Ibriko 1:3 - Angami Naga CL (Re-edited) Bible (BSI)

³ Puo geinu Ukepenuopfü zayie khrüu rükesoshüya mu puoe Ukepenuopfü rhi touu zo, mu mha pete rei puo die kekuou thuo se ba. Puoe kephouma chü kemesawa, di vo peso gei Kezhatho-u zatsa bate,

Ibriko 1:3 Iomraidhean Croise

Seyiedze Kerieu 29:11

He-i Jihova, kezha, kekuo, zapuzayie, kuokelie mu kedi pete n vie zo; teiko gei mu kijü ketuo pete n vie zocü la; kedi kechü n vie zo, he-i Jihova, mu noe mha peteko mho puotsüu chüte.

JOB LESHÜDAU 37:22

Pesotsa nu teila keviu vorya, Ukepenuopfüe kuo kemerie chü ba.

Chieliko 110:1

Jihovae a Niepuu ki, “A zatsa balie, a n ngumvüko pie n phiba chüwa kemochie.”

Chieliko 75:3

Kijü mu sünu themia pete rünieketa ki, ae süko coko mengu kemetei se thaya. Selah

Pethakeshüu 8:4

Kediu die kebara sünu kekuo baya; mu supuonie puo ki, “No kedipuo chüya ga?” isilie vi mu.

Levimiako 15:15

zievo-ue puo pie kephouma ruosuo siro puo pie kethe ruosuo la khashütuo; mu zievo-ue puo geinu zu kepar-u la ruotho chüshütuo.

Mika 5:4

Siro puoe thalietuo tsiu Jihova kekuo nunu puo kuoko, mu Jihova puo Kepenuopfü zapuzayie kechüu nunu uko vachütuo. Siro ukoe lhou khrukhretatuo, tsie yawinu puoe kijü vala ketso zhatuo;

Mathi 22:24

“Kepethau, Mosa hie ki, ‘Mia puoe puo nuo jü di siata ro, puo siezeu bu puo kimia lie di puo dzürieu yie pelhoucie,’ isi.

Mark 16:19

Süsie Niepuu Jisu uko ki mha pushükewa sie, puo ze teigei khota, sidi vo Ukepenuopfü zatsa bata.

Johan 1:14

Siro Dieu chüüphou mevi vor hie donu lhou, mu hie puo zayieu, ngukemezhie mu ketho bu tshukepfü, puo nuo pfuliu zo ükecü zayieu ngu.

Johan 1:29

Süsienhie Johan Jisu puo ki vorkezhü ngulie di sie, “Harie, kijüu kephouma chü setakezha Ukepenuopfü Kuonuou sü!

Johan 1:4

Puo gei kerhei tuo, mu kerhei süu themia pete kezieu zo.

Mhakechüko 2:33

Süla Ukepenuopfü zatsa nu puo chü pezhase bate, mu Puou kinu phrapie kezhü Kemesa Ruopfüu ngulieketa la, nieko tsie si mu ngu keba hau puoe rushüte.

Mhakechüko 7:56

Sidi puo sie, “Harie, a tei kokeshü mu Themia Nuou Ukepenuopfü zatsa ketha ngu bate!”

Rommiako 1:16

A dieliekeviu la we mengaya mo; süusü pelekelieko pete kelalieketuo la Ukepenuopfü kekuou zo, Judako ki shü rie mu Grikmia la rei zo.

Rommiako 8:34

Supuonie mia pejolie vi ta? Süu Khrista Jisu, puoe siakeshüu, rheilasiekelieu, sidi puoe vo Ukepenuopfü zatsa ba di u la cha bate.

Korintmiako Kenieu 4:4

Süu pele mvüketako la we kijü hanu rhuou bu uko nou chü pezeiwaketa la zo, süko bu dieliekeviu nunu kevor kezieu, zayie chü zokecüu Khristae Ukepenuopfü rhiu ükecü ngulie kelho chüwaya.

Kolosiko 3:1

Süla nie Khrista ze di rhei sielieta üro, nie nou pie pesogei Ukepenuopfü zatsa baketa Khrista keba nu vieko pfhü zoliecie.

Tita 2:14

Puoe u kesuo kheko nunu u rhalie mu u khrü kemesapie puo thuo puo themia kro puo chülietuoü u bu mha kevi pete nu u rhiechülietuo üdi puo kelhou khashü.

Ibriko 1:13

Derei puoe puo dielieko miapuorei üse, “A n ngumvüko khapie n phipra chüwa kemochie no a zatsa ba zocie,” isi mo.

Ibriko 10:12

Derei Khrista we kechachie la kephouma ruosuo va puo rübei nu chüwa di vo “Ukepenuopfü zatsa bate,”

Ibriko 12:2

sidi u kepele khapie u ketsüu mu chü tseishüyakezha Jisu meho zolie khe, puoe mha puo kenei puo mhodzütsa bakecüko la kemengakecü rei üse mhapuo kemo mhie di krus se rei hielieta zo, sidi vo Ukepenuopfü zatsa kedibau nu bate.

Ibriko 4:14

Süla we u kepeleu theze kemetei se tha zolie khe, kekreilamonyü u zievokezhatho-u Jisu, Ukepenuopfü Nuou teiko pfüthe kho baketa la.

Ibriko 7:27

Puoe zievokezhatho kekreiko mhie mo, puoe puo thuo puo la mu süsie themiako kephouma la teisonhie ruosuo khakeshü mhatho-u chü morei vite; hau puoe puo phou pie vapuochü ruosuo chüwata zo.

Ibriko 8:1

Hie pu keba ca kemeyieu sü hau zo: teiko gei Kezhatho-u kedibau zatsa baketa u zievokezhatho hikecü puo bate,

Ibriko 9:16

Siro mha pupie mia tsükeshü die puo nyi üro, puo se sie nu kekreiu bu süu ngulieya.

Ibriko 9:26

simotuo ükecü sie kijü chülie tsenu vor kenuotsa ketso puo tsiemelie kemezhie morosuota zotuo. Derei puo mia mhingu chü vor di kephouma valieketuo la puo thuo puo pie vapuochü ruosuo chüwate.

Pitor Kerieu 1:21

Nie puo la kesia nunu puo kesoukelieu mu puo bu zayie chükelieu Ukepenuopfü pelelie, sidi nie kepele mu siedze rei Ukepenuopfü gei bate.

Pitor Kerieu 3:22

Süu puo tsie vo teigei Ukepenuopfü zatsa nu teigeidielieko, kezhako mu kekuoko mho di bate.

Pitor Kenieu 1:16

Hie u Niepu Jisu Khrista kekuo mu puo vorketuo dze pupie nie kiekeshü ki themia do se rhükelie kemeda dze pu mo, derei hie hie mhipie puo kekuo kezha nguwate.

Pitor Kenieu 1:17

Zapuzayie Kerükrietho geinu mhapfhe puo: “Hau a Nuo a khrieu; a puo ngu a neithor zo” isikecü kevor ki puo Ukepenuopfü u Puou kinu therhu mu zayie ngulie.

Johan Kerieu 1:7

derei puo kezie nu tuoyakezha tuoi we rei kezieu nu lhou tuoya ro, we huoniehuo ze kekrothoya mu Nuou Jisu zie thuo kephouma pete nunu u chü kemesalieya.

Johan Kerieu 3:5

Puoe kephouma chü setatuoücü la mia mhingu chü vorcü nie si ba, mu puo gei kephouma puorei jü.

Juda 1:25

u Niepu Jisu Khrista geinu puo rübei Ukepenuopfü zokecü u kelakelieu bu nnhiennhie nu rei, tsiedo rei mu kechachie rei zayie, kezha, kedi mu kekuou chüliecie. Amen.

Pesikeshü 3:21

Kuolieyakezhamia, a kuolie di a Puou kediba gei puo ze baketa tuoi a sümia bu a ze a kediba gei balietuo.

Pesikeshü 4:11

“Hie Niepuu mu hie Kepenuopfü, no sü zayie mu therhu tsiu kekuo lielie kesüu zo, no mha peteko chüshücü la, tsiu n medo la süko tuo mu chükelie zokecü la.”