Jakob 3:17 - Angami Naga CL (Re-edited) Bible (BSI)

¹⁷ Derei peso geinu kevor mhasiu we therieu mesa, süsie kezekevi, u zho kevi, kediezelie kerüü, mia ngumezhie sekecü mu mhatho kevi kra phicü, u nei si krei kemo, morei kethera kemo.

Jakob 3:17 Iomraidhean Croise

Kediko Kerieu 3:12

a n die ki tuoi chüshütuo. Harie, ae mhasi tsiu kesikele nou khashü n tsütuo; süusü n mhodzütsa miapuorei n kemhie tuo mo, morei n sietsa rei miapuorei n kemhie lhou sierlie lho.

Kediko Kerieu 3:28

Sitse Israelmia pete kediu dienya kecükeshü capiu dze silie; sidi ukoe kediu preita, kekreilamonyü ukoe puo dietho tou di capi chülie kevi Ukepenuopfü mhasi tuokecü ngulieketa la.

Kediko Kerieu 3:9

N themiako kekhaketuo la kesikele nou, kevi mu kesuo si kekreilieketuo khapie n kituou tsüshücümu, supuonie n themia krodi haha kekhalie vituo ga?” sishü.

Seyiedze Kerieu 22:12

Jihova bu kesikele mu mhasi se n tsü di, puo Israel pie n pelekeshü ki n bu Jihova n Kepenuopfü zho-u ze tuolie üthienyü.

Seyiedze Kerieu 22:9

Harie, n nuo thepfumia puo penuolietuo; puoe kezekevi themia puo chütuo. A puokhieümhou ketuo ngumvüko kinu kezekevi kha puo tsütuo, puo zae Solomon tuocü la, mu a puo teiki kezekevi mu tshüimhieikecü khapie Israel tsütuo.

JOB LESHÜDAU 28:12

“Derei kirapuo nu mhasi ngulie ta? Tsiu kesikele thau kirapuo ba ga?

JOB LESHÜDAU 28:23

“Ukepenuopfüe süu dze si ba, tsiu süu tha si ba.

JOB LESHÜDAU 28:28

Tsiu puoe mia ki, ‘Harie, Jihova khrüpreikelie, süusü mhasi zo; tsiu mha kesuo therhiekelie-e kesikeleu zo,’ iya.”

Toukepra 36:2

Siro Mosae Bezalel mu Oholiab mu Jihovae mhachü kesi pie u tsükeshü pete, kehoupuorei u nou u hükeshü pete bu vor mhachünu di kieshü.

Mhasidie 2:6

Kekreilamonyü Jihovae mhasi khashüya; puo tie nunu kesikele tsiu puocapuola sikelie parya.

Isaya 2:4

Puoe seyieko donu capi chütuo, mu themia kekra nyie pepituo; siro ukoe uko zhiechako ketsapie kejü chüwatuo, mu rüngouko ketsapie charuo chüwatuo; seyie puoe zhiecha pie seyie kekrei petsou sa motatuo, morei ukoe terhü do chü salie lho.

Isaya 32:6

Kemelomia kerhanyacü die puya mu uko noue mezhü kemo do rhüya: Ukepenuopfü zho kemo chüketuo la, Jihova dze pu kekrüshüketuo la, kemerüko menguu chü molieketuo la, mu keterhüko bu kekrie selie kelho la.

Isaya 40:11

Kuopfheu tuoi puoe puo kuoko vachütuo; tekuonuoko kengupie puo bou nu shülietuo, tsiu puo merü geinu uko pietuo, mu puo krüko menuo di ze tuotuo.

Daniel 1:17

Tsiu Ukepenuopfüe kesikele siro leshü mhasi kehoupuorei silieketuo do keviko se nuo dia hako tsüshü, mu Daniel bu ziemho tsiu u mho pete ca silie kevi pie tsüshü.

Malaki 2:9

süla a nie bu themia peteko mhodzü rütsekecü mu zhasekepfümia chüwate, sümho rei nieko a zhoko se balie mo derei nie chatha khakeshüko nu nie nei si kreite.

Malaki 3:3

puoe mhachü kemesakecüu mu rakachü chü kemesakecü puo tuoi balietuo, sidi puoe Levi nuosenuoyieko chü kemesalietuo, tsiu uko chü kemesapie suna mu rakachü tuoilietuo, ukoe kemiatho nunu ruosuo chüpie Jihova ki shülie kemochie.

Mathi 23:28

Süsütuoi chazoutsa we mia bu nie ngu kemiatho, derei nie nutsa we ketherakecü mu kejokemou thuo tshupfü tuoya.

Mathi 5:8

“U nou kemesako thejakepfütho, kekreilamonyü süko Ukepenuopfü ngu zotuokecü la.

Mathi 5:9

“Vitho la mhachüyakezhako thejakepfütho, kekreilamonyü süko üse Ukepenuopfü nuonuo üdi kie zotuokecü la.

LUK THUKESHÜ DIELIEKEVI 21:15

kekreilamonyü ngumvümia bu nie mese chülie kelho morei nie prülilie kelho dieko mu mhasi a thuo pie nie tsü zotuo.

LUK THUKESHÜ DIELIEKEVI 6:36

Nieko Puou mia ngumezhieyakezha tuoi nie rei mia ngumezhieliecie.

Johan 1:14

Siro Dieu chüüphou mevi vor hie donu lhou, mu hie puo zayieu, ngukemezhie mu ketho bu tshukepfü, puo nuo pfuliu zo ükecü zayieu ngu.

Johan 1:47

Sitse Jisu Nathaniel puo ki vorkezhü ngu tse puo dze pu di, “Haki Israelmia ketho, mha kese puorei puo gei tuo kemo puo vorzhie.”

Mhakechüko 11:24

Puo themia kemezhü puo, Kemesa Ruopfü, mu kepele puo tshupfü di mia kekra ze Niepuu ki vorlie.

Mhakechüko 9:36

Siro Jopa nu Tabitha ükecü pethakeliemiapfü puo baya, Grik die nu puo za Dorka. Süpfü mha kevi kechü mu methuo mha pie mia ketsü nu chüsechüya.

Rommiako 12:18

Nie chülie kevi chie mia pete ze kezevi di lhou balie.

Rommiako 12:9

Kethera mo di mia khrielie; mha kesuo rütselie, mha keviu rüyalie;

Rommiako 15:14

Siro a siezedzürieko, nieko mha kevi pie nie ketshu chüketuo, mhakesi neiüko se nie ketshu chükepfü, mu huoniehuo tarholie vi keba, nie gei a kethepfu nyi.

Korintmiako Kerieu 12:8

Sidi Ruopfü süu geinu mhasi se huomia tsü, mu Ruopfü süu geinu mha kesikele die se huomia tsü.

Korintmiako Kenieu 10:1

A Paul, Khrista zho kevi mu puo nou menekecüu geinu nieko ki chaya, mhotsou nie ze kesekelie ki a rünuoya, derei nie ze ba moketa ki nie gei a die kuo phitaya!

Korintmiako Kenieu 6:6

kemesa kelhou nu, mhacamhala kesi, shügeshühiekecü, tseiüvikecü, Kemesa Ruopfü nu rei, kekhrie ketho nu,

Korintmiako Kenieu 7:11

Kekreilamonyü nousuo hau ze Ukepenuopfü nie gei kidepuo chüshüte shicü, nie bu kidepuorei mhale pesoulie shi, kiderei nie nou rüpelie shi, kiderei nie kedeshü shi, kiderei nie mia mengulie shi; kiderei nie rhiechülie shi, kiderei nie bu kemezhielie shicü leshücie! Nie mha hako pete nu rei nie thuo nie ü jota mo ücü thashüta zo.

Korintmiako Kenieu 9:10

Siro cieketuo la tsia mu kecüca la niekhrüda khashüyakezhau nie bu cielieketuo la tsia khashü mu chü pekrashütuo sidi nie kemiatho lieyieu bu kralietuo.

Efesako 5:9

kekreilamonyü kevi mu kemezhü tsiu ketho pete nu kezieu si ngulieyacü la.

Filipiko 1:11

tsiu Jisu Khrista geinu voryakezha kemiatho siu bu nie tshulie di Ukepenuopfü bu thetshe mu zayie chülieketuou zo.

Filipiko 4:8

Thela nu, a khrieko, mhakehoupuorei ketho ücüko, mhakehoupuorei therhu ücüko, mhakehoupuorei mezhü ücüko, mhakehoupuorei mesa ücüko, mhakehoupuorei u nei ücüko, mhakehoupuorei pu pevilie keviko, mu vi rükrü zocüko mu tshelie kevi huo nyi üro, süko le ba zoliecie.

Kolosiko 1:10

sitse nie Niepuu nei chü di lhoulie, puo nei puo medoko chü tseiütsolietuo, tsiu nie bu mhatho kevi neiüko nu nie si rüchülie mu Ukepenuopfü mhasi dzetsa vi kehielietuo.

Thesaloniako Kerieu 2:7

süu hie rei Khrista apostelko tuoi nie ki mha chalie vi zo ürei. Derei hie nie donu keba ki menenuoi miazuonuoe u nuonuoko ketheke tuoishü zo.

Timothi Kerieu 5:21

A n bu mhasi kemecie kemonu mia lepesuo di mhachüta molieketuo la Ukepenuopfü mu Khrista Jisu siro teigeidielie kedakelieko mhodzünu a die haha khashüzhü ho, miapuorei yapie pekrei mo di hako chücie.

Timothi Kenieu 2:24

Niepuu liethomia keprüli suo, derei kehoupuo gei rei tseiüvi, mia petha si mu shügeshühielie,

Tita 1:15

Kemesako la we mha pete mesa, derei rhuketako tsiu pele kemoko la we mhapuorei kemesa jü. Süko we u nou mu kelekemedoko rei rhu phrete.

Tita 3:2

tsiu u bu mia dze kesuo puorei pu hie, keprüli hie, huoniehuo gei u zho mene, mu mia pete gei vilie.

Ibriko 12:11

Pethayakezha khe tseki we u neikelieu monyü u thepesuokeshü mhietaya, derei sidi pethapfülieketako kenuotsa süu la kemiatho kelhou si thenou kemene parlieya.

Ibriko 12:14

Themia kehoupuorei ze kezevituoü pfhü zolie, mu mesa zolie, si moliro Niepuu ngulie lho zo.

Jakob 1:17

Mephruomevuoi di khakeshü, mu vi tseikecü mhaphruoko pesogei kezieko Puou kinu ker phreya, puo zowe u khrü kemhiei rüdirüliya mo.

Jakob 1:5

Nie kehoupuorei mhasi jü ro, puo bu mephruomevuoi mu panya mo zo di pie mia tsüyakezhau Ukepenuopfü ki chaliecie.

Jakob 2:13

Derei mia ngumezhieya kemomia we ngumezhie mo di puo nyie kecütuo, sirei ngukemezhie-e dienya nu kuolietuo.

Jakob 2:4

nie thuo nie donu themia kho kekrei mu nie nou puotou mo di capi chüta mo üme?

Jakob 3:15

Sikecü mhasi we teigei nu vor mo, derei kijü hanu vie zo, süu chüüphou mu terhuokesuou kitsa nu zo.

Jakob 4:8

Nieko Ukepenuopfü penuo volie, sitse puo rei nie penuo vorlietuo. Nie dzie chü kemesalie, nie kephoumako, mu nie nou chü kemesalie, nie nou kenieko.

Pitor Kerieu 1:22

Tsie nie ketho-u dieze chükelie geinu nie ruopfü chü kemesaliete, nie donu kekhrie ketho-u bu balieketuo la, nie nou nu nie thochü di huoniehuo khrielie.

Pitor Kerieu 2:1

Süla nieko thezho kemo neiü mu kedodakecü neiüko, mhatho nu pecülie kemo, mia ngu u rokecü, mu mia thamelekecü pete khawalie.

Pitor Kerieu 2:18

Kediemiako, nie niepumiako rhu di dieze chü tseilie, u zho keviko rübei monyü u zho kesuomia die rei zelie.

Johan Kerieu 3:18

A nuonuoko, u pfhe u die nunu zomonyü mhatho mu ketho-u nunu huoniehuo khrielie khe.

Johan Kerieu 3:3

Mu kehoupuorei kemerü hau pie puo gei kebamia puo mesakecü tuoi u thuo u chü kemesalieya.