Jakob 3:14 - Angami Naga CL (Re-edited) Bible (BSI)

¹⁴ Derei mia ngu nie ro sekecü mu kengukemvü nie nou ba ro, nie mhasiu se kemelha di ketho-u se kecürü hie.

Jakob 3:14 Iomraidhean Croise

Keriekitho 37:11

Süsie puo dzürieko puo ngu u rota; derei puo puo we süu se puo nou tuota.

Keriekitho 38:9

Derei Onan-e puo yieu puo vielie lhokecü si, süla puo puo dzürieu kimia ki vocü ki puo phoudzüu vapie kijü shüwa, puotsiau khapie puo dzürieu tsüwa moketuo la.

Kediko Kenieu 10:16

Tsiu puoe sie, “A ze vorliecie, sidi Jihova la a shürhei kidepuo ba shiü, mehoshücie,” sita. Sidi puo bu Jehu kierbagei gei vota.

Kediko Kenieu 10:31

Derei Jehue puo nou pete se Jihova Israel Kepenuopfü zho nu tuo volie mota; puoe Jeroboam kephouma nu, Israel chü kephoumakewau therhielie mokecü la.

JOB LESHÜDAU 5:2

Ketho zo, u nei kemoe mhasikemomia biekhriwaya, tsiu miangu u rokecüe mhalekemomia dukhriwaya.

Mhasidie 14:30

Thenou menekecüe uchü umo kerheiro zo, derei mia ngu u rokecüe uruko bu cietaya.

Mhasidie 27:4

Noupfhüe puo zho suo, mu nouyie-e kemerie; derei supuonie mia ngu u rokecü mhodzü thalie ta?

Isaya 11:13

Efraim mia ngu puo rokecüu ba motatuo, Juda kemhimvükecüu dathewatuo; Efraim-e Juda ngu puo ro motatuo, mu Judae Efraim ngumvü motatuo.

Habakuk 1:3

Kiüdi no a bu kekrükecüko ngu, tsiu kemezhiekecüko mehokecü chüshü ga? Kepeka mu mha kesuo a mhodzünu bate; kegeikecü mu keprülikecü sierte.

Mathi 27:18

Kekreilamonyü uko puo ngu u rokecü la puo khapie sünu shü zokecü puo si keba la.

Johan 16:2

Mia sinagogko nunu nieko whuowatuo. Ketho zo, nie dukhrikecümia kehoupuorei ue Ukepenuopfü ki keshü lietho puo chü ba zo ükecü kele tei puo vortuo.

Mhakechüko 13:45

Derei Judakoe krodiu ngu tse uko rota, mu uko diepfhüdierhu pu di Paul diepuko rei petsoukecü puta.

Mhakechüko 26:9

“Ketho, a thuo zorei mha kekra nu Nazaret Jisu petsou sie zo.

Mhakechüko 5:17

Süki zievokezhatho-u mhatho chü sieta; puo mu puo ze ketuo pete (süko Sadukiko kro-u zo) u ro se sie di

Mhakechüko 7:9

“U puotsanuoko, Josef ngu u rota di puo zepie Ijipt nu shüwa; derei Ukepenuopfüe puo ze tuo,

Rommiako 1:29

Uko kerüzhü noule neiü se u tshupfü tuote, mha kesuo, kemehou, kethakecü, mia ngu u rokecü tshukepfü, mia kedukhri, kegeikecü, mia sekedakecü, kedovikecü, sieü kechü,

Rommiako 13:13

teiso gei tuoi úko lhou menuolie khe, kerüyo tsiu mezemelu, mha kesuo morei unei unyü chü, kegeikecü mu mia ngu u rokecüko chü molie khe.

Rommiako 2:17

Derei nie thuo nie üse Judamia üya mu thezho-u gei tha di Ukepenuopfü n ze keperokecü la kemholie,

Rommiako 2:8

derei kehoupuorei u thuo u zhazhü le mu ketho-u dieze chü mo di kerüzhü chüyakezhamia gei puo noupfhü rushütuo.

Korintmiako Kerieu 13:4

Kekhrie-e shügeshühielieya; kekhrie-e mia ngumezhieya; kekhrie-e mia ngu puo roya mo, kemelha, morei komethuo tuoya mo,

Korintmiako Kerieu 3:3

nieko chüüphou kitsa ba zocü la. Nieko huoniehuo ngu nie ro tsiu huoniehuo ze kegei ba zocü, nieko chüüphou kitsa, mu themia zhorüli se lhou baya mo üme?

Korintmiako Kerieu 5:2

Nieko kokhubou ba ze! Nieko süu la thekrü chü mo, nieko kro-u nunu haicümia whuokewa mese mo üme?

Korintmiako Kerieu 5:6

Nieko kemelha kebau mha kevi mo. Khrei keduo yopuo la niekhrüda date bu poulieyakezha nieko si mo me?

Korintmiako Kenieu 12:20

A nie ki vorkecü ki nieko a ngupie nie medo mo mu a rei nieko ngupie a medo moketa prei ba; sita ro kegeikecü, mia ngu u rokecü, noupfhünouyie, kezekesuo, mia thakecü, mia kebekecü, komethuokecü, mu mha kebvükecü hako sierketa prei ba.

Galatiako 5:15

Sirei nieko kemeki ketecü ba zo üro nieko huoniehuo pekawa molieketuo la menuoliecie.

Galatiako 5:20

terhuorhi kerüsuo, themoukecü, kengukemvü, kegeikecü, mia ngu u rokecü, noupfhünouyie, kemeükecü, kediekrei, u rüla kreikecü,

Galatiako 5:21

mha kemehou, mezemelukecü, meze di kethenga si kemo, mu sükemhie kekrei rei sa. A thiedzü nieko ki pukeshü tuoi pu lashüya: Kehoupuorei sikecü chüyakezhamia Ukepenuopfü kedi wekelie jü.

Galatiako 5:26

We komethuo di huoniehuo nei kemo chü, mia bu u ki vi nyü mo idi huoniehuo ngu u ro molie khe.

Galatiako 6:13

U zhürelieketako thuo rei thezho-u zeya mo, derei ukoe nie chüu la kemiako nyü di nie bu zhürelienuya.

Filipiko 1:15

Themia huo mia ngu u ro mu mia petsoukecü nou se Khrista pu petha tuoya, derei kekreiko we u noule kemezhü nunu siya.

Filipiko 2:3

Nie thuo nie zhazhü kele mu komethuokecü nunu mhapuorei chü hie, derei nie chü kerünuolie di kekreimia üse nie ki vikuoü zoliecie.

Timothi Kerieu 2:4

puo medoe themia pete bu kelalie mu ketho mhasiu nu vorlieketuou zo.

Timothi Kerieu 6:4

mhapuorei si mo zorei komethuo tuoya, siro kenyamia mhie di mha ketso mu die neiü se mia ze keprüli tuoya. Haicü nunu mia ngu u rokecü, kegeikecü, kethakecü, mia lekepesuo parya,

Tita 3:3

We rei thiedzü mhale mo, mia die ze mo, cha vajopfü, u menguko mu u nei u nyü kekra die chü vor, sidi mha kemehou mu mha kesuo nu u tei pevo, mia rütse, tsiu huoniehuo ngumvü vor.

Jakob 1:18

Puo thuo puo medo nunu ketho dieu se u chü u rhi parlie, sidi u bu puoe pelhoukeshü pete si kerieu chülie.

Jakob 3:16

Mia ngu u ro tsiu kengukemvü kebara, kebvükecü mu mha kesuo neiü bayacü la.

Jakob 5:19

A siezedzürieko, nieko donu huomia ketho-u therhieta di yo tuota, sidi huomia puo nou chü kedi lalie ro,