Jakob 1:26 - Angami Naga CL (Re-edited) Bible (BSI)

²⁶ Miapuonie puo thuo puo üse nanyü nu pecü üya, mu puo tie kekhalieya kemosie puo thuo puo nou se penya seketuo zo, mu puo nanyü rei kemethuo zo.

Jakob 1:26 Iomraidhean Croise

JOB LESHÜDAU 15:13

Sidi n ruopfü Ukepenuopfü petsou, tsiu die haikecü putieya le?

JOB LESHÜDAU 30:11

Kekreilamonyü Ukepenuopfüe a ro phreiwa mu a chü kerünuo shüte, ukoe mha medukelie kelhoupie a mhodzünu shü.

Chieliko 141:3

He-i Jihova, a tie kepfhe puo pie bacie; a me kikhau se balie.

Chieliko 32:9

Kier morei gada u kele kejüko mhieta hie; süko we kero se u me doulie di teshü morosuoya, mo üro uko nie penuo vor lho.

Chieliko 34:13

Mha kesuo nunu u meü kekhalie, mu ketijü kepu nunu u tie kekhalie.

Mhasidie 10:19

Die kekra kepura kephouma ba motaya mo, derei puotie kekhalieyakezhamiae mhakesimia zo.

Mhasidie 10:31

Kemiathomia tie nunu mhasi parya, derei kerüpfhimia meü dathewatuo.

Mhasidie 14:12

Mia puo mhodzüki cha puo mezhükecü mhie zhüya, derei cha süu thelaue kesia nu kevo cha zo.

Mhasidie 15:2

Mhakesimia tie nu mhakesi die pu tou parya, derei mhalekemomia tie se kerhanyakecü die hielashüya.

Mhasidie 16:10

Mha kevi pepilieyakezhae kedimia tie nu baya, puo tie-e dienya kecükecü ki jotaya mo.

Mhasidie 16:25

Lakipuo cha puo mezhükecü mhie zhüya, derei cha süu thelaue kesia nu kevo chataya.

Mhasidie 19:1

Mhajü zorei diethoketuoue themia puo tie re mu mhalekemo-u ki vikuo.

Mhasidie 21:26

Kerüzhümiae zhate mha mehou baya, derei kemiathomia mha khashüya mu khase bataya mo.

Isaya 1:13

ruosuo se kevor kemethuo zo; mha kethengu a la kerütse. Khrülhou mu Sabat siro kiekeshü kehou mu kejokemou kenyi kehouko a hie salie kenjüte.

Isaya 44:20

Puoe mige cü, bie penyakewa nou puo thuo puo cha tha kekrü ze tuote, mu puo thuo puo kelalie, morei sie, “A dzie a zatsa kecürü puo ba mo memu ha?” ikecü pulie si mote.

Malaki 3:14

Niekoe sie, “Ukepenuopfü lie chükecüe thedo zo. Puo diekhakeshüko ze bakecü morei u nousuo siei di krodiko Jihova mhodzünu kevo kedipuo kemevi ba ga?

Mathi 15:9

Uko a rüsuo thedo chü, kekreilamonyü ukoe themia thuo rhükelie zhoko üse kepetha die üdi pethaya!’ ”

Mark 7:7

Uko a rüsuo thedo chü tuote, uko themia thuo chücü zhoko se Kepenuopfü zhoko üdi pethayacü la.’

LUK THUKESHÜ DIELIEKEVI 8:18

Süla nieko kimhie di rünyüya shiü menuoliecie; kekreilamonyü kehoupuorei mha kebau khapie puo tsü sashütuo, derei kehoupuorei mha ba kemo-u kinu mha keduo yopuo ba üdi leyakezhau rei chüseta zotuocü la.”

Korintmiako Kerieu 15:15

Sizomonyü hie üse Ukepenuopfü zhapu chükezha ketijümia ütatie, kesiamia rheilakesie jü zo ketho liro Ukepenuopfü Khrista perheilie mo zorei hie puo üse Khrista perheilieta ükecü zhapu chütuokecü la.

Korintmiako Kerieu 15:2

a pie nie pethakeshü dieu thezetsase bakelie geinu nie kela reiliete, si moliro nie pelelieketau kemethuo chüte.

Korintmiako Kerieu 3:18

Nie thuo nie sewa hiecie. Mhanuü kijü hanu nie thuo nie ü mhasiüya ro, nie mhakesimia chülieketuo la kenyamia chüliecie.

Galatiako 2:6

Siro krütamia üketuoko (uko thuo mhaü tuo zorei, a la mhapuorei krei mo; Ukepenuopfü miapuorei rhu pekreiya mo) a la zowe mhapuorei chüshü mo.

Galatiako 2:9

Siro uko donu thekrütho chü keba Jakob, Kefa mu Johan ukoe ngukemezhie hau pie a tsüshüwaketa silie tse, uko u dzie u zatsa pie Barnaba hienie ze kedzie teshüshü, hienie bu Judakemoko mu ukoe zhükereko donu lietho chüketuo kepfhekholie.

Galatiako 3:4

Nie mezhieko kemethuo puo chüte me? Süu kemethuo puotou zo üro,

Galatiako 6:3

Miapuonie mhathopuo mo zorei puo thuo puo le pevi ro, sümia u thuo u se penya tuoyakezha zo.

Efesako 4:29

Die kesuo puorei bu nie tie nunu par hie, derei kerünyümia chü pevilieketuo die rübei pulie di pukezhü ki die kevi pu di mia bu u neiliecie.

Efesako 5:4

Morei nieko menga kemo, mha va perhukecü, morei kethedakecü dieko kepu zhü mo zo, sikecüumonyü ketheziekecü se di lhoulie.

Pulakeshüzho 11:16

Nie nou seketsiwa di, nie bu rürei terhuo kekrei lie chü mu rüsuota molieketuo la menuoliecie;

Kolosiko 4:6

Nie pfhe nie die bu u neisieilie, mu metsie kelhe mhie zolie, sitse nie mia die kelakecü nu pu kezhüu silietuo.

Jakob 1:19

A khrieko nieko hau siliecie. Themia kehoupuo bu rei rünyü rhürhülie, die pu mhamha hie, u nou meyie mhaita hiecie;

Jakob 1:22

Derei kerünyü rübei zo di u thuo u se penya tuoyakezhamia chü hieü, chü mu zeyakezhamia chüliecie.

Jakob 2:20

Derei mhalekemo-u, kepele puo mhatho sa kemosie kemethuo zo ükecü no silietuo mo mo ga?

Pitor Kerieu 3:10

Kekreilamonyü, “Rhei ba nyü mu teisozha kevi ngu nyüyakezhamia, sümia bu u meü se die kesuo pu hie, mu u tie pie mia kese die pu hie,