Jakob 3:10 - Angami Naga CL (Re-edited) Bible (BSI)

¹⁰ Tie puo nunu japie mia ketsü mu mia rüsekecü rei parya. A kezeko, hau hi zhü mo zo.

Jakob 3:10 Iomraidhean Croise

Keriekitho 20:9

Süsie Abimelek Abraham kielie di sie puo ki, “No hieko gei kedipuo chüshü ga? Mu a n gei kephouma kicüpuo chüwa üdi, no a mu a kedirüvie nu kephouma kezha haicü se vorshü ga? No a gei chü zhü kemo mhathoko chüshüte.”

Samuel Kenieu 13:12

Sitse hapfü puo die kela di, “Molie a prüu, no a kemvü chü hiecie; kekreilamonyü mha sikecü Israel donu chü mo zoluo; mha kesuo haicü chü suo zo!

Mika 3:11

Sünu kezhako theso lie di capi chüya, puo zievoko puo zha lietuoü pethaya, puo siedzekesiko raka la die puya; sishierei uko Jihova ki pu di, “Jihova u ze ba ketho zo! mha kesuo puorei u gei vorlie lho,” siya.

Rommiako 12:14

Japie nie pechüpenyükezhako tsülie; mia rüse monyü japie mia tsülie.

Korintmiako Kerieu 3:3

nieko chüüphou kitsa ba zocü la. Nieko huoniehuo ngu nie ro tsiu huoniehuo ze kegei ba zocü, nieko chüüphou kitsa, mu themia zhorüli se lhou baya mo üme?

Timothi Kerieu 5:13

Süsie rei ukoe mhachü kemecüdo si di kiü nu whi tuotatuo, siro mhachü mecüketa zo moü sieüsielu chü kho mu ke di pu zhü kemoko pu tuotatuo.

Jakob 1:16

A khrieko, mia bu u sewa hiecie.

Jakob 1:19

A khrieko nieko hau siliecie. Themia kehoupuo bu rei rünyü rhürhülie, die pu mhamha hie, u nou meyie mhaita hiecie;

Jakob 3:1

A siezedzürieko, nie mia kekra kepetha chüta hie, we mia kepetha chüyakezhako kekreimia ki rei u ketso menuokuoketuo nie si ba zocü la.

Jakob 3:11

Dzüluoki puo nunu dzü krie kevi rei mu kepfhü rei parlieya me?

Jakob 3:9

We süu se Niepuu mu u Puou thezieya tsiu we süu se Ukepenuopfü rhi nunu chükelie themia rei rüsetaya.

Pitor Kerieu 3:9

Mha kesuo pie kesuo pu chü hie, mia nie zhase rei mia zhase la hie, sikecüumonyü japie sümia tsülie. Kekreilamonyü nie bu situo üdi nie kielie, silie ro nie theja kayie ngutuo.