Jakob 5:10 - Angami Naga CL (Re-edited) Bible (BSI)

¹⁰ A khrieko, Niepuu za se die pu kevor siedzekesiko rei kemezhiekecü nu rei hiepfü thalie üdi thakie puo chükeshü rükrashücie.

Jakob 5:10 Iomraidhean Croise

Seyiedze Kenieu 36:16

Derei uko Jihova chalieko kre, puo dieko rütse, mu puo siedzekesiko zhase zo tha Jihova noupfhüu puo themiako gei vortacü tso, mhachü pevi lakelie ba jü zota kemochie.

Isaya 39:8

Sitse Hezekiae Isaya ki, “Jihova die pukeshüu sü vi zo,” si. Puoe lekecü, “A teiki we kezekevi mu khrukhre di ba zotuo,” ikeba la.

Jeremia 2:30

A n nuonuoko vü thedo chü; uko pethapfülie mvüte. N zhiecha thuo siedzekesiko cülie, losha mha tekecü tuoi.

Jeremia 23:22

Derei ukoe a kepetha nu thalie, sidi a dieko pie a themiako ki pushülie ro, sitse ukoe uko zho kesuo nunu rüreilie, mu uko mhatho kesuoko nunu rüdilie zotuo.

Jeremia 26:16

Sitse kezhako siro themia petekoe sie zievoko mu siedzekesiko ki, “Themia hau bu siaketuo mese mo, puoe úko Kepenuopfü Jihova za nunu úko ki die pushü zocü la,” sita.

LUK THUKESHÜ DIELIEKEVI 13:34

Harie, Jerusalem, Jerusalem, siedzekesiko dukhri mu ketsie pie n ki ketsekeshüko vayakezhapfü! Vükrüe puo nuonuo kekopie puo shü khro shülieyakezha tuoi a va kitsuokidepuo n nuonuoko kie kengulie nyü sie shi, derei no mvüte!

LUK THUKESHÜ DIELIEKEVI 6:23

Nieko sünhie nie neilie mu proushülie, teigei nie zhakhra vi se baketa la; uko puonuoko rei siedzekesiko gei sükemhie chü vor zocü la.

Mhakechüko 3:21

puo mha peteko chü kesa la morokesuo teiu vor kemochie teigei ba morosuo. Ukepenuopfü thiedzütho puo kemesa siedzekesiko tie nunu pushüwate.

Mhakechüko 7:52

Nieko puonuoko siedzekesimia pechüpenyü kemo huo ba üme? Uko thiedzü kemiatho lietho-u vorketuo dze pukeshü Ukepenuopfü dieliemiako dukhri, mu tsie nieko puo sewa mu dukhrikewamia chüte.

Ibriko 13:7

Thiedzü nie krütako, Ukepenuopfü die se nie ki pukeshüko rükrashücie; uko kedipuo mhie di lhou vo tsoshü shicü le di uko kepele dorie lieliecie.

Jakob 4:11

A kezeko, nie huoniehuo tha hie. Kehoupuorei puo zemia tha morei puo zeu le pejo ro, thezho-u tha mu thezho-u pejoya; no thezho-u pejota ro, no thezho-u chüüzeyakezhamia monyü capimiate.

Jakob 5:13

Nie donu miapuonie kemezhie ba me? Sümia bu kecha chülie. Miapuonie u nei ba me? U bu ketshe pfhe chü kelilie.

Jakob 5:7

Süla a khrieko, Niepuu vor kemochie shügeshühie balie. Lieciemia shügeshühiepfü di puo lieyie bu vilieketuo la teirü kerieu mu kenuou pfhe terüpfü baya.

Jakob 5:9

A khrieko, nieko huoniehuo gei panyapara hiecie, sitse nie pejo molietuo. Harie, mia Ketsoketuou kikha ki tha zo!