Jakob 4:11 - Angami Naga CL (Re-edited) Bible (BSI)

¹¹ A kezeko, nie huoniehuo tha hie. Kehoupuorei puo zemia tha morei puo zeu le pejo ro, thezho-u tha mu thezho-u pejoya; no thezho-u pejota ro, no thezho-u chüüzeyakezhamia monyü capimiate.

Jakob 4:11 Iomraidhean Croise

Chieliko 140:11

Mia thayakezhako bu kijü nu uko ba chü hiecie; kesuo kerüzhü bu zhosuoko biekhrüwacie!

LUK THUKESHÜ DIELIEKEVI 6:37

“Nieko mia kejo pfhü hie, siliro mia rei nie kejo pfhülie lho; nieko mia pejo hie, siliro mia rei nie pejolie lho. Nieko mia kejo vawalie, siliro mia rei nie kejo vapie nie tsütuo.

Rommiako 2:1

Süla nie kehoupuorei, mia pejoyakezhau, no mhapuorei pukelie ba jü; no kekreimia le pejo ba ro n thuo n pejo keba zo, no mia pejoyakezhau, no rei sümhie touko chüyakezha la.

Rommiako 2:13

Thezho-u rünyükelie la miapuorei Ukepenuopfü mhodzünu mezhülieya mo, derei thezho-u chüüzeyakezhako rübei mezhülieyakezha zo.

Rommiako 7:7

Siro we kedipuo pu ta? Thezho-u üse kephouma ütuo me? Suotuo! Thezho-u kemosie, a kephoumae kicüpuo shi silie lho. “No mha mehou lho,” ikecü thezho-ue pushü kemosie kemehoue kikecüpuo shi a silie lho.

Korintmiako Kerieu 4:5

Süla puotei kemonu, Niepuu vor kemonu mhapuorei pecapepita hie, süze puo kezei nunu mha kepekhreko mu themia nou nu keviese ketuo nouleko hielapie kezieu nu shütuo. Süzenu kehoupuorei Ukepenuopfü kinu puoe ngulie kezhü zhapu keviu ngulietuo.

Korintmiako Kenieu 12:20

A nie ki vorkecü ki nieko a ngupie nie medo mo mu a rei nieko ngupie a medo moketa prei ba; sita ro kegeikecü, mia ngu u rokecü, noupfhünouyie, kezekesuo, mia thakecü, mia kebekecü, komethuokecü, mu mha kebvükecü hako sierketa prei ba.

Efesako 4:31

Nieko huoniehuo gei nie nei kemo noupfhünouyie, u nei mo khuboukecü, kegeikecü, mia thakecü dieko mu nie nou nu mia ngukemecü pete khawalie.

Timothi Kerieu 3:11

Dikonpfüko rei sümhiei soukecümia, mia thameleyakemomia; menuo mu mha pete nu diethoyakezhamiapfü morosuo.

Timothi Kenieu 3:3

noushünouzhie kejü, mia kejo vakemvü, mia tha mia mele, u kekhalieya kemo, u zho kesuo, mha kevi rütsekecü,

Tita 2:3

Sütuoi ketsapfüko bu rei u zho u rüli nu menuo, mia tha mo morei zu die chüta mo; siro mha kevi pie mia pethakecümia chülie,

Jakob 1:16

A khrieko, mia bu u sewa hiecie.

Jakob 1:19

A khrieko nieko hau siliecie. Themia kehoupuo bu rei rünyü rhürhülie, die pu mhamha hie, u nou meyie mhaita hiecie;

Jakob 1:25

Derei vi tseikecü zho-u, u shüphrakeshü zho-u, meho sei balieyakecümia, rünyüshü di rükra mo latakecüu monyü chüüzelieya, süko u mhatho nu rei thejapfütuo.

Jakob 2:8

Kethodie nu thupie kezhü ngukelie kedi zho-u, “No n siezanuomia khriepie n thuo n kekhrie mhieliecie,” ikecüu dieze chü tseilie ro, no vi zo.

Jakob 5:10

A khrieko, Niepuu za se die pu kevor siedzekesiko rei kemezhiekecü nu rei hiepfü thalie üdi thakie puo chükeshü rükrashücie.

Jakob 5:7

Süla a khrieko, Niepuu vor kemochie shügeshühie balie. Lieciemia shügeshühiepfü di puo lieyie bu vilieketuo la teirü kerieu mu kenuou pfhe terüpfü baya.

Jakob 5:9

A khrieko, nieko huoniehuo gei panyapara hiecie, sitse nie pejo molietuo. Harie, mia Ketsoketuou kikha ki tha zo!

Pitor Kerieu 2:1

Süla nieko thezho kemo neiü mu kedodakecü neiüko, mhatho nu pecülie kemo, mia ngu u rokecü, mu mia thamelekecü pete khawalie.