamonyü seyiekoe süko la michie baya.

Jeremia 10:2 Iomraidhean Croise

Keriekitho 1:14

Siro Ukepenuopfüe, “Kezieko bu teigei zhalie, süko bu zasiko chü di teiso mu teizei chü kekreishü mu puoteila kekreikecüko, teisozhako mu teicieko teigei nu thashülie,

Jeremia 10:1

Jihovae nie ki kepu die rünyüliecie, he-i Israel kikruu.

Ezekiel 20:32

Kedipuo nie nou ba shi, süu chülie lho; nie lekecü, “Uko seyieko mhielie khe, rünako nu seyieko mhie khe, sidi sei mu ketsie rüsuo khe,” ibaketa mese mo.

Levimiako 18:3

Niekoe lhoukecü Ijipt kijü nu mia kemhie chülie lho, mu ae nie ze vorshü zhükecü Kanan kijü nu mia kemhie chülie lho. Niekoe uko zhoko medzilie lho.

Levimiako 20:23

Mu nieko we, ae nieko mhodzüki nu whuoshükezhü seyieko zhoko nu tuo lho; ukoe mha hako pete chükecü la, mu süla ae uko mecüya.

Pulakeshüzho 18:9

Noe Jihova n Kepenuopfü se n ketsü kijüu nu vorliecü ki, noe seyie süko kerütse mhatho chüyakecüko chüta lho.

Capiko 6:10

tsiu a nieko ki, ‘Ae Jihova nie Kepenuopfü zo, mu nie uko kijü nu keba Amormia rhuoko rüsuo lho,’ si. Derei niekoe a die rünyü mote.”