Jakob 1:4 - Angami Naga CL (Re-edited) Bible (BSI)

⁴ tsiu shügeshühiekecüu bu nie chüpie vi tseiliecie, sitse nie lope mu tseiütso di mhakehoupuonurei tsopfhü molietuo.

Jakob 1:4 Iomraidhean Croise

JOB LESHÜDAU 17:9

Sizorei kemiathomia puo thuo puo zho-u se ba zotuo, tsiu u dzie kemesamia kuo miemie sielietuo.

Chieliko 37:7

Jihova geinu rüleilie, mu pfhe terüpfü balie; u cha nu kruolieyakezhau la n nou kemezhie hie, mha kesuo rhülie di chüyakezhau la rei.

Chieliko 40:1

A shügeshühiepfü di Jihova pfhelie, ru puo a kitsa va vor di a pfhe rünyülie.

Mhasidie 4:8

Puo se kemeyie secie, sitse süpfüe n chü pezhashütuo, puo ciepielie, puo n bu therhupfülietuo.

Habakuk 2:3

Kekreilamonyü pethopie keba teiu la ziemho puo baluo, süu thela dze pu, mu medaya mo. Süu chü menuoketa mhie zorei, pfhe baliecie; süu vor tou zotuo, süu chü menuotalie lho.

Mathi 10:22

Themia pete rei a za la nieko ngumecütuo. Derei kehoupuorei hiepfü zo tha thela tsokelieu kelalietuo.

Mathi 19:20

Sitse khriesau sie puo ki, “A mha süko ze phre tuote; a mha kikecüpuo tso mo baluo ga?”

Mathi 5:48

Süla teigei keba nieko Puou vi tseikecü tuoi nieko rei vi tseiliecie.

Mark 10:21

Siru Jisu puo meho terüshü mu puo khriecü la puo ki, “No mhapuo tso mo baluo, no vo n vie kebako zelie di pie mhakejüko tsüwalie, siliro teigei n kinyi nyilietuo; sidi vor a siemedzilie!”

LUK THUKESHÜ DIELIEKEVI 18:22

Siro Jisu hau sishü tse, puo ki, “No tsie rei mhapuo tso mo baluo. No mha keba pete zelie di rakako khapie mhakejüko tsüwalie, siro teigei n kinyi nyilietuo; sidi vor a siemedziliecie,” sita.

LUK THUKESHÜ DIELIEKEVI 21:19

Nieko shügeshühiekelie geinu nie kerheiro kelalietuo.

LUK THUKESHÜ DIELIEKEVI 8:15

Siro kijü kevi nu tsukelieko we dieu rünyülie di u nou dietho tsiu mezhü mu u shüshüta mo di süu se zo tha u si vükelieko zo.

Johan 17:23

A uko nou ba mu no a nou ba, süu geinu uko bu keze puo chü tseilieketuo siro kijüu bu no a ketseshü ükecü mu no a khrieyakezha tuoi uko khrieya ükecü silieketuo la.

Korintmiako Kerieu 2:6

Siüderei hie phichüketako ki we mhasi die puya, süusü kemethuo chütaketuo tsiedo kelhou teiki mhasiu mo, morei tsiedo kelhou teiki kezhako rei mo.

Galatiako 6:9

Süla mha kevi kechü u nyieta hie, kekreilamonyü we mezieta moro, puotei touki we re la zotuocü la.

Kolosiko 4:12

Nieko ramia puo mu Khrista Jisu kituou Epafra rei nieko kelushü ho. Puo nieko bu Ukepenuopfü medo-u si tou di metei thalieketuo la puo rhiechü nieko la cha baya zo.

Thesaloniako Kerieu 5:23

Noune khashüyakezha Ukepenuopfü bu nieko chü kemesa mpouwalie; sidi nie ruopfü, nie kerheiro mu nie mo bu kru phrezhü di u Niepu Jisu Khrista kevor nhie jotalie kelho-u chüliecie.

Timothi Kenieu 3:17

sidi Ukepenuopfü themia chüketa kehoupuorei chü pevipie mhatho kevi kheko chülieya.

Ibriko 13:21

mhakehoupuo nu rei nie chü pevi tseishülie, silie ro nie puo medo chülietuo, mu Jisu Khrista geinu nie gei puo mhinguki puo neiu chülie di kechachie Khrista bu zayie chükelieu chücie. Amen.

Jakob 1:5

Nie kehoupuorei mhasi jü ro, puo bu mephruomevuoi mu panya mo zo di pie mia tsüyakezhau Ukepenuopfü ki chaliecie.

Jakob 3:2

We mha kekra nu kekrütayacü la. Derei mia puoe puo diepuko nu kekrütaya moro puo vi tsei zo, mu puoe puo kelhou peteu rei kekhalie vi.

Pitor Kerieu 5:10

Derei puotei huoyo nie kemezhiekewa sie, puo geinu ngukemezhie pete paryakezha, Khrista nunu nie kiepie kechachie zayie kechü nu shülieketau, Ukepenuopfü thuo nie perheilie, nie chü pevi tsei mu nie chü kemetei tsiu nie chü pekuoshütuo,

Pitor Kenieu 1:9

Derei mha hako kejümia puo la we puo khieki kebako rübei ngu di puo mhi cie bate, tsiu puo kephouma chükewako nunu puo chü kemesawaketa rükra mote.