Jakob 1:27 - Angami Naga CL (Re-edited) Bible (BSI)

²⁷ Ukepenuopfü u Puou mhodzüki nanyü kemesa mu rhu mo bakelieu sü hau: Merünuomia siro samipfüko mezhie nu uko rükra mu khruohikelie tsiu kijüu bu puo perhuwa mo di balieyakezhamia zo.

Jakob 1:27 Iomraidhean Croise

Chieliko 119:1

U cha nu pejolie kelhomia thejakepfütho zo, Jihova zho nu tuoyakezhako.

Chieliko 146:9

Jihovae sikemomiako pekrulieya; puoe merünuomia mu samimiapfü mengupielieya; derei kerüzhüko cha we bie pesurhuwaya.

Chieliko 68:5

U puonuo kejüko puou, samipfüko keyau, süu Ukepenuopfü kemesa chü nu bayakezhau zo.

Isaya 1:23

N kedinuoko mia kepetsoumiate mu kerügumia ze khrietho chüte. Mia pete theso u neite mu mha u ketsüko whuoya. Ukoe merünuomia yapieya mo, mu samipfüko yau u mhodzüki tuo mo.

Mathi 12:32

Kehoupuorei Themia Nuou gei die kesuo pu ro vashü puo tsütuo; derei kehoupuorei Kemesa Ruopfüu gei die kesuo pu ro, tsiedo kelhou ki mu tsiesieu nu rei vashü puo tsülie lho.

Mathi 5:8

“U nou kemesako thejakepfütho, kekreilamonyü süko Ukepenuopfü ngu zotuokecü la.

LUK THUKESHÜ DIELIEKEVI 1:6

Unie kenienie rei Ukepenuopfü mhodzünu miatho, tsiu Niepuu zhoko mu diekhakeshüko pete ze tseilieyakezhamia phre.

Rommiako 12:2

Kijü hau rüliko mhieta hie, derei nie nou chü kesapie nie chü pekreilie, sitse nie Ukepenuopfü medo-u silie vi, süusü keviu, lielie kesüu mu vilotsokecüu zo.

Rommiako 2:13

Thezho-u rünyükelie la miapuorei Ukepenuopfü mhodzünu mezhülieya mo, derei thezho-u chüüzeyakezhako rübei mezhülieyakezha zo.

Galatiako 1:4

puoe Ukepenuopfü u Puou medo mhiei tsie kerüzhü tei hau nunu u shüphralietuoü u kephoumako la puo thuo puo phou khashü,

Galatiako 3:11

Süla miapuorei thezho-u la Ukepenuopfü mhodzünu mezhülieya mocü mecü zo; kekreilamonyü “Kemiathomia kepele geinu rheilietuo.”

Galatiako 5:6

Kekreilamonyü Khrista Jisu kitsa we zhükere mu zhürekemo ha mhapuorei kekrei mo; derei kepele üse kekhrie nunu mhachükezhau zo.

Galatiako 6:14

Siürei a la zo we u Niepuu Jisu Khrista krus la kemholielie kevi zo, süu la a mhodzüki we kijüu pie krus geinu gouwate, mu a rei kijüu kitsa sita zo.

Efesako 2:2

sükisü nieko kijü hau zho se lhou, teikijü donu di tuoyakezhau medo ze, tsiedo mia die zeya kemo kekha seketuo ruopfüu dieze chü vor.

Pulakeshüzho 14:29

sidi Levimia n ze di puoya morei puo phruo jükecü la, mu solhimia, merünuomia, siro samimiapfü n ra kebako bu vor cü di pevülietuo, Jihova n Kepenuopfü bu n dzie mhatho pete nu japie n tsülieketuo la.

Timothi Kerieu 1:5

Derei die khakeshüu ro thenou kemesa, kekhrie, mu noudonoule kemezhü, siro kethera kemo kepeleu zo.

Timothi Kerieu 5:4

Derei u nuonuo morei u tsunuo kenyi samipfü we, u nuonuo süko bu u kikruu nu Ukepenuopfü khrükeprei zho se di u thuo u krünuo vaphi lakelie do si rieliecie; Ukepenuopfü mhinguki we sikecü puotou zocü la.

Tita 2:12

süu u pethapie u bu mha kesuo shüüko mu kijü vieko kemehou khawa di u kethekerepfü, dietho, mezhü mu Ukepenuopfü khrüprei di kijü hanu lhou tuolieketuo la,

Jakob 3:17

Derei peso geinu kevor mhasiu we therieu mesa, süsie kezekevi, u zho kevi, kediezelie kerüü, mia ngumezhie sekecü mu mhatho kevi kra phicü, u nei si krei kemo, morei kethera kemo.

Jakob 3:9

We süu se Niepuu mu u Puou thezieya tsiu we süu se Ukepenuopfü rhi nunu chükelie themia rei rüsetaya.

Jakob 4:4

Harie, pieümiako! Kijü hau ze khrietho kechüe Ukepenuopfü ngumvü zo ükecü nieko si mo me? Süla kehoupuorei kijü hau ze khrietho chü ro puo Ukepenuopfü ngumvümia zo.

Pitor Kenieu 1:4

Sidi puo mha hako geinu mha kezha puoma keretho pupie kezhüko kha u tsüshü; sidi süko geinu nieko bu kijüu nu keba kesuokerhuko nunu talie di Kepenuopfü zho-u se lhoulieketuo la.

Pitor Kenieu 2:20

Siro u Niepuu mu u kelakelieu Jisu Khrista sikelie geinu kijü gei mha u chü pesuoyakezhako therhie pralieketamia, süko nu la le di u penyülieta ro sümia rüli thelatsa therietsa ki suokuotaya.

Pitor Kenieu 3:14

Süla a khrieko, nieko mha süko pfhe keba ki, nieko rhu mo, jo mo mu kezevi ba di puo bu nie ngulieketuo la nie teitsochü ba zolie;

Johan Kerieu 5:18

Ukepenuopfü nunu penuolieketako we kephouma chü zo bataya mo; derei Ukepenuopfü nunu penuolieketako rüguose bataya, sidi kesuou bu uko biewaya mo.