Puoe sie, “Derei a n ze tuotuo; mu a n ketseshü ücü hau bu n la zasi chütuo; noe Ijipt nunu themiako ze parlie ro, niekoe kijüthou hau geinu Kepenuopfü rüsuotuo.”
No dzü pfü kephi ki, a n ze tuotuo; mu kerüko pfü kephi ki, süko n vuwalie lho; mu no mi nu tuo kephi ki zorei n rielie lho, mu miüu n the pejüwalie lho.
A pfhe rünyüliecie, nie kemiatho siyakecüko, nie a kepethadie nie nou bayakecüko; mia u kerhiekecü prei hiecie, mu mia u kerhiekecü la thedzükouta hie.
Derei Jihova kemerie chü di a ze ba; süla a peseyakezhako phi mesülietuo, mu uko thalie lho. Uko mengadapfü chü lho, kekreilamonyü ukoe kuolie lho. Uko thenga chüketa mhakipuorei kechachie rükra motalie lho.
Kekreilamonyü a n kelashütuo üdi, n ze tuo zo, Jihovae siya; ae n phruopie mia donu keshü seyieko pete peka lotsowatuo, derei a n bu puo thela chütalie lho. Sirei a puotouu se n pethatuo, tsiu n bu siazha ngu mo zo di tuolie lho.
Babilon kediu, nie puo prei bayakezhau prei hie; puo prei hiecie, Jihovae siya, ae nie ze tuo zo, nie shüphrashütuoü, tsiu puo dzie nunu nie kelashütuoü tuo zocü la.
Ukoe Pitor mu Johan unie kethepfu ngushü tsiu unie leshükesimia zo mo siro miaümia zo ükecü silie tse u ngota mu unie hadzü rei Jisu ze tuoya ücü sita.
A n bu meteilie mu thepfulienu die khakeshü rükra zolie! Michie morei n ziejüta hie, kekreilamonyü Jihova n Kepenuopfü, no kehoura vo rei n ze tuo zotuokecü la.”