Jakob 2:5 - Angami Naga CL (Re-edited) Bible (BSI)

⁵ A khrieko, rünyüliecie. Ukepenuopfüe kijü hanu mhakejüko kedapie uko bu kepeletsa mhakenyimia mu puo khrieyakezhako la phrapie kezhü kedirüvieu kayiemia chülieta mo üme?

Jakob 2:5 Iomraidhean Croise

Kediko Kerieu 22:28

Siru Mikaiae sie, “Mhanuü no vi di la vor üliro Jihova a ki die pushü mo ho,” sita. Süsie puoe sie, “Nieko pete, rünyüliecie!”

JOB LESHÜDAU 34:10

“Süla a pfhe rünyüliecie; nie mhacamhala siyakezhako, Ukepenuopfüe kerüzhü mhatho chülie kenjü, mu Kuokejokejüu mha kesuo chülie kenjü zo.

JOB LESHÜDAU 34:19

mu pehüko gei puo nei si kreiya kemo-u, morei kejümia ki rei kenyimia khrie kreitaya kemo-u ki, sikecü pulie vi ta? Uko pete rei puo dzie mhatho phre zocü la.

JOB LESHÜDAU 38:14

Süu zasiu khro rügau tuoi rüdite; tsiu sükoe pfhe thikewa tuoite.

Toukepra 20:6

derei a khrie mu a diekhakeshüko zeyakezhamia gei we rüdi kemo kekhrie pie thephou thenyie ketso rei pekieshüya.

Mhasidie 13:7

Mia puoe kenyi khrava baya, derei mhapuorei baya mo, kekrei puoe kejü khrava ba, derei kinyi kekra baya.

Mhasidie 7:24

Süla harie, a nuonuoko, tsie a pfhe rünyüliecie, sidi a tie nu dieko ze menuoliecie.

Mhasidie 8:32

“Süla a nuonuoko, tsie a pfhe rünyüliecie; kekreilamonyü a zho zeyakezhamia thejapfülieya.

Isaya 14:32

Kedipuo se seyieu dielieko die kelashü ta? “Jihovae Zion piesieshüte, mu puo themia donu ketsopfhüko puo geinu u keya ngulietuo.”

Isaya 29:19

U zho kemenekoe Jihova geinu u kenei kesa ngulietuo, mu ketsopfhümia rei Israel Kemesau geinu u nei phituo.

Zefania 3:12

Kekreilamonyü a n donu rünuo, tsiu menekecümia khashütuo. Ukoe Jihova za nunu rüzhükelie pfhütuo.

Zekaria 11:11

Sünhie süu rhüwa, mu a meho ketha tekuo lhikechüko, süu Jihova die ücü silie.

Zekaria 11:7

Süla a tekuo lhi chüyakezhako sou nu, dukhriwatuo ükezha tekuokro-u kepfhe chüte. A kethe kenie selie, puo za thopie Keneiu chü, kekreiu za pie Kezepuokechü üdi kie, sidi a tekuo vachü.

Mathi 11:5

Mhiciemia mha ngulie bate, phiyhomia chatuolie bate, mpa kechüko chü kemesalie bate, nyievümia mhapfhe silie bate, kesiamia rhei lalie bate, tsiu dieliekeviu pupie kejümia kieshü bate.

Mathi 25:34

Süki kediu puo zatsa kethako üse, ‘A Puo japie nieko ketsüko, vorliecie, sidi kijüu chülie tsenu nie la kesepie baketa kedirüvieu weliecie;

Mathi 5:3

“Ruopfü kitsa ketsopfhüko thejakepfütho, kekreilamonyü teigei kedi süko vie zokecü la.

Mark 7:14

Süsie puo themia krodiu kie lalie di sie, “Nieko pete a die rünyülie di siliecie.

LUK THUKESHÜ DIELIEKEVI 12:21

Süla kehoupuorei Ukepenuopfü kitsa mhakenyi le mo di u thuo u kinyi kenguyakezhamia sümhie zotuo.”

LUK THUKESHÜ DIELIEKEVI 12:32

“Michiepie hiecie, nie themia ketsa kro-u, kekreilamonyü nie Puou puo kedi khapie nie tsütuo ükecü puo nei puo medote.

LUK THUKESHÜ DIELIEKEVI 16:22

Sitse mhakejüu siata mu teigeidielieko puo pie vo Abraham merü gei bawa. Siro kenyiu rei siata di khruwa.

LUK THUKESHÜ DIELIEKEVI 16:25

Derei Abraham sie, ‘A nuo n thuo rei rükrashücie, no n kerhei ki mha kevi khe nguwate, sirei Lazar we mha kesuo kheko ngu, derei tsie we puoe puo nouluo, mu no we kemezhie bate.

LUK THUKESHÜ DIELIEKEVI 22:29

süla a Puou kedi khapie a ketsü tuoi a rei süu pie nieko tsütuo,

LUK THUKESHÜ DIELIEKEVI 6:20

Süsie puo tosie pethakelieko meho di pukeshü: “Nie mhakejüko thejakepfütho, Ukepenuopfü kedi nieko vie zokecü la.

Johan 7:48

Kezhako morei Farisiko huomia puo peleta ümha me?

Mhakechüko 7:2

Stefan sie: “A kezeko mu a puonuoko, a die rünyüshücie. Zayie Kepenuopfü u puotsau Abraham vo Haran nu kelhou mhodzü Mesopotami-a nunu puo pengushü,

Rommiako 8:17

siro we puo nuonuota ro, puo kayieko reita zo, Ukepenuopfü kayieko mu Khrista ze karheko zo; we puo ze kemezhielie ro, puo ze zayie chü phretuo.

Korintmiako Kerieu 2:9

Derei süusü thupie kezhü, “Umhi pie ngulie kemo, mu u nyie pie rünyülie kemo, morei themia melou nu silie kemo, Ukepenuopfü sikecüko puo khrieyakezhako la kesepie tuote.”

Korintmiako Kenieu 4:15

Uzo, mha pete nieko la chüketuo zo, derei themia kekra bu ngukemezhie ngulie di süu chü pekrapie mia bu zayie kechü Ukepenuopfü tshe kechü salieketuo la zo.

Korintmiako Kenieu 6:10

Mia hie nou chü pesuo phi, derei hie nei sei tuoya; hieü kejümiaü, derei hie mia kekra chü penyishü; hieü mhapuorei bakemomiaü; derei mha pete hie vie zo.

Korintmiako Kenieu 8:9

Niekoe u Niepuu Jisu Khrista mia ngumezhie phikecü sikecü la, puo mhanyi phi ürei, nie la puo mhakejümia chü, sidi puo mhajükeshü la nie chü penyishü.

Efesako 1:18

sitse nie melou mhiko chü pezielietuo, sidi nieko bu nie kiekelie kemerüu, puo kayie vi zapuzayie kechü kezha kemesako donu keba kikecüpuo shicü silietuo,

Efesako 3:8

Kemesako donu kecütho-u zorei, ngukemezhie hau khapie a tsü di a bu dieliekeviu pie Judakemoko ki, si ketsolie kelho Khrista kinyiko dze punu,

Thesaloniako Kerieu 2:12

süu hie nie ki cha beiya, nie bu lielie kesü kelhou lhoulienu di Ukepenuopfüe nie kiepie puo kedi tsiu zayieu nu shülieketa la, hie nie tarho mu nie chü kethepfushüya.

Thesaloniako Kenieu 1:5

Haue Ukepenuopfü capi kechü ketho zo ücü thashü, mu nie Ukepenuopfü kedi themia chülie kesü chülieketuo la kemezhiekezha zo.

Timothi Kerieu 6:18

Uko bu mha kevi chülie, mhatho kevi bu kra philie, mephruomevuo zolie, mha pie mia tsü mia za nyü sieilienushücie,

Timothi Kenieu 4:18

Niepuu thuo a pie teigei kedi nu shülieketuo la a petsoukezha mha kesuo pete nunu a kelashütuo. Puo bu telhekechachie zayieu chüliecie! Amen.

Timothi Kenieu 4:8

Tsie yawinu kemiatho tsüreu a la khapie zhüwate, süu kemiatho capiu, Niepuu thuo teisozha sünhie pie a tsütuo, mu pie a rübei zomonyü puo kevor mengu keba pete tsü phretuo.

Ibriko 11:26

Puo Ijipt kinyiko pete ki rei Khrista la thetha pfükeshü we puoma rekuo ücü leta, puoe thiesie zhakhrau meho tuoketa la.

Jakob 1:12

Dophi nu rei shügeshühie thalieyakezhamia thejakepfütho. Sikecümia u kedokecü nu thakelie la kerhei tsüre Niepuue pie puo khrieyakezhako tsütuo üdi phrapie kezhüu ngulietuo.

Jakob 1:16

A khrieko, mia bu u sewa hiecie.

Jakob 1:19

A khrieko nieko hau siliecie. Themia kehoupuo bu rei rünyü rhürhülie, die pu mhamha hie, u nou meyie mhaita hiecie;

Jakob 1:9

Kepelemia mhakejüu zorei puo piesiekeshü la puo mhokuo chülie,

Pitor Kerieu 1:4

tsiu kaüjütalie kelho, rhu kemo mu ratalie kelho theka puo teigei nu nie ya chüpie zhüte,

Pitor Kenieu 1:11

Silie liro u Niepuu mu kelakelieu Jisu Khrista kechachie kedi nu nie bu lelieketuo cha khrü kemeya phishütuo.

Pesikeshü 2:9

“A n mezhieko mu no mhajükecü si, no mhanyi phi ba zo ürei. Siro mia tha di u thuo uü Judamia üdi pu derei mo zo, ukoe Satan sinagog zocü a si.

Pesikeshü 21:7

Kehoupuorei kuolieyakezhamia mha hako welietuo, mu a uko Kepenuopfü chütuo tsiu uko a nuonuo chütuo.

Pesikeshü 3:18

Mhanyilieketuo la a n bu a kinu mi pie the kemesakewa suna, siro n kemethuo kemenga whelieketuo pfhe kekra; mu mha ngulieketuo la n mhi keva daru khrülienu tarhoshüya.

Capiko 9:7

Jotham-e süu sishü tse, puo Gerizim Kijüthou zü gei kho thalie di, uko ki hakemhie pu shiekhoui di sie, “A die rünyüliecie, nie Shekem nu themiako, Jihova bu nieko pfhe rünyülieketuo la.

Samuel Kerieu 2:30

Süla Jihova, Israel Kepenuopfüe puya, ‘A n kinumia mu n puo kinumia bu kechachie a mhodzünu tha di chalie chütuo;’ ishü ketho zo. Derei tsie Jihovae puya, ‘Süu bu a kinu pecietacie; a tsie we a rhuyakezhamia rhutuo, mu a peseyakezhamia se mhatho mo ütatuokecü la.

Samuel Kerieu 2:8

Puoe nyophe nunu kejümia phou sesiershü; tsiu mige kepupie keba nunu ketsopfhümia piesieshü; puoe süko bu kedinuoko donu baketuo chüshü, uko bu therhu kayie wetuo üdi. Kijüu mvüdzeko Jihova gei bacü la, puoe kijüu chüpie süko gei shü.