Jakob 5:16 - Angami Naga CL (Re-edited) Bible (BSI)

¹⁶ Süla nie shürholieketuo la huoniehuo mhodzünu nie kejokemouko phrawalie mu huoniehuo la chaliecie. Kemiathomia kechae kuo phi mu chükhrielieya.

Jakob 5:16 Iomraidhean Croise

Keriekitho 19:29

Derei Ukepenuopfüe Lot kelhou thechü razhau nu, nadinie pekakecü ki, puo Abraham rükralie, sidi kepeka nunu Lot ketsewa.

Keriekitho 20:17

Süsie Abraham-e Ukepenuopfü ki chashü, tsiu Ukepenuopfü Abimelek mu puo kimia siro puo kituopfüko pete chü keshürhoshü; sitse uko u nuonuo nyilie.

Keriekitho 20:7

Tsie no themiau kimia kha lashüwalie, puoe siedzekesimia puocü la, puo n la chashütuo, mu no rheilietuo. Derei no süpfü khashü moro, no mu n themia peteko sia toutaketuo siliecie,” si.

Keriekitho 32:28

Süki puo sie, “N za üse Jakob üdi kie salie lhote, derei Israel ituo; noe Kepenuopfü tsiu themia ze kebie di kuolieketa la.”

Samuel Kenieu 19:19

kediu ki, “A niepuu bu kejo-u pie a gei shü hieyi, morei a niepuu kediu Jerusalem nunu praketa nhie n kituoue mha kesuo chükeshüu no rükra hietayi, kediu bu süu pie puo nou shüse bata hieyi.

Kediko Kerieu 13:6

Sitse kediue Kepenuopfü themiau ki, “Tsie Jihova n Kepenuopfü ki n mezhiemelo di a la chashücie, sidi a dzie bu vi lalieyi.” Sitse Kepenuopfü themiau Jihova ki chashü, sidi kediu dzie chü pevipie hadzü mhiei lashüwa.

Seyiedze Kenieu 30:20

Siru Jihova Hezekia pfhe rünyülie di themiako chü keshürhoshü.

JOB LESHÜDAU 42:8

Süla nieko tsie thudo thenie tsiu tekuochü thenie selie di a kituou Job ki vocie, sidi nie la mha thepie ruosuo puo chüshülie; sitse a kituou Job-e nieko la kecha chüshütuo; kekreilamonyü a puo kecha lielietuo, nie kemelo ki ze a bu nieko gei chüwa molieketuo la; nieko a kituou Job se keba tuoi di mha puotouu pushülie kemo la.”

Chieliko 34:15

Jihova mhi-e kemiathomia gei baya, mu puo nyie süko pfhe rünyü baya zo.

Toukepra 17:11

Mosae puo dzie yhapie ketha ki, Israelko kuolie mu puoe puo dzie pie kerünuoketa ki Amalekko kuota.

Toukepra 9:33

Süla Mosae Faro nadiu nunu prata, di puo dzie yhapie Jihova ki shü; ru teikese tsiu prükekrü khawata, mu teirüpie kijü va sa mota.

Mhasidie 15:29

Jihovae kerüzhümia mhodzüki nu pecie tuote, derei puo kemiathomia kecha rünyüya.

Mhasidie 15:8

Kerüzhümia ruosuoe Jihova mhodzüki kerütse zo, derei kemezhümia kecha puo neiya.

Mhasidie 28:9

Thezho-u rünyü mvü di puo nyie kerei seketamia puo kecha zorei kerütsetaya.

Jeremia 15:1

Süsie Jihovae a ki: Mosa mu Samuel unie thuo a mhodzünu thalie zorei, a nou we themia hako kitsa rürei volie kenjüte. A mhodzü nunu uko ketsewatacie, sidi uko bu tuotalie!

Jeremia 33:3

A kieshücie sitse a n pfhekhoshütuo, sidi no si kemo mha kezha mu mha pekhrepie kebako se n ki pushütuo.

Jeremia 42:2

Jeremia siedzekesiu ki, “Hieko n ki hie mezhiemelokeshü rünyüshüyi, sidi n Kepenuopfü Jihova ki hieko la, lhiekelieko hako la chashüyi, kekreilamonyü kekra nunu hieko mia huoyo lhiekelie zote, n mhi ngukeba mhie.

Nuolhoutsüphrü 11:2

Sitse themiako Mosa ki rükhruoshü; mu Mosae Jihova ki chashü tse miu mheta.

Mathi 21:22

Nieko pelekhru di mhakehoupuorei cha ro ngulie zotuo.”

Mathi 3:6

di u kephouma phralie di puo bu Jordan rü nunu dzülu pie uko tsü.

Mark 1:5

Süki Judia kijü pete nu mu Jerusalemmia pete puo ki pra di u thuo u kephoumako phra phre di Jordan rü nunu dzülupfülie.

LUK THUKESHÜ DIELIEKEVI 9:6

Süsie uko tuo vo di rüna neiüko nu dieliekeviu pie petha mu kechükenyümia rei chü keshürhoshü.

Johan 9:31

Ukepenuopfü kephoumamia pfhe rünyüya mo, derei kehoupuorei puo rüsuo mu puo medo-u chüyakezhamia pfhe rünyüyacü hie si ba.

Mhakechüko 10:38

Süusü Ukepenuopfüe kimhie di Kemesa Ruopfü mu puo kekuo kha puo gei shü di Nazaret Jisu kenhelie shicü dze zo; puo lukihaki vo mha kevi chü mu terhuo kesuoko bu u keyhukezhie ze tuoketa khe chü keshürhoshü, Ukepenuopfü puo ze ketuo la.

Mhakechüko 19:18

Peleketa kekra rei chüwaketa mhathoko phra phreshü.

Mhakechüko 8:24

Sitse Simon sie, “Niepuu ki a la chashücie, sidi nnie kepu mha kesuo hako puo bu rei a gei vor moliecie,” sita.

Rommiako 3:10

süu dze thupie kezhü: “Themia kemiatho jüte, puorei jüte;

Rommiako 5:19

Mia puo dieze chü mokeshü geinu mia kekra chü kephoumakewa mhiei mia puo dieze chükeshü geinu mia kekra bu miatholietuo.

Kolosiko 1:9

Sidi mhaca hau la, hie süu sikelie yawinu, nie la cha petewaya mo, nieko bu ruopfü mu mhacamhala sikelie mhasi neiüko se di Ukepenuopfü medo si toupie nie ketshu chülieketuo la,

Thesaloniako Kerieu 5:17

cha petewa hie,

Thesaloniako Kerieu 5:23

Noune khashüyakezha Ukepenuopfü bu nieko chü kemesa mpouwalie; sidi nie ruopfü, nie kerheiro mu nie mo bu kru phrezhü di u Niepu Jisu Khrista kevor nhie jotalie kelho-u chüliecie.

Thesaloniako Kerieu 5:25

Hie khrieko, hie la cha baliecie.

Ibriko 11:4

Kepele geinu Abel-e Kain ruosuo ki vikuocü chüpie Ukepenuopfü tsülie. Sügeinu puo üse miatho ülie, sidi Ukepenuopfü thuo puo mha khakeshüko puotou ükelie zo; süla puo siata zorei puo kepele süu geinu tsie rei u rüchüya.

Ibriko 11:7

Kepele geinu Noah rei vorketuoko ngu moluocü nu Ukepenuopfüe puo tarhokeshü dieu silie, mu tarhokeshü dieu ze di rou puo chülie, puo kinuko kelalieketuo la; süu geinu puoe kijüu pejowate, mu kepele la puoe kemiatho kayieu chüte.

Ibriko 12:13

mu nie phiyhako chü kemezhüliecie, sitse phiyhoko bu rüyho sa mota di vilietuo.

Ibriko 13:18

Hie la cha ba zolie, hie nouleu mesa zo, mu hie puotei pete nu therhu nunu mhachü nyü tuo zo.

Joshua 10:12

Jihovae kuokelie pie Israelko tsüshü di uko bu Amorko mho kuokelie nhie, Joshuae Jihova rüchü; sidi puoe Israelko mhinguki nu hai di pu: “Niakio, no mele mo di Gibeon nu thatacie; mu Khrüo no rei Aijalon razhau nu thatacie.”

Pitor Kerieu 2:24

Puo thuo krus geinu u kephoumako puo mo geinu toupfüliete, sidi u bu kephouma kitsa u pesiawa mu kemiatho la lhou tuolieketuo la; puo kevüpfüko la nieko chü kemeneliete.

Johan Kerieu 3:22

mu we puo ki mhakehoupuo cha rei ngulieya, we puo diekhakeshüko mu puo neiko chüüzeyacü la.

Samuel Kerieu 1:12

Tsiu puoe Jihova ki cha ba zota mu süki Eli-e puotie meho ba.

Samuel Kerieu 12:17

Thie thoulha lieyie teisozhau mo üme? A Jihova kieshütuo, sitse puoe tei bu se mu rüshü, süze niekoe Jihova ki kedimia puo chakecü puo mhodzünu phoumathorketa silietuo.”

Samuel Kerieu 12:18

Sidi Samuel-e Jihova kieshü, sitse sünhie Jihovae tei bu se mu rüshü, ru themia pete Jihova mu Samuel preipie mhapuochüta.