Jakob 2:8 - Angami Naga CL (Re-edited) Bible (BSI)

⁸ Kethodie nu thupie kezhü ngukelie kedi zho-u, “No n siezanuomia khriepie n thuo n kekhrie mhieliecie,” ikecüu dieze chü tseilie ro, no vi zo.

Jakob 2:8 Iomraidhean Croise

Kediko Kerieu 8:18

Derei Jihova sü a puo David ki, ‘Noe n nou nu ki puo chüpie a za nu shütuoü le tuoya, no n nou le tuoyakezha süusü vi zo;

Kediko Kenieu 7:9

Süsie ukoe sie huoniehuo üse, “Úko chü kebau puotou mote. Thie ha dieliekevi teisozha; mhanuü úko kemekrie di khise teikezie pfheta ro, kejo úko gei pfütuo; süla úko vo di kediu kinumiako ki pu khe,” sita.

Levimiako 19:18

Nie nie khepu morei nie themia nuonuoko gei rünou kemo chü lho, derei nie zanuou khriepie nie thuo nie kekhrie mhietuo: Ae Jihova zo.

Levimiako 19:34

Solhimia nie ze rüna chü kebau pie nie mhodzüki khenu kelhoumia tuoi zolie. Mu nie puo khriepie nie thuo nie kekhrie mhielie; nie Ijipt kijü nu solhimia chükecü la: Ae Jihova nie Kepenuopfü zo.

Jona 4:4

Sitse Jihova sie, “No n nei mokecü mese üba me?”

Jona 4:9

Derei Kepenuopfüe sie Jona ki, “No nhabo-u la n nei moketa mese üme?” Sitse puo sie, “U we, a nei mo pie sia rei nyüta zo.”

Mathi 22:39

Siro kenieu ro: ‘N siezanuomia khriepie n thuo n kekhrie mhietuo,’ isikecüu zo.

Mathi 25:21

Sitse puo niepuu sie, ‘Siyazemu, no kituo kevi kedietho-u; no mha keduoyo gei rei dietho baliete, a n bu mha kekra mhokezha chütuo; vor n niepuu ze n nei batalie.’

Mathi 25:23

Sitse puo niepuu puo ki, ‘Siyazemu, kituo kevi kedietho-u; no mha keduoyo gei rei dietho baliete, a n bu mha kekra mhokezha chütuo; vor n niepuu ze n nei batalie.’

Mathi 7:12

“Süla mia nie gei kedipuo chüshü ro nie nei shiü nie rei mia gei sükemhie chüliecie; kekreilamonyü thezho-u mu siedzekesiko sü hauha zocü la.

Rommiako 13:10

Kekhrie-e puo siezanuomia gei mha kesuo puorei chüya mo; süla kekhrie-e thezho-u chü tseishüya.

Galatiako 5:14

Kekreilamonyü thezho peteu dieca puo nu tseilie, “N zanuomia khriepie n thuo n kekhrie mhietuo,” icüu zo.

Galatiako 6:2

Nieko kekhoyalie, di Khrista zho-u chü tseilie.

Filipiko 4:14

Puoü ba rei, nieko a mezhieu keza pfükelie la nieko pezie ho.

Thesaloniako Kerieu 4:9

Siro siezedzürie huoniehuo khriekecü dze we hie bu thupie nie tsü mo rei vi, kekreilamonyü Ukepenuopfü thuo nie bu huoniehuo khrielieketuo pie nie pethashüwate.

Jakob 1:25

Derei vi tseikecü zho-u, u shüphrakeshü zho-u, meho sei balieyakecümia, rünyüshü di rükra mo latakecüu monyü chüüzelieya, süko u mhatho nu rei thejapfütuo.

Jakob 2:12

Süla u shüphrakeshü zho-u bu u capi chüketuo le di die pu mu mhachü zoliecie.

Jakob 2:19

No rei Ukepenuopfü puo ba zo ücü peleya; süu vi zo. Terhuokesuoko rei süu peleya mu michie di pe baya.

Jakob 4:11

A kezeko, nie huoniehuo tha hie. Kehoupuorei puo zemia tha morei puo zeu le pejo ro, thezho-u tha mu thezho-u pejoya; no thezho-u pejota ro, no thezho-u chüüzeyakezhamia monyü capimiate.

Pitor Kerieu 2:9

Derei nieko zowe kedakelie seyie, kedi zievo, kemesa seyie, Ukepenuopfü vieketa themia zo, süusü kezei nunu nieko kiepie puo kezie u ngo phi zocüu nu shülieketau mhatho kevi kezhako pupie mia pesilieketuo la zo.