Jakob 2:15 - Angami Naga CL (Re-edited) Bible (BSI)

¹⁵ Mhanuü nie siezedzürie morei nie üpfünuo huo methuo mu thiethie va rei jü tuo,

Jakob 2:15 Iomraidhean Croise

Isaya 58:10

nie nie kecükekrie pie kemerüko tsüshü, mu mia u pechükezhako se morokesuou pie u kelhuo chüshü ro, siro nie kezieu kezei nu siertuo, mu nie kezeiu khinhieluo tuoilietuo.

Isaya 58:7

Nie khouka pie kemerümia ze keza, u ki kejü kejümiako ze n ki vortuoü, methuo ketuou ngushü tse, pfhe pie puo wheshütuoü; mu n thuo n siezedzürieko kinu n kevieta motuo ücüu mo me?

Ezekiel 18:7

miapuorei pesewa mo, derei puo diekhakeshü se di thepu pfüketuou kelashülie, mhapuorei rügu mo, niekhrüda pie merü ketuou tsüshü tsiu pfhemenei pie methuo ketuou wheshü,

Mark 14:7

Kekreilamonyü kejümia nie ze sei batuo mu kehoukipuorei nieko süko khruohishü nyü ro khruohilie vi; derei nieko a ze sei zo balie lho.

LUK THUKESHÜ DIELIEKEVI 3:11

Sitse puo sie uko ki, “Kehoupuorei boulie kenie kenyimia bu ba kemomia ze kezaliecie; mu kehoupuorei kecüca kebamia bu rei sükemhie chülie.”

Mhakechüko 9:29

Puo Grik die kepu Judako ze kerüchü mu keprüli, derei uko puo dukhriwatuoü sieta.

Ibriko 11:37

Ketsie pie u vakhri, seigei pie rethe, zhiecha pie uko dukhri; uko bu tekuo mu temvü zhü dzie di ze whi kho mu ke, tsopfhü, u pechüpenyü mu u pese phi,

Jakob 2:5

A khrieko, rünyüliecie. Ukepenuopfüe kijü hanu mhakejüko kedapie uko bu kepeletsa mhakenyimia mu puo khrieyakezhako la phrapie kezhü kedirüvieu kayiemia chülieta mo üme?

Johan Kerieu 3:17

Derei mia puoe kijüu kinyi ba di puo siezedzürie tsopfhü ngushü, sirei u vaphi mvüta ro, kikidi Ukepenuopfü kekhrieu puo nou balie vi ta?